Kraisgo Geme Dualali Sę Pedelabo Po Jonbolo Ola Mani 18:17 - Godigo dwagi yai po buku

¹⁷ Te megi deli sogo naga, te masigi me te tigidali au ebo doado bage tigidali dola silai dao,” augwali gela weyu te po waibao. Tama te moni geba sip guni tolasa bilibo bidi tigidali me, tama te sip abelama gasa buluba painogo ebo bidi dabe me, te sip tomode sę ebo bidi dabe badi, tama te tamu ąįde masigi sabo bisnis sę ebo bidi tigidali me, te bidi dabe tigidali augwali te Babilon bulu digibulu dolaluali.

Kraisgo Geme Dualali Sę Pedelabo Po Jonbolo Ola Mani 18:17 Referans Kwoze

Kraisgo Geme Dualali Sę Pedelabo Po Jonbolo Ola Mani 17:16

Tama te nogo si gąų nago suali, te dali te dwai hudigi ebo hasa dali augwaligo te penani we dali boi bidi yaibao. Te penani we augwaligo aga mu dolama, tama agai ugwa dabe me tigidali doado bage dolaibao. Tama augwaligo agai tigi mi tuyu, tama aga tigi tigidali siago domainogo ulaibao.

Aisaia 23:14

Te genuai sip dabe, dage tamu węde bilalubo sip dabe, dage hobede elama, gela waiąo. Magi baso meni. Dagego te bomai hanu polo dolai dao.

Kraisgo Geme Dualali Sę Pedelabo Po Jonbolo Ola Mani 18:19

Tama augwaligo te tǫ pobele bage augwa digi augwa toboluba sąyu, tama gela weyu augwali homu sęgę dali bidai dao. Tama augwaligo i weyu, “Hobede ebo, te genuai hanu te hobedagia bidibao! Te tigidali moni geba sip aga aya te tamu ąįde masigi sabo bisnis sę ela biliyu, te augwali te sęde masigi sabo bidi mu pedaliyu, te genuai hanude genuai masigi sabo sę yai dao. Hobede mu ebao! Te megi deli sogo naga mu te genuai hanu aga mu dola silai dao!” te po wai.

Jona 1:6

Tama te sip guni tubo kepten bidi agai te Jona gegela sulama, tama agabolo te wado po wai, “Magi baso nage pila mubawe? Nage hodaluama, tama naga god i wao. Te agai da homu dene elama, tama da tau sabo homu eyu da, te da me isigobeo,” wali.

Jeremaia 51:8

Tialima, te Babilon aga digi te tulaluama, dolaibao. Tibaso, dagego agade hobedai gela waiyąo. Dagego te aga keni dabe pedela sabo marasin sigi pao. Te aga usu ma yaibao homu ebao.

Te We Bidi Dabego Jerusalem Hagede Gela Wali 4:6

Te Jerusalem dabe, eno we bidi, augwaligo dwai sę yalide sali sęgęgo te Sodom we bidigo sęgę edelalio. Tama tibaso, Genuai Bidigo Jerusalem dabebolo dene genuai mu te mani dao. Tiali goli, Genuai Bidigo te Sodom dabe dolali sogo da, te taun agai deli sogo mu tama te taun dolai dao. Tama te boi bidi dabego megi te Jerusalem dabe dali ebo tiwai te Sodom dabe dali yai menio.

Aisaia 47:9

Tiali goli, hobede ya, te deli sogo naga te sę si nageba pedalaibao. Naga bidi dali, naga wai puluba tigidali me, te deli sogo naga isaibao. Nago te naga digi naga tonalubo haniani bomai pobi po elaluba homu yaibao, tiali goli te pobi pogo nage tau me sogobeo. Menio. Te dwai sęgo isaboba kegebao.”

Godigo Sęba Tagala Palai Bidigo Po 27:11

Tiali goli te sogo augwaligo Polgo wali po odama, te moni geba page bidi me, te moni geba tobolu bidi me, augwali sigo Polgo po sela sąyani. Tama te ami tobolu bidi agai Polgo wali po tagalama, te bidi sigo wali po wali pali.

Kraisgo Geme Dualali Sę Pedelabo Po Jonbolo Ola Mani 17:12

“Tama te nago suali te nogo si gąų, te gąų dabe te tuni bidi nogo si tiwai dao. Megi augwaligo te tuni bidi bomo me sabeo. Tiali goli augwaligo te tuni bidi bomo te dwai hudigi ebo hasa dali selama, tama augwali aga dali te dwasianu sogo naga we bidi tonalubo sę yaibao.