Kraisgo Geme Dualali Sę Pedelabo Po Jonbolo Ola Mani 21:27 - Godigo dwagi yai po buku

²⁷ Tiali goli, te dwai meda yai kolesaga ebo bidi te hanu tomoba pogobeo. Te haniani dwai kolesaga eyu, te tibo po weyu ebo bidi dabe, te hanu tomoba me pogobeo. Mu menio. Te Kibu Sipsip Wai agai te we bidi dabe meba augwali nogi te isisąma gamonaibao wali we bidi nogi asęani buku, te bukude augwali nogi asęani we bidi dabe augwali naga augwa te hanu tomoba pabo usu yaibao.

Kraisgo Geme Dualali Sę Pedelabo Po Jonbolo Ola Mani 21:27 Referans Kwoze

Aisaia 52:1

Jerusalem, nage te God aga da olama, sa muani hanu, nage hogodao. Nage hogodama, bomonama dolugulao. Nago au dobage te gasa sawi yai sawi yai munama, te nage tonobo gasagi me mu yaibao. Te Godigo po odisąbo bidi dabe, me te God gedude wiegi yai isąbo hani bidi dabe, te augwali nage tomoba me asogobeo.

Kraisgo Geme Dualali Sę Pedelabo Po Jonbolo Ola Mani 20:15

Tama e po tų odobo bidi agai te gamonaibao wali we bidi nogi asęani buku nedeyu, tama niwai bidi agai nogi te bukude me elalusiąbaso da, teda agai te bidi te moni genuai sia dabo dedageba aiyaba te siade dene somainogo sąwai.

Kraisgo Geme Dualali Sę Pedelabo Po Jonbolo Ola Mani 3:5

Tama niwai bidi agai te dwai kolesaga ebo aiyaba elalubo bidi, te bidi agabolo eno te tedela yai ugwa tiwai munama, tama agai nogi te isisąma gamonabo we bidi nogi asęani bukude eno agai nogi sela sągobeo. Menio. Te agai nogi eno Ayago gesabidide me, te aga mobo bidi ensel dabe augwaligo gesabidide me te bidigo nogi po eno pusaibao, te aga eno bidi dao, te po waibao.”

Aisaia 35:8

Tama genuai sunumi me deli te badu elalueibao. Te genuai sunumi nogi e tiwai waibao, “Godigo Tedali Gasagi Yai Genuai Sunumi Digi Dao,” wai. Te God gedude wiegi yai isąwani bidi dabe, augwali te sunumide me biligobeo. Mu menio. Te Godigo we bidi dabego sunumi naga elalueibao. Te homu kolesaga meni yai bidi dabe, te augwali te pąba me pogobeo.

Matyu 13:41

Te Godigo Bidi Mu agai aga sę ebo ensel mobo bidi dabe tagala palama, tama augwaligo te Godigo tonalubo we bidi tomode elalubo dwai dwai sę ilabo kolesaga me, te haniani gasa dwai sę ebo we bidi me, augwali tigidali sisinama

Joel 3:17

Agai te tama po wai, “Te sogo te Israel dagego koneiagameo, ena tama ena God, te duga Genuai Bidi da waibao. Ena te Saionde bidibao, ena bulu du deli digi dao. Te Jerusalem eno te ena taun naga pedelama, te gasa hani dabe augwaligo boi bidi homu eyu, te tomoba ma pogobeo.

Esekiel 44:9

“Ena God Genuai Bidi eno te po obao. Te gasa meba kantri bidi dabe augwali te augwa hale ebo nai wali togisąwai bulu badu bage dao. Tama augwaligo enaba homu dąų me wabo bage menio. Te bage augwali eno tedali gasagi yai beba me tula pelamo dao. Augwali Israel dabe tomode bidai me tagalao. Augwali te be tomoba me pogobeo,” wali.

Efesus 5:5

Dagego gisiga mu koneao, te penani ebo bidi me, te dwai dwai meda yai kolesaga ebo bidi me, te mena gasa bidigo nai godolo eyu pesa ebo bidi me, te tobage dwai sę ebo bidi dabe augwali Krais dali God dali sigo tonalubo we bidi hani tomoba munu me pogobeo. Tama te nai godolo eyu pesa ebo kolesaga, te kolesaga da te tibo godibolo lotu po wabo sę tiwai dao, te naiba te bidigo aga homu tigidali muani.

Godigo Nogi Ugwaba Sabo Tęąbi Po Wabo Buku Dabe 101:8

Tigidali side eno te dwai sę ebo bidi te dago bulu tǫ pedaide dolaibao. Eno te dwai sę ebo bidi dabe sela sąyu, tama augwali te Genuai Bidigo taunde bidimainu me egobeo.

Kraisgo Geme Dualali Sę Pedelabo Po Jonbolo Ola Mani 21:8

Tiali goli te wi elama tama Godigo po wali pabo tagalabo homu eyu, ma geasa painogo ebo bidi dabe augwali me, te Godigo pode augwaligo homu dąų wasiąbo bidi augwali badi, te haniani dwai dwai kolesaga mu ebo bidi badi, tama te bidi ela mubo bidi, tama te penani kolesaga ebo bidi, tama te dwai pobi elalubo bidi dabe, tama tibo god dali lotu po wabo bidi, tama tigidali tibo po wabo bidi, te augwaligo sabo bulu te genuai posolo mu yai sia dabo dedage page masigi salfa teba bidigi paibao. Te isibo te si sogo wali isabo dao,” agai te po wai.

Kraisgo Geme Dualali Sę Pedelabo Po Jonbolo Ola Mani 13:8

Tama te we bidigo polobadu ela muani kibu sipsip wai agai te genuai buku elaluyu bidibo dao. Tama te bukude agai te agade konealubo po dąų wali we bidi augwaligo nogi agai asęai dao, te polobadu mu, te Godigo te tǫ nigisiąbadi, tama augwali isisąma gamonaibao. Tiali goli te bukude nogi asęsąwai we bidi, augwali tigidali augwaligo te moni hasa lepat tiwai yai dwai hudigi ebo hasa aga nogi ugwaba siyu, tama agabolo lotu po waibao.

Hibru 12:14

Dage deli deligo te tigidali bidi dali te homu nagamea pabo kolesaga wali pabo sę bomo elama yao. Tama dagego te Godiba homugo kęą peyu, te dwai sę me isąwai kolesaga me wali pabo sę bomo elama yao. Magi baso meni. Te bidigo te tobage kolesaga meni yani da, teda agai dago Genuai Bidi me sugobeo.

Kraisgo Geme Dualali Sę Pedelabo Po Jonbolo Ola Mani 20:12

Tama eno ma suali, te isai we bidi dabe augwali bidaluali, te augwali nogi yai bidi dali, te nogi meni yai bidi dabe dali, augwali te tuni bidi dulalubo nai te gesabidide dodolalubo, te eno suali. Tama te saide dulalubo bidi agai te buku meba dagawai. Tama agai gasa buku me deli dagawali, te augwali isiąma gamonaibao wali we bidi nogi asęani buku dao. Tama agai te tigidali isai we bidi dagalai. Agai te augwaligo yali kolesagade po te buku dabede asęani po nedama, tama te asęani pode agai augwali dagalali.

Aisaia 60:21

Te sogo te nago we bidi tigidaligo doloba pai kolesaga naga eyu, te eno augwa tǫ da olama, sa muani tǫ te augwa saibao, tama augwa tede sesemane bidada paibao. Te ena nogogo digi eno augwali te deli hani we bidi pedalumainu ilali, tama augwali te eno bulai ni nologo tiwai pedelali. Eno tama tiali, te gasa hani we bidi dabego sulama, te enaba genuai nogi momainogo tiai dao.

Filipai 4:3

Tama nage me, nage ena dali homugo kęą pai bidi, ena dali deli sę ebo bidi dao, eno nagebolo e po obao, te we si augwaligo deli homu naga emainogo nago augwali tau sao. Eno Godigo po pusubo sę ebadi, augwali sigo tigi dene sę eyu, ena tau sali. Te bidi Klemen dali, gasa ena dali deli sę ebo bidi dabe dali, augwaligo te we si dali sę yali dao. Tama augwali tigidaligo nogi te Godigo bukude asęna elalubo dao, te bidibo ula sali bagego nogi asęani bukude.

Sekaraia 14:21

Tama te olo sospen dabe te Jerusalem dabe me Juda dabego be tigidalide munalubaso da, te nai augwali me te Genuai Bidigo nai pedelaibao. Nosali te bidi mego te sospen dabe te Genuai Bidigo beba sela pelama, te we bidi dabego ofa yabo kibu mi ulumainogo abelao po me wagi pogobeo. Menio. Te we bidi dabego augwa sospen dabe digi sesaibao, magi baso meni, tigidali sospen te Genuai Bidigo nai mu elalueibao homu eyu po waibao.

Israel Hanigo Namba 12:15

Tialima, augwaligo Miriam te be nani bulu badu bolo tagala palali, te Sarere delide tiali. Tama te we bidi gasaba me hogodasa pabeo. Menio, augwaligo Miriambolo ma asobo tonaluyu bolo yali.

Israel Hanigo Namba 5:3

Ena te eno we bidi bidalubo pesagede ena me tede bidibo dao, tama tialima, nago te eno gedude dolo isąwai we me bidi me te dįą siyu, te buluba tagala palao. Tiyu, augwaligo te bidi bidibo pesage eno gedude meda ilabuo,” wali.

Pris Sę Ebo Bomai Po 13:46

Sesemane sogo te tobage keni elalubo bidi, aga eno gedude wiegi yai me ebeo. Agai te aga abagi dabe tagalama, te bidibo pesage bulu badu tedali bidao,” te po wai dao.

Ma Dobola Sali 32:32

Tiali goli, megi eno nagebolo hanalu obao, te nago homugo augwaligo sęgę sela sąyąbo homu ebaso da, teda nago augwaligo sęgę sela sąyao. Ma, nago hagela homu ebaso da, teda eno nagebolo te po hanalu waibao, te nago naga we bidi augwali nogi asęai elalubo bukude te eno nogi asęai elalubo, te deli naga te sela sąyagameo.” Te po wai.

Dwagi Yai Gesi Po Makgo Asęani 7:2

Tama augwaligo te aga wali pabo bidi dabe mebago nai tubo suali, te augwaligo nogo bolo hasia węgo te nogo habuba mu tugulama telasiąma te nai sela tuali.

Dwagi Yai Gesi Po Lukgo Asęani 10:20

Dagego tama te ebo sęde dwagi yai homu egimio. Te po tagalu, ma dagego nogi te dagalude te buku mede asęai dao, tede dwagi yai homu iyąo,” Jisasgo te po wali.

2 Timoti 1:10

Te penani kolesaga ebo we bidi, te ogomani dali dwai dwai sę ebo bidi dabe, te we bidi wi sabo bidi dabe me, te tibo po wabo bage, te po tųde tibo po wabo bidi dabe me, te bomai po dabe te tobage we bidibolo muai dao. Te tobage kolesaga te Sodom de Gomora hanu side yali kolesaga tiwai dao. Me te gasa haniani dwai sę ebo bidi dabe me, te Godigo dwagi yai ola mabo po odisąbo bage, augwalibolo me te bomai pogo po elalubao.

2 Pita 3:13

Tiali goli Godigo te gesi dagalu dali gesi tǫ si nigabo po dąų wai, tama doloba pai kolesaga naga tede bidaibao. Tama dago te nai naga tonalubo dao.