Kraisgo Geme Dualali Sę Pedelabo Po Jonbolo Ola Mani 18:14 - Godigo dwagi yai po buku

¹⁴ Te masigi hauwa sabo bisnis sę ebo bidi dabe augwaligo te po waibao, “Te nai nago homu hodaloyu sabo homu yai, te nai tigidaligo nage tagalama pai dao. Tigidali dwagi dwagi yai tubo nai dabe te genuai mone naga elaluali, te nago wiegi wiegi yai tigidali au ebo doado bage dali, te nai tigidaligo nage taga palio. Tama te bidi dabe augwaligo te tobage nai dabe nagede munalubo ma sugobeo,” te bisnis sę ebo bagego te po waibao.

Kraisgo Geme Dualali Sę Pedelabo Po Jonbolo Ola Mani 18:14 Referans Kwoze

1 Korin 10:6

Tama te augwalide pedalali sę tigidali te noma tiwai pedalali, te dago sulama tama dago wąį dabe augwaligo te pesą yali tiwai te dago me te dwai sęde pesą idali weyu dago sumainogo yali.

Jems 4:2

Dagego te haniani nai sabo homu godolo yai, tiali goli dagego sabo menio. Tama tiyu dagego te bidi ela muabo homu ebo dao. Tama dagego nai sabo homu eyu pesą eyu, tama dagego te nai sisąma, tama dagego wado po weyu hwįbo dao. Tama me sogo dagego Godibolo nai sainu po hanalu wasiąbaso, dagego te nai sabe dao.

Dwagi Yai Gesi Po Lukgo Asęani 16:25

“Tiali goli, Abrahamgo te po wei ponani, ‘Woo. Eno ogwa, polobadu bidali te kone palao. Nage tǫde bidali sogode naga te dwagi yai nai dabe tigidali siyu, e bidi Lasarus aga te dwai nai dabe naga sali. Tiali goli, megi aga ede bugagia bidibao. Nage tede dene mu siyu bidibao.

Dwagi Yai Gesi Po Lukgo Asęani 12:20

Tiali goli, Godigo te bidibolo te po wali, ‘Nage da, mu umawai bidi dao. Megi hulide tama nage isaibao. Nage isaide, mena bidigo naga tobade yogwaluali nai dabe tigidali saibawe?’” Jisasgo te po wali.

Godigo Nogi Ugwaba Sabo Tęąbi Po Wabo Buku Dabe 106:14

Te masigi tǫ wa pai bulude, augwaligo haliga te tuabo naiba homu hogodalu, tama augwaligo te God usu sai dao.

Israel Hanigo Namba 11:4

Te gasa bulu we bidi Israel dabe dali aselawai bage me elaluali. Augwali bulu hasa hauwa tubo we bidi dao. Tama tibaso, augwali hasa hauwa tuaio po hauwa mu kųą pali. Tama te Israel dabego me te po hauwa tama wali, “Dago te hasa hauwa tuaio. Tiali goli, dago menade sogowe?

Godigo Nogi Ugwaba Sabo Tęąbi Po Wabo Buku Dabe 78:18

Augwaligo God usu siyu, te tiwai yai. Augwaligo i bomonama agaba weyu, te augwaligo wei ebo nai agai momainu yai.

Israel Hanigo Namba 11:34

Tama augwaligo te we bidigo tigi te bulude pubulali. Tama augwaligo te bulu nogi e tiwai polali, “Te hasa tuainogo gela wabo we bidigo gų page dao.”

Matyu 11:8

Dagego magi nai sugi pai dawe? Ma, dagego te bidi me deligo te wiegi wiegi yai ugwa tigide muai yaibaso sugi paliwe? Menio. Te wiegi wiegi yai ugwa muai bidi dabe augwaligo te tuni bidigo wiegi yai bede naga bidibo dao.

Kraisgo Geme Dualali Sę Pedelabo Po Jonbolo Ola Mani 18:13

Tama te meba doado bage e tiwai elalubo, te denami ebo tubo nai nogi sinamon me, te tubo gagi, tama te denami ebo nai pauda me, tama te haniani denami ebo ili yai nai elaluai, tama wiegi yai denami ebo nai sanda, me te bomai ąį wain me tubo wel, te wiegi yai tubo plaua me te tubo nai wit ge, te kibu bulmakau me sipsip, te me hos dali te hosgo kegasa pabo wiegi yai nai nogi karis dabe me, tama te augwaligo mu abelai masigi sisąbo sę ebo we bidi dabe me, te tigidali nai bidi dabe augwaligo ma abelegobeo.

Kraisgo Geme Dualali Sę Pedelabo Po Jonbolo Ola Mani 18:15

Tama te sęde te mone umabo sali bisnis sę ebo bidi dabe augwaligo te masigi hauwa mu te hanude sai, te augwali te hanugo dwai dene mu sobaso tama augwali wi mu yaibao. Tama augwali aga digibulu dolaluyu, tama augwali gela weyu, tama dwai homu sęgę elama bidaibao.