Kraisgo Geme Dualali Sę Pedelabo Po Jonbolo Ola Mani 9:20 - Godigo dwagi yai po buku

²⁰ Tama tigidali gasa bidi dabe augwali te dwai nai selago ebo sęde isisąwai bage, augwali homu begelesiąma tama augwa nogogo nigali nai tagalama tudiba musiąyu me bidaluali. Tama tiyu augwaligo te dwai haubo noma bidi dabebolo lotu po wabo tagalobe. Augwaligo te tibo god dabe te kapa golgo dali silva dali te bras me, te masigi me, te nigo me, tama naigo nigai tibo god dabebolo augwaligo lotu po wabo tagalobeo. Te nogogo nigali tibo god augwaligo gedugo sugobeo, ma ologo odogobeo, ma biligobeo. Tiali goli augwalibolo te bidi dabego lotu po weyu bidaluali.

Kraisgo Geme Dualali Sę Pedelabo Po Jonbolo Ola Mani 9:20 Referans Kwoze

Daniel 5:23

Nago naga digi naga nogi ugwaba sabo homu elama, tama dagalude Genuai Bidigo nogi aiyaba elaluabo homu yai. Nago te sę bidi dabeba olama, tama augwaligo te nago wąįgo te Godigo bede sela asali kap dabe seselama, tama nage dali, te naga genuai bidi dabe dali, me te nago we mu dabe dali, me te nago si wali hani we dabe dali, dage tigidaligo wain ąį te kapde tuali. Tama dagego te bidi dabego te gol, me silva, me bras, me ain, me ni, me masigi, te tama nai dabego nigali tibo god dabego nogi ugwaba salio. Te god dabego te tonono me bilisąyu, tama po me odisąma, tama te magi sę me konesiąwai. God deligo naga te nago bidibo ula, me nago ebo sę tigidali te tonalubao. Tiali goli, nago agai nogi ugwaba me sabeo.

Bomai Po 31:29

Eno koneani, ena isai digi dage we bidi dwai mu pedelaibao, tama eno dagebolo mani po me wali pogobeo. Te dagego dwai kolesaga hauwa mu yaibao. Tama dagego Genuai Bidi sębę mu ilaibao, tama agai dageba dwai sę dabe mu pedalomainu yaibao,” Mosesgo te Livai pris dabebolo te po wali.

Kraisgo Geme Dualali Sę Pedelabo Po Jonbolo Ola Mani 9:21

Te bidi dabe augwaligo bidi meba ela muyu, tama bidi dolobo pobi wabo sę eyu, tama augwaligo penani ebo kolesaga wali peyu, tama nai wi sesa bilibo sę eyu bidaluali. Tama tiyu, augwali homu begelama, te dwai kolesaga ebo augwaligo tudiba me mubeo.

2 Timoti 4:1

Godigo Tedali Mobo Bidigo hanilama te po wai: nosali sogo bidi meba augwaligo te Kraisde konealubo po tagalaibao wali. Te augwaligo te tibo po wabo dwai haubo noma bidi dabego ola mabo po odama, tama augwaligo te dwai haubo noma bidigo po wali paibao.

Godigo Sęba Tagala Palai Bidigo Po 19:26

Tama dagego te bidi Pol agai ebo kolesaga koneani dao, dago agai po dabe me odali dao. Agai Efesusde bidibo we bidi dabebolo wabo po dabe, tama agai Esia tǫde bidibo we bidigo me agai po tama wabo da, ‘Te tobage bidigo nogogo nigibo god da, bomo menio, augwali god mu menio, agai dage tau sogobeo,’ te po walio. Agai tama po wabode tigidali we bidi augwaligo te po wali pali, te Efesus be nanide me, te Esia tǫde me.

Godigo Sęba Tagala Palai Bidigo Po 7:41

“Augwaligo te po olama, te sogo augwaligo bulmakau kibu wai tiwai nai me deli nigalio, te augwaligo tibo god. Tama nigilama, augwaligo hasa dabe elama, te tibo godibolo lotu po olama, nai ula mani. Augwaligo moni kibu da tiwai tuali, augwa nogogo nigai nai sulama, dwagi yai homu elama, moni nai kibu da tiwai tuali.

Jeremaia 1:16

Tama eno ena we bidi dabe po tų kot ilama, te augwali dene mawaibao. Magi baso meni, augwaligo ena tudiba munama, te augwa digi tibo god nigilama, te augwaliba ofa eyu, te lotu augwaliba wai. Te kolesagade augwaligo te dwai sęgę saibao.

2 Korin 12:21

Eno e homu me ebao, ena dage bidiboba ma asobo si tama ena God agai ena te dagego gesabidide aiyaba elaluaibao. Tiyu eno dage hauwade gela waibao. Magi baso meni, te we bidi polobadu augwaligo te dwai sę yali te tagalama tama homu begelama, tama te meda yai kolesaga me, te penani ebo kolesaga me, te hale isąbo dwai dwai sę subigila ebo kolesaga, te augwaligo polobadu yali te dwai kolesaga tudiba me mube. Tama tede eno dage dali yabo sęde homu eyu tama homu sęgę elalubao.

Jeremaia 51:17

Bidi augwali te tiwai ebeo. Tigidali te umuna pelama, te kolesaga konesiąwai elaluai. Te golgo tibo god dabe nigibo bidi augwali augwa te nigibo naide augwa hale yaibao. Te god dabe augwali te god mu menio. Augwa bidibo ula me elalube dao.

Godigo Sęba Tagala Palai Bidigo Po 17:29

Tama da bidibo Godigo wai dabe bidibao. Tama tibaso, dago te homu egio, te God masigi tiwai dao, te bunuwaligo nigai piksa tiwai God da, olamuo. Dago te homu ilamuo, ‘God da dago nogogo nigai dao,’ te homu egio.

Matyu 21:32

Magi baso meni, Jon dageba pedalama, tama agai te doloba pai kolesaga ebo te po dagebolo ola mani, tama dagego aga wali poba homu dąų wabeo. Tiali goli te takis mone sabo dwai bidi dabe badi, te penani yali we dabe augwaligo homu te poba dąų wai. Tama te tama tebo dagego suali goli dagego ge neyu, homu hasegelama, agai wali poba homu dąų wabo kolesaga munu me ebeo,” Jisasgo te po augwali dali wai.

Jeremaia 44:8

Dage Isipba bidagaselama, dagego te tibo god dabegopiksa nigilama, te wiegi yai denami ebo ofa te god dabebaebo dao. Dagego te tebo kolesagade ena haliga sębę dwaimu ilibao. Tibaso, te dage dolaibao. Te gasa tǫ kantribulu we bidi dabego dageba dwai posobo po waibao. Te augwa boi bidi dabeba dwai po wabo sogo da, tedaaugwaligo te po waibao, ‘Dage te Juda dabe dolali tiwaigilama yagameo,’ te po waibao.

Jeremaia 25:6

Dagego te gasa god wali me pisąma, te augwaliba lotu weyu, te augwaliba sę me elamuo. Tama dagego te tibo god dabe piksa me nigiyu, te ena haliga sębę ilibo sę me igio. Te dagego eno po wali peyu da, teda eno dwai sę dageba me egobeo.’

Jeremaia 5:3

Genuai Bidi, nago godolo ebo homugo te tigidali bidigo te dolo yai kolesaga mu wali pomai homu ebao. Nago te we bidi dabe elebadi goli, tialima augwali te dene ebo gę nabeo. Nago augwali elaluali, tiali goli te augwali nago dodolomainu me ebeo. Augwa tobolu te masigi dila pai mu tiwai elalu, te augwa haliga begelibo hagela mu yali.

Godigo Nogi Ugwaba Sabo Tęąbi Po Wabo Buku Dabe 106:37

Augwaligo te augwa wai ogwa me, wegi me, ela munama, te tibo god dabeba ofa yai dao.

Tuni Bidi Dabego Po Elalubo Buku Si 34:25

Te we bidi augwaligo enaba tudi ola menama, tama augwaligo tibo god dabeba ofa yai dao. Tama augwaligo te dwai kolesagago eno augwali dali sębę emainu ilai dao. Eno te Jerusalem dabe dali sębę mu elama, tama eno te sębę munu me siligobeo.

Te Israel me Juda Hani Sigo Tuni Bidigo Po Elalubo Buku Si 22:17

Te tigidali we bidigo ena tudiba ilama, tama augwaligo te tibo god dabeba ofa nai ula mabo sę ebo dao. Tama augwa te dwai kolesaga ebogo te eno augwali dali eno wado te ebao. Eno sębę genuai mu te Jerusalem dali eyu, tama eno te sębę ebo sę te eno polo sia sogobeo,’ wali.

Bomai Po 32:17

Augwaligo bulu howa bidiba dabe ofa eyu yali, te augwaligo polobadu lotu wasiąma yai. Tama augwaligo gesi god dabe wali pali, te augwa wąį dabego polobadu dologode elalusiąma yai goli. Te tobage nai dabe te god mu menio.

Kraisgo Geme Dualali Sę Pedelabo Po Jonbolo Ola Mani 16:8

Te tudi badu te me si me si wali te ensel mobo bidigo pou te giligaba gelali, tama Godigo te giligago te bidi dabe augwali domainogo sula tagalalio.

Aisaia 41:7

tama augwa te tibo godigo piksa nigalio. Te nigo piksa dulubo bidi dabego te golgo nai nigibo bidi dabeba te po wali, ‘Dagego te wiegi yai sę mu ebao.’ Te gol haluama dodolobo bidi dabego te aingo nai nigibo bidi dabeba te po wali, ‘Iya, tegobao, dagego te nai bugagia mu dąų walobao.’ Te nosali augwaligo te piksa dabe bugagia enani, tiyu te augwali tulaluidali weyu tiai dao.”

Aisaia 2:8

Tama me ma, augwaligo tǫ tibo god dabego piksago pągąna pali. Tama augwaligo augwa te nogogo nigali nai dabeba lotu po wabo dao.

Tuni Bidi Dabego Po Elalubo Buku Si 28:22

Te king Ahasgo te sęgę hauwa mu sabo sogo agai Genuai Bidi munu me homu kone ebeo. Menio. Agai Genuai Bidi tudiba munama, me genina mu tudi ola manio, tama dwai dwai sę hauwa mu yali.

Pris Sę Ebo Bomai Po 17:7

Dage Israelgo te bulu haubo bidi dabeba kibu elama, ofa ebo sę munu ma elamuo. Dagego te tiwai elama, te dagego ena tagaliyu, te tibo godiba homu kęą pali. Sesemane sogo dage hanigo te eno sel Ugwa Beba te kibu ofa tiwai siyu idu geao,” wali.

Bomai Po 4:28

Tama te bulu dabede da, dage tibo godiba dabe lotu po waibao, te bidi dabego te masigigo me ni dabego nigai godide. Te god dabego te tonoyu, me odoyu, me po weyu, me nai tuyu, me nai denami odoyu me egobeo.

Daniel 5:4

Augwaligo te wain wę tuduladu, tama augwaligo te gol, me silva, me bras, me ain, me ni, me masigi, te nai dabego nigali god dabe augwaligo te nogi ugwaba sabo sę yali.

Maika 5:13

“Te eno te tigidali kapago nigai tibo god, me te lotu wabo masigi pos tigidali sela sąwaibao. Tama te duga digi nigali nai dabeba munu ma lotu omainu me egobeo,” wali.

Kraisgo Geme Dualali Sę Pedelabo Po Jonbolo Ola Mani 9:19

Magi baso meni. Te hos dabe augwaligo te we bidi ela muabo bomo te augwa pedauwalide me te augwa danude me elalubo dao. Tama augwaligo danu te hasamani dabego danu tiwai, tama tobolu me elaluai. Tama bidi augwaligo te naigo dolobo dao.

Kraisgo Geme Dualali Sę Pedelabo Po Jonbolo Ola Mani 15:1

Te eno suali gasa genuai noma sabo sę te dagalude pedalali, tama eno homu hauwa te sęde yali. Eno suali, ensel mobo bidi a naga olama me badu nogo si bidali, tama augwaligo te bidi dolabo dwai nai mu a naga olama me badu nogo si tolaluai. Tama nosali te dwai nai augwaligo sę ebo silibo si, teda te we bidi dolabo gasa dwai nai ma pedalogobeo. Te nogo a naga olama me badu si te dwai nai, te naide te Godigo sębę ebo mu silaibao.