Biblia Todo Logo
Bib sou entènèt

- Piblisite -




Kraisgo Geme Dualali Sę Pedelabo Po Jonbolo Ola Mani 19:3 - Godigo dwagi yai po buku

3 Tama augwaligo i e tama ma wai, “Dago God nogi ugwaba sinao! Te genuai hanu sia dabo hano ebo, te sesemane sogo te hano ugwaba holobo dao!” te po wai.

Gade chapit la Kopi




Kraisgo Geme Dualali Sę Pedelabo Po Jonbolo Ola Mani 19:3
9 Referans Kwoze  

Te sia dabo munu me sia sogobeo. Menio. Te tigidali sogo ulade me hulide bomo elama, dedu, te hano sesemane sogo pedaliduaibao wai. Te Idom dabego tǫ olo sesemane sogo elalu, te bidi teba munu ma biligi pogobeo.


Tama dolalubadi, augwaligo aga te siago dabo hano ebo suyu, tama augwaligo i e tama wai, “Mena hanu te e tiwai genuai hanu elalualiwe? Mu menio,” te po wai.


Te tǫde tuni bidi augwaligo te penani we dali penani eyu bidai dao. Tama te kibu dabe augwali te we gede pebege pibo tiwai, te tuni bidi augwali te wego haniani wiegi yai naide dwagi yai homu eyu bidai dao. Tama augwaligo te penani we siago deyu hano holobo subaso, tama augwaligo moni gela weyu nogo pagasayu bidaibao.


Tama augwali te dene maiabo sia hano holoyu, tama te hano sesemane bidada pabo sogo holodubadi geaibao. Te dwai hudigi ebo hasa dali, te hasa aga noma dali, te sibolo lotu po wabo bidi dabe augwali te naigo elalubo nogi asęani dąį sali bage, augwali te siade me hulide me te toma me tugobeo, sesemane sogo te dwai dene saibao,” te ensel mobo bidigo te po wai.


Tama te sogo nosali eno odali, te genuai dagalude bidibo we bidi hani tiwai moni i wabo odali. Augwaligo te po wai, “Dago God nogi ugwaba sao! Dago God agaduba deligo naga te we bidi ma dobola sabo sę yabo bomo elalubao. Agai genuai nogi dali bomo dali elalubo dao.


Abrahamgo te Sodom me, Gomora me, te tigidali tǫ odogo maluba aba tonono bilalio. Tama agai te hano pedalubo suali, te genuai sia hano tiwai pedalubo sualio.


Te polobadu elaluali moni hanu si me, te nogi Sodom dali, Gomora dali, te hanu side pedalali dwai sęgę dagego ma konea palao. Tede bidali bage me, te hanu si pąde elaluali dwasianu bulude bidali bage me, augwali tigidaligo te ensel mobo bidi mebago yali dwai dwai penani ebo sę tiwai yali. Augwali penani sęde bidaluali, tama augwaligo homu hodaloama, tama augwali te sę bomo elama eyu pobeasa pali. Tama tibaso, Godigo augwali te moni sia te dagaludu tagala palali, tama augwali te siago ela silai. Tama dago augwalide te yali sę sulama, tama dago koneai dao, te tobage dwai dwai sę dago ilamuo, da te dene sidali weyu.


Genuai Bidi, nago te dwai sę ebo we bidi tigidali dolao. Eno homugo dwai sę ebo bidi dabe augwali mu haga yabo homu yai. Eno Genuai Bidigo nogi ugwaba sobao. Genuai Bidi agai nogi ugwaba mu saibao.


Tama te bidi sese olama me si me si tama polalubo tobolu bidi dali, te bidibo ula elalubo hasa me si me si te augwali kidu sugunama, Godibolo lotu po wali, te aga te tuni bidi duabo wiegi yai nai saide dulalubadi augwaligo agabolo te po wai, “Mu tama dao. Dago God nogi ugwaba sinao!” te po wai.


Swiv nou:

Piblisite


Piblisite