Kraisgo Geme Dualali Sę Pedelabo Po Jonbolo Ola Mani 18:5 - Godigo dwagi yai po buku

⁵ Magi baso meni. Te agai dwai sę ebo sęgę te pobele bage deliba sisinibo tiwai mu yali, tama te dagaluba mu usu nainogo holai. Tama God agai te bulude ebo dwai dwai kolesaga tigidali agai homugo ma koneai.

Kraisgo Geme Dualali Sę Pedelabo Po Jonbolo Ola Mani 18:5 Referans Kwoze

Esra 9:6

Tama eno gedu haluasa po te tiwai wali, “God, te ena genuai hale mu elalubao. Tama eno homugo te eno gedu haluasa po nageba wagasogobeo homu yai. Dago te dwai sę hauwa mu yalio. Tama dago sęgę te pobele bage pesage genuai moni bage me deli te dagaluba usu nainu holobo tiwai mu ebao,” wai.

Kraisgo Geme Dualali Sę Pedelabo Po Jonbolo Ola Mani 16:19

Te genuai hanu tomode te sela pepeda pali, tama te tigidali tǫde hani bidigo hanu te mu dolai. Tama Godigo te genuai hanu Babilon homugo koneani, tama agai te Babilon te wain ąį elalubo kapde ąį tigidali tumainogo yai. Te ąį wain te Godigo agai genuai sębę mu elalubo dao.

Jeremaia 51:9

Te Israel me Juda augwaligo e tiwai po waibao, “Da te kalabus bidi dabego te Babilon usu ma ilabo homu yali, tialima, aga usu yai me pedalubeo.” Nosali augwa te po wali, “Tagalao, dago te Babilon tagalama, da deli deli te dena page buluba ma pinao. Magi baso meni, te Babilongo yali dwai sę genuai mu elalu, te dagaluba usu nigi holali. Tibaso, Genuai Bidigo te Babilonba dwai dene mabo sę umagia mu yai dao.

Jona 1:2

Agai te po wai, “Nage hogodama, digibulu pelama, tama nage te moni hanu Niniveba pelama, tama nago te augwaligo sęgę mu sali bomai po te we bidi augwalibolo magi pao. Eno te augwaligo ebo dwai sę hauwa sualio,” wali.

Tuni Bidi Dabego Po Elalubo Buku Si 28:9

Tama te sogo Genuai Bidigo profet bidi me deli Samariade bididuai, agai nogi Odet dao. Tama Israel dabego ami bidi dabe ma asobode te Odetgo augwali tiąba pelama, te po wali, “Genuai Bidi, dago wąįgo God, agai te Juda dabe dali sębę elama augwali agai dagego nogoba mawai dao. Tiali goli dagego sębę mu elama, tama agai po bolama, dagego augwali ela mubo sę genuai mu yalio. Tama Genuai Bidigo dagego te dwai kolesaga yali polo sualio.