Kraisgo Geme Dualali Sę Pedelabo Po Jonbolo Ola Mani 14:19 - Godigo dwagi yai po buku

¹⁹ Te po obaso, te ensel bidi agai te hwą ge nogogo selama, tama te wain bonode walali du tigidali togwali, tama deliba sisinama elaluai. Tama agai te bono du dabe te wain agabo te dawai halobage tiwai genuai masigi tomoba sąwai. Te po digi po begelama, te genuai bono du agabo halobage te Godigo genuai sębę dao.

Kraisgo Geme Dualali Sę Pedelabo Po Jonbolo Ola Mani 14:19 Referans Kwoze

Aisaia 63:2

Magi elama te nago gudali ugwa dabede mama kaneme mu yali, te bidi te wain nigibo tomoba pali tiwai elama, te wain wai agabo digi pabo tiwai yali da, agawe?

Joel 3:13

“Te hani we bidi dabe te dwai mu dao. Te augwali te bidigo inawai tau yai wit nai togobo tiwai togwao. Te augwali bomonama agawaibao, bidigo te wain wai ge du te sągągo agabo tiwai yao. Te halobage tiwai nai te mu pągąna pelama, te wain ąį buluba gelaibao. Tialima, te hani dabe mu dolaibao,” wai dao.

Kraisgo Geme Dualali Sę Pedelabo Po Jonbolo Ola Mani 14:18

Tama gasa ensel mobo bidi me ma te nai ula mabo alta saide bidali tagalama asai. Te ensel bidi agai te sia tonalubo bomo elaluai. Te ensel bidi agai te poa pai hwą ge tolalubo ensel mobo bidibolo i bomonama mu wai. Agai te po wali, “Nago naga te poa pai hwą ge selama, tama nago te tǫde te wain bonode walali du tigidali togolama, tama sisinama elaluao. Te tigidali nai polo inilama tau yai dao,” agai te po wai.