Kraisgo Geme Dualali Sę Pedelabo Po Jonbolo Ola Mani 16:12 - Godigo dwagi yai po buku12 Te sę silama, tama te a naga olama me badu nogo deli wali te ensel mobo bidi aga pou te genuai ąį nogi Yufretis te ąįba te gelai. Tama te ąį tigidali wa pela tama te giliga pedalobo badu tuni bidi dabe asabo tų sisilama tonaluai dao. Gade chapit la |
Genuai Bidigo tamu wę Retsi sula somainu yaibao. Tama agai bomai posolai wali pedalomainu yaibao. Tama te waligo te wę Yufretis sula selama, dwasianu emainu yaibao. Te wę te a naga olama, me badu nogo si wę gamiadu pomainu yaibao. Tama tibaso, we bidigo te wę nogebo usu yaibao. Tama tiali, te sogo te sunumi genuai bage mu yaibao, te we bidi dabe te Asiria tagalama, asela yabo. Te yaide te Genuai Bidigo te Israel dabe Isip tagalama, asomainu sunumi genuai yali tiwai yaibao.
Tama te ensel mobo bidigo enabolo te po wali, “Nago te genuai ąį dabe, te ąį daide ugwadu te penani we dulalubo suali. Tama te ąįde po digi po begelama wali te po page e dao: te ąį wali da, te haniani genuai tǫde bidibo we bidi me, te tigidali hani we bidi me, tama te tigidali haniani tigi yai me, te tigidali haniani po wabo bidi hani me, augwali te genuai ąį dabe elalubo tiwai dao.
Tama tibaso, ena Genuai Bidi, te eno te wę Yufretis genuai mu ilama, tama te wę gisigiluyu, tigidali pesage mesega sigi pomainu yaibao. Te węgo tigidali bulu mesega saibao. Te wę Yufretisdu gagalama, tama Juda buluba sabolagasaibao. Tama te wę gebo dabo te bidigo dogoni dąį yagasaibao. Te wę Yufretis te Asiria tuni bidigo piksa tiwai dao, te aga ami bidi dabe dali sigo tiwai. Te bage augwali aselama, te Emanuel nago tǫ usu nagasaibao.” Godigo te po wali.