Kraisgo Geme Dualali Sę Pedelabo Po Jonbolo Ola Mani 3:19 - Godigo dwagi yai po buku

¹⁹ Te eno bidi meba wei eyu da, te eno augwali dali wado po weyu, te augwaligo kolesaga eno dodolobo dao. Tama tibaso, nago bomo elama, tama homu hodolama, nago yali dwai kolesagade ge neyu, tama nage homu begelao.

Kraisgo Geme Dualali Sę Pedelabo Po Jonbolo Ola Mani 3:19 Referans Kwoze

1 Korin 11:32

Tiali goli, Genuai Bidigo dago ebo kolesaga osola sulama, tama dabolo dene osogo mobaso da, tede te da aga wai bǫų tiwai dodolobao. Agai tama tebo te da tǫde bidi dabe augwali dali nosali mu hagaidali weyu tebo dao.

Kraisgo Geme Dualali Sę Pedelabo Po Jonbolo Ola Mani 2:5

Tama polobadu nago dwagi yai kolesaga yai, tialima nago te kolesaga tagaliyu tama nage tulaluai dao. Tama nago te polobadu yali kolesaga ma homugo koneyu, tama nage homu begeleyu, te hasia yali wiegi yai kolesaga ma yao. Nago te sę esiąyu, tama nage homu begelesiąyu da, te ena nage pageba pedalaibao, tama eno nago te lam sole elaluali ena ma sagasaibao, aga nage dali me elalugobeo.

Jopgo Po Asęani Elalubo Buku 5:17

“Ma, te Tigidali Bomo Elalubo God agai bidi me deli kolesaga dodolobaso da, teda te bidigo dwagi yai homu yao. Tama megi da, agai nage dodolaiba, tiyu nago aga tudi ola maidali weyu.

2 Korin 7:11

Dagego bugagia homu koneao. Te homu sęgę Godigo dagebolo mani, tego agai te haniani wiegi yai kolesaga dagebolo pedalomainogo yali. Agai dage asesa selama, tama dage hogodolama duga po dodolomainogo yali. Agai dage hodolama te dwai penani sę yali bidi wado ilama, tama dage Godide wi yaibao. Dagego homugo da suabo homu elama tama gela weyu, tama dagego te dwai penani sę yali bidi dodolobo sę bomo elama yabo homu yai. Te dage tomode te bidi me deligo dwai penani sę yali, tede te tigidali badude dagego ebo kolesaga te po dodoloyu yali. Dagego kolesaga tama tiwai hania hanilama pedalai dao. Tama tiyu, te dagego te bidigo yali dwai sęde megi sęgę me elalubo menio.

Jeremaia 31:18

Te Efraim hani dabego gela wabo eno mu odalio. Augwa gela weyu, te tiwai po wali, ‘Genuai Bidi, nago da keloago elali, te nago da dodolali, te bidigo te hagoma ebo ogwa bidi bulmakau elibo tiwai yai. Genuai Bidi, nage naga dago God, te da nageba ma asabo homu ebao. Tama tialima, nago da odasa asao.

Jeremaia 10:24

Genuai Bidi, nago da dodolao, tiali goli, nago da selebo sę igio. Tiyu, nago da dali haliga sębę eyu, nago da mu dolidalio.

Jeremaia 7:28

Te nago augwaliba te tiwai po wao, ‘Te dage hanigo te Genuai Bidi, duga Godigo po wali me pisąyu, te Godigo augwali dodolomainu me ebeo. Augwaligo te mu po wabo kolesagadu munu me wali pabeo. Augwaligo te kolesaga mu tagalobo dao.’ Te po wao,” wali.

Aisaia 26:16

Genuai Bidi, nago naga we bidi dodolomainogo eyu, dene mu mani, tama augwaligo bomo mu sia salio. Tiali goli, augwali moni homu dene dali nage pageba aselama, nageba gedu haluasa po walio.

Bugagia Bidibo Kolesagade Po Asęai Buku 22:15

Te wai dabego te homu kolesaga meni yai kolesaga dabe ebo dao. Tiali digi, nago te augwali keloago elibaso da, teda augwaligo te kolesaga tagalaibao.

Bugagia Bidibo Kolesagade Po Asęai Buku 15:32

Te bidi te bidi dabego aga dodolainu ebadi, te po sela sąbo bidi da, teda te aga digi aga dolobao. Tiali goli, te bidi dabego te aga dodolainu ebaso, te po odobo bidi da, teda aga homu me konebo kolesaga te wiegi yai pedelaibao.

Godigo Nogi Ugwaba Sabo Tęąbi Po Wabo Buku Dabe 69:9

Eno te nago tedali wiegi yai be te godolo mu elama, tama eno te be wiegi yai bugagia elalumainu, te sę bomo ebao. Te bidi dabego nageba wabo dwai po, tama te po enaba me boaga sobao.

Godigo Nogi Ugwaba Sabo Tęąbi Po Wabo Buku Dabe 39:11

Nago te bidi me deliba wado eyu, tama aga yali sę wei ponoyu ebo dao. Tama nago te agai godolo ebo nai te mu siliyu yaibao, te asobago te ugwa togobo tiwai eyu, tama te ugwa dolobo tiwai ebao. Mu tama, tigidali bidi pedauwalide te po mobo wali asobo tiwai ebo dao.

Bomai Po 8:5

Tialima, dagego koneao, te aya mego aga wai elama dodolainogo elebo tiwai elama, God dago Genuai Bidigo da te dodolali dao,” wali.

Jems 1:12

Niwai bidi me aga dali te dwai sę yanama sinayu bomo ebadi tama te bidigo dwai sę emainogo te bidi me deligo te dwai sę yao po weyu da, te bidigo te sę isiąma, te bidi aga bomo elama te dwai sę aiyaba elalubaso, te tiwai bidi aga dwagi yai homu eyu bidaibao. Magi baso meni. Agai te dwai sę usu sabo sogo aiyaba elaluama, tama Godigo aga bidabo ula mawaibao. Godigo te po polobadu wai dao, “Niwai bidi agai ena dali dwagi yai homu eyu, godolo mu ebo bidi agabolo te bidabo ula eno mawaibao,” te po wai dao.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

Polgo Po Pas Rom Dabeba Asęani 12:11

Dagego sesemane sogo sę bomo mu yao. Tama dagego homude bomo eyu tama Genuai Bidigo sę yao.

Jeremaia 30:11

Ena Genuai Bidi, ena dage dali bidibao, te dage tau saibao. Dagego te dwai sę yali dao. Tama eno dage dodolobo sę igi menigi da, te dolo menigi da. Tama tibaso, eno dage e tǫde sela sąwaibao. Te eno dage augwali tomoba te tagala palobaso bidigi pali tǫ pedai kantri dabe te mu silaibao. Tialima, te dage eno me silimainogo egobeo. Mu tama, te eno dwai dene dagebolo mawaibao, tialima, eno te doloba pai kolesaga naga wali peyu, te eno dage dodolaibao,” wali.

Godigo Nogi Ugwaba Sabo Tęąbi Po Wabo Buku Dabe 94:10

Agai te tigidali tǫde bidibo bidi hani tonalubo dao. Tialima, agai augwali dodolobo meniwe? Tama aga tigidali we bidigo po ola mabo bidi. Agai konebewe?

Godigo Nogi Ugwaba Sabo Tęąbi Po Wabo Buku Dabe 6:1

Genuai Bidi, nago wado yabo homu elalubao, tiali goli nago enaba wado po me wagio. Nago haliga sębę yali, tiali goli nago enaba dene me magio.

2 Samuel 7:14

Tama ena te aga aya bidiyu, tama aga te eno wai bidiyu yaibao. Te agai dwai kolesaga ebo sogo, te eno agaba dene mabo sę eyu, te ayago aga waibolo ebo sę tiwai yaibao.

2 Korin 6:9

Te we bidi mebago gedude te da nogi meni yai bage da, da koneabo bidi meni ebo tiwai ebo dao, tiali goli bidi hauwago da koneani. Da te isainogo ebo bidi tiwai ebo dao, tiali goli meni, da bidibo ula dali me bididubo dao. Te Godigo da dodoloyu te keloago elebo tiwai ebo, tiali goli agai da me ela mubeo.

Dwagi Yai Gesi Po Jongo Asęani 2:17

Jisas aga wali pabo bidi dabe augwaligo po me Godigo po bukude wali po me ma koneai. Te bukude te po wai, “Eno homugo nago be tonalubo homu bomo ebo dao. Tama augwaligo enabolo dene mawaibao.”

Bugagia Bidibo Kolesagade Po Asęai Buku 15:10

Te doloba pai sunumi tagalobo bidi da, teda dwai dene mu saibao. Tama te gasa bidi dabego aga dodolomainu isiąbo bidi da, teda aga isaibao.

Galesia 4:18

Tama bidigo te homu bega sabo po te pode te wiegi yai po obaso da, teda te po usu dao. Tama sesemane sogo da te wiegi yai homu bega sabo po naga wao. Tama te sogo da hodobo bidisiąyu da, tialima dagego te tebo homu kolesaga me tagalamu dao.

Sefanaia 3:2

Augwaligo bidi dabego po odisąwai, awe, augwaligo Genuai Bidigo po me odai menio. Tama augwaligo Genuai Bidigo augwali dodolomainu homu ebo hagela yai dao. Tama augwaligo agaba homu dąų olama, tama augwaligo Genuai Bidigo augwali tau somainu me hanalu wai menio.

Jeremaia 2:30

Eno dagego wai puluba dabeba dwai dene mabo sę yali, te dage dodoliyu yali, tiali digi ena odolali sę dene yai. Dagego duga kolesaga me hasegelebeo. Menio. Iya! Dagego te eno dageba tagala palali profet dabe deli deli ela muna muna pela silali, te nasi yai boma pai laiongo hasa elebo tiwai yai.

Matyu 25:7

Tama olama, tama te wegi mani augwali tigidali hodaluama, tama augwa lam sole sisi elama dodolai.