Kraisgo Geme Dualali Sę Pedelabo Po Jonbolo Ola Mani 12:9 - Godigo dwagi yai po buku

⁹ Tama Godigo ensel mobo bidi augwaligo te genuai hasamani e tǫba sąwai dao. Te hasamani aga te polobadu digi bidai, tama augwaligo te hasamani aga nogi “Te Bidigo Tigidali Bidi Kisiliyu Po Tų Ela Mabo Dao,” gasa nogi me Satan poai. Agai tigidali tǫde we bidi ili po ola mabo bidi dao. Augwaligo aga e tǫba tula palai, tama augwaligo aga dwai ensel mobo bidi dabe dali hodobo e tǫba tula palai dao.

Kraisgo Geme Dualali Sę Pedelabo Po Jonbolo Ola Mani 12:9 Referans Kwoze

Dwagi Yai Gesi Po Lukgo Asęani 10:18

Jisas agai te dwai haubo polalubo bidi nogi Satan agai bomo polobadu dolai dao homu eyu, te po wali, “Satan be sole gagawai dagaludu kegasa dulubo eno polobadu suai dao.

Dwagi Yai Gesi Po Jongo Asęani 12:31

Megi Godigo tǫde we bidi osola suyu, sęgę mabo sogo dao. Megi e tǫde elalubo dwai kolesaga tobolu bidi Satan sela sąbo sogo dao.

Kraisgo Geme Dualali Sę Pedelabo Po Jonbolo Ola Mani 20:10

Tama te augwali ili po ola mani bidi Satan aga Godigo te genuai dedage pageba te posolo yai sia ula te masigi salfa teba sąwai dao. Tama te dedage pageba polobadu augwaligo te dwai hudigi ebo hasa dali, te ili po ola mani bidi si aba sąwai dao, tama augwali sela te siade me hulide me dene siyu, tama te dene ebo sesemane bidada pabo sogo te dene ela pidubadi bideibao.

1 Jon 5:19

Dago koneai, te tigidali tǫde bidibo we bidi augwali te Satango dologode bidibo digi, da Godigo wai dabe bidibao.

2 Korin 4:4

Magi baso meni. Te e tǫde tibo god Satan agai te Kraisgo poba augwa homu begi pisąbo bidi dabe augwaligo homu kone tuą palali. Magi baso meni, Krais aga da te God tiwai mu dao, tama agai dabolo Godigo noma mu hanilibo dao. Tama te Kraisgo genuai bomo yai ula waselabo wiegi yai gesi po, te po te giliga nanobo tiwai dao. Tiali goli te hagayabo we bidi augwaligo te pogo nanobo ula suidali weyu, Satan agai augwaligo homu kone puna palama tuą palali.

Aisaia 14:12

“Nage genuai nogi mu elaluai dao. Te tigidali tǫde we bidi dabego gedude nage te kigamu dagalude nanebo hǫ tiwai bidai dao. Tiali goli, megi da, Godigo nage polo tǫba sąwai dao. Nage boma pai hwįbo bidi dao, nage tǫ pedai kantri hauwa aiyaba elaluali bidi dao. Tiali goli, megi da, mu menio.

Tigidali Nai Gagalama Nigali Side 3:1

Te Yawe Godigo te tigidali hasa hani sibi nigali, tiali goli me deligo te hasamanigo tibo po wabo kolesaga konea pai tiwai gilama eyu, te aga aiyaba me elalugobeo. Tama me sogo te hasamanigo te we pageba asama, tama te webolo hanalu wali, “Mu dawe? Te Godigo dage sibolo te gide elalubo nedu du tugi olama, tigidali habu selaliwe?” te po wai.

Kraisgo Geme Dualali Sę Pedelabo Po Jonbolo Ola Mani 12:7

Tama te sogo dagalude genuai wąbi hwįai. Tama te ensel mobo bidi dabego augwa polalubo bidi te Maikel aga dali, te aga tonalubo ensel bidi dabe dali, augwaligo te genuai hasamani dali hwįai. Tama te hasamani aga dwai ensel mobo bidi dabe dali augwaligo te wąbi wei augwali dali ponainogo yai.

Dwagi Yai Gesi Po Jongo Asęani 8:44

Dage da duga ayago wai dabe dao. Dagego aya te Satan dao. Tama dage me bomo elama, duga ayago ebo homu kolesaga wali painogo ebo dao. Polobadu mu, tigidali nai gagalama nigali, te sogo te bidi Satan agai te bidi elebo sę tama ela asiyu, megi tama me te sę ela pabo dao. Tama agai mu po me wali pai menio. Magi basowe? Mu po agade bidibo menio. Tibo po wabo da te agai po mu dao. Satan aga tibo po wabo bidi mu dao. Tama aga tibo po wabo page bidi mu dao.

Aisaia 65:25

Te bulu uni yowi dabe me te sipsip wai dabe augwali hodobo deliba nai tueibao. Te laion dabego te bulmakau dabego nosai tubo tiwai yaibao. Tiali goli, te hasamani dabego da, te tǫ hogomu naga tueibao. Te Genuai Bidi, eno buludu pesage tigidalide, te tigidali nai bugagia elalueibao, te bidi me deligo gasa bidi meba dwai sę iliyu me tegobeo. Ena Genuai Bidi, eno po wai dao,” wali.

Kraisgo Geme Dualali Sę Pedelabo Po Jonbolo Ola Mani 20:8

Tama kalabus tagalama, tama aga buluba solama, agai te haniani tigidali digibulu tǫ pedaide bidibo we bidi hani augwaliba tibo po ola mena mena biligi paibao, te bidi hani me nogi Gok me Magok dao. Te Satango augwali deliba sisinama hwįmainogo yaibao. Tama augwaligo namba te nedebo te usu egobeo, te masigi kemi tiwai dao.

Kraisgo Geme Dualali Sę Pedelabo Po Jonbolo Ola Mani 12:3

Te gasa genuai sę me dagalude pedalali, te we bidi noma sabo sę. Te sę yali e tiwai. Genuai hasamani me deli bidai. Te mama yai tama, aga tobolu te a olama me badu nogo si, tama nogo si gąų elaluai. Tama a naga olama me badu nogo si te tuni bidigo madi aga tobolude muani elaluai, te tobolu deli delide elaluai.

Kraisgo Geme Dualali Sę Pedelabo Po Jonbolo Ola Mani 9:1

Tama te nogo a wali ensel mobo bidigo te aga ona tiwai nai elali, tama tebode eno suali te hǫ me deligo te dagalu tagalama, e tǫba tulalubo suai. Tama augwaligo agabolo te tǫ dedage aba mu yai te aga page meni yai, te ki mawai.

Kraisgo Geme Dualali Sę Pedelabo Po Jonbolo Ola Mani 2:24

“Tiali goli megi eno e wabo po dage te gasa Taiataira bulude bidibo we bidi dali obao. Dagego te we Jesebelgo dwai tibo po wali pisąwani. Tama augwaligo agai pode te po wabo dao, ‘Te kolesaga da, te Satango ebo kolesaga page mu dao, te bidi hauwago konesiąbo po dao.’ Tama augwaligo te po dagebolo wai digi, dagego te dwai po wali pabo menio. Awe, te usu dao. Eno dagebolo te po obao, dagebolo eno gasa sęgę mabo sę me mugobeo.

Kraisgo Geme Dualali Sę Pedelabo Po Jonbolo Ola Mani 2:13

Nago bidibo bulu eno koneai dao. Te bulude te dwai mobo bidi Satan agai we bidi hauwa tonaluyu te tuni bidi bidibao. Tiali goli, nago eno nogi bomo elama tolaluyu, tama enade homu kęą pai bidi bidibao. Tama nago te enade konealubo po hogwa sabeo. Tama tiyu, polobadu te bidi me nogi Antipas, te eno po te we bidibolo pusali bidi, te bidi dage dali bidai. Tama agai eno po wali mu pai dao. Tama augwaligo dage tomode te bidi ela muai, te Satan bidibo bulude. Tama te sogo me te dagego eno nogi dualobeo.

1 Pita 5:8

Te dagego duga homu bugagia dodolao, tama bugagia tonaluao. Te dagego boi bidi Satan aga susa bilibo dao. Te moni hasa nogi laion, te aga nasi baso bomo elama, tama moni hwa olama gaa weyu aga tuabo nai gegeyu bilibo dao. Tama te boi bidi Satan aga te tiwai eyu susa bilibo dao, te dage dolainogo ebo dao.

2 Korin 11:14

Tama dage tede moni midigi me selamuo. Dago koneani, Satango digi aga tigi hasegelama, tama tigigo naga aga te dwai sę isąwai wiegi yai ensel mobo bidi tiwai pedalobo dao.

2 Korin 2:11

Eno te dago aga sęgę sela sąbo homu yali, tiyu Satango da tibo po ola menama tama da aiyaba elaluidali weyu tiaibao. Dago agai te we bidi dolabo dwai homu kolesaga koneai dao.

Polgo Po Pas Rom Dabeba Asęani 16:18

Magi baso meni, te tobage bidi dabe augwaligo te dago Genuai Bidi Kraisde sę me ebeo. Menio. Te augwaligo augwa tigigo digi ebo kolesaga naga wali pabo dao. Tama pusu ebo po me tama te bidi homu begasa pabo tibo pogo augwaligo te dwai sęde konesiąbo we bidi dabe homuba tibo po ola menama, tama te bidi dabe augwaligo homugo te dwai kolesaga da homu me isąwaibao.

Godigo Sęba Tagala Palai Bidigo Po 26:18

Tama nago augwali hulide bidibo pesage tagalama, ulaba kegasa asao. Tama nago augwali hulide bidibo kolesaga tagalama, nago augwali ula buluba kegasa asao. Augwali Satango bomode bidibadi, nago augwali ma sao, augwali God pageba asomainu tama yao. Tama augwaligo homugo ena konealu baso da, te augwaligo dwai kolesaga ebo Godigo tigidali sela sąwaibao, te Godigo sa muai we bidi dali wadolagasaibao,’ agai enabolo te po wai,” Pol agai te po wali.

Dwagi Yai Gesi Po Lukgo Asęani 22:31

Te Jisasgo te bidi Saimonbolo weyu, te po wai, “Saimon, Saimon, nage odao. Te dwai haubo noma bidi nogi Satan agai dage dayu, usu sainogo, agai God hanalu wali. Tama Godigo ‘Ao’ wali.

2 Korin 11:3

Tiali goli ena wi ebao. Dago koneani, te dwai hasamani tiwai bidibo bidi Satan agai tibo po wabo mu koneani homu elama, tama polobadu agai te we Iv dago auwa tibo po ola menama tama aga tulaluali. Te dagego tiwai me dage, te dageba tamadi asali bagego po odolama, te tiwai kolesaga dageba pedalobuo. Tiyu, dagego homu mu eyu Krais dali naga wadolama tama wali pabo wiegi yai kolesaga tagalidali homu eno ebao. Ena tede wi ebo dao.

Dwagi Yai Gesi Po Lukgo Asęani 22:3

Te dwai haubo noma bidi Satan agai te bidi me nogi Judas aga homu tomoba pai. Te Judas aga te Keriot bulu bidi dao. Tama Judas te Jisas wali tigidali sogo pabo bidi nogo si olama, sągą me badu si tomode bidali bidi dao.

Dwagi Yai Gesi Po Lukgo Asęani 8:12

Te tubo nai ge tųde tulaluali da, te bidi dabe augwaligo po odali goli, Satan asama, te poba homu begi pelama, sana pidali weyu, agai sela sąyagasali po olama waliao. Satango homugo tiali, teyu te augwaligo homude konealubo po dąų obaso da, te Godigo augwali ma saiba homu yali.

Matyu 25:41

“Tama tuni bidi agai te pobase nogo badu bidibo we bidi augwalibolo e tobage po waibao, ‘Dage haga yabo bidi dabe dao. Dage enade geda selama, tama dage te munu me sula sisąbo siaba pao, te sia te Ayago sisi ilali elalubo, te dwai sę yali tobolu bidi Satan aga wali bilibo mobo ensel bidi dabe augwali dali mumainogo yai.

Matyu 4:10

Tama Jisasgo aga dali te po wali, “Satan, nage gedao. Godigo po bukude te po wai, ‘Nago naga Genuai Bidi God dali naga lotu po weyu, aga dologode bidao. Tama nago agai sę deli naga dąų olama yao.’ Te po elalubao,” Jisasgo te po wali.

Matyu 4:8

Te Satango Jisas ma selama, tama te bulu du me ugwanu yai me deli teba sela holai. Tama Satango agabolo te tǫde genuai ula yai bomo me, te tǫde tigidali elalubo wiegi yai nai dabe dali tigidali agabolo ola mani.

Matyu 4:5

Agai te po obaso, tama Satango aga selasa te moni wiegi yai tedali hanuba pali, tama aga te Moni Lotu Be tempel pedu te ugwaba mu dodolali.

Matyu 4:1

Te sogo Jisas baptais selama, tama Godigo Mobo Bidigo Jisas te bidi meni yai buluba odasa pali, te Satango aga dwai sę yanama sinawainogo yai.

Aisaia 27:1

Te sogo te Genuai Bidigo agai genuai bomo olamayu, te Leviatan, te tamu węde bulu hwą bidigula mane elaibao. Genuai Bidi agai aga poa pai genuaiboma pai ge hwą selama, tama te bulu hwą bidi gula, tegagela bilibo gula mane toga sąwaibao.

Tigidali Nai Gagalama Nigali Side 3:13

Tialima, Yawe Godigo webolo te tiwai hanalu wai, “Magi baso nago te sę yaliwe?” Tama wego te po wei ponani, “Hasamanigo ena tibo po ola mobaso, tama eno te nedu du tuali,” te po wai.

Kraisgo Geme Dualali Sę Pedelabo Po Jonbolo Ola Mani 19:20

Tiali goli agai te dwai hudigi ebo hasa dali, te ili po wabo po ola mabo bidi dali, augwali si kalabus ilai. Te tibo po wabo sę ebo bidi agai te bidigo isiąwai bomo yai sę hauwa te hudigi ebo hasago gedude te sę yai, tama agai te tebo kolesagade te bidi tibo po ola mayu, augwali te hudigi ebo hasago dąį augwa tigide selama, te hudigi ebo hasa nomade lotu po omainogo yai. Te hudigi ebo hasa dali te tibo po ola mabo bidi augwali si te bidibadi, tama augwaligo te bidi si te genuai bagua si dedage pageba aiyaba mu sąwai dao. Tama te dedagede te posolo yai sia dabo masigi salfa elalubao.

Kraisgo Geme Dualali Sę Pedelabo Po Jonbolo Ola Mani 16:14

Tama te dwai haubo noma bidi augwaligo te bidigo isiąwai sę te bidi noma sabo sę haniani mu ebo dao. Tama augwali te tigidali tǫba te tigidali tuni bidi bidibo digi pelama, te bidigo isiąwai bomo yai sę augwaligo sulama noma somainogo ebo dao. Augwaligo homugo te tuni bidi dabe augwali deliba sisinama, tama augwaligo te Tigidali Bomo Elalubo God dali hwįabo sogo asobo tonalumainogo yaibao.

Kraisgo Geme Dualali Sę Pedelabo Po Jonbolo Ola Mani 13:14

Tama tiyu, tama Godigo agai te haniani noma sabo sę te hasia hudigi ebo hasago gedude emainogo sula tagalali, tama te hasago te kolesaga ebogo te tǫde we bidi ili po ola mawai. Te hasago te we bidi augwalibolo te po wai, “Dagego nigo te hasia dwai hudigi ebo hasa usu selama noma nigiyu, te agai nogi ugwaba somainogo yao. Te hasa polobadu augwaligo aga te poa pai ge hwągo elali, tiali goli aga bidibo ula dali bidai,” agai te po wai.

Kraisgo Geme Dualali Sę Pedelabo Po Jonbolo Ola Mani 9:20

Tama tigidali gasa bidi dabe augwali te dwai nai selago ebo sęde isisąwai bage, augwali homu begelesiąma tama augwa nogogo nigali nai tagalama tudiba musiąyu me bidaluali. Tama tiyu augwaligo te dwai haubo noma bidi dabebolo lotu po wabo tagalobe. Augwaligo te tibo god dabe te kapa golgo dali silva dali te bras me, te masigi me, te nigo me, tama naigo nigai tibo god dabebolo augwaligo lotu po wabo tagalobeo. Te nogogo nigali tibo god augwaligo gedugo sugobeo, ma ologo odogobeo, ma biligobeo. Tiali goli augwalibolo te bidi dabego lotu po weyu bidaluali.

Kraisgo Geme Dualali Sę Pedelabo Po Jonbolo Ola Mani 3:9

Suao. Nago te Satango bidi hani augwali koneai, tama augwaligo te po wabo, ‘Da te Juda bagego hani dao.’ Tiali goli menio. Augwali te tigide naga te Juda bage da wabo dao, tama augwaligo ebo kolesagade te Juda bage mu menio. Tialima te bidi dabe augwali eno selama, tama augwali te nago sągą pageba kidu sugunagasiyu, eno nage godolo mu ebo homu yali te augwaligo mu koneaibao.

Kraisgo Geme Dualali Sę Pedelabo Po Jonbolo Ola Mani 2:9

Eno koneani, nago te sęgę te gasa bidi dabego nogode siyu dene dali ebo, tama tiyu nage magi nai meni yai mu bidibo te eno koneai. Tiali goli nage nai meni yai bidi mu menio, te God dali nage nai umabo elalubo bidi dao. Tama bidi meba augwaligo dagebolo posobo po wabo, te eno koneai. Tama te posobo po wabo bidi dabe augwaligo te po wabo dao, ‘Da Juda bage dao.’ Tiali goli augwali te tigide naga te Juda bage dao wabo, tama augwaligo ebo kolesagade augwali te Juda bage mu menio. Augwali te Satango hani dao.

Jutgo Asęani Pas 1:9

Augwaligo te posobo po olamuo. Suao. Polobadu te ensel mobo bidi dabego polalubo ensel nogi Maikel, agai te dwai haubo mobo tuni bidi Satan dali augwali si po konila yai, te isai bidi Mosesgo tigi hagede konila yai. Tama te sogo Maikel agai te Satan dwai nogi posobo po me wabeo. Te meni. Agai Satanbolo te po wai, “Genuai Bidi aga digi nage osola sulama, tama sęgę mawaibao,” te po wai.

Hibru 2:14

Tama te agai “wai dabe” wabo we bidi dabe augwali te tǫde we bidi bidai, te da tigidali tiwai yai. Augwali tama bidaligo da, Jisas me te bidi augwali tiwai mu gilama pedalai, te aga tigi isimainogo yali, tama te isibogo agai te bomo elalubo bidi agai te bidi isimainogo ebo bidi te agai bomo dolaibao. Te bomo elaluali bidi te Satan dao.

Polgo Si Wali Pas Timotiba Asęani - 2TI 3:13

Tiali goli te dwai bidi dabego me, te tibo po ola mabo bidi dabego me, te bidi dabe augwaligo ebo dwai sę dwasianu gagalama tama genuai pedalaibao. Tama tiyu, augwaligo te tibo po te gasa we bidibolo ola mobadi, te Satango me augwali tibo po ola maduaibao. Tama augwaligo kolesaga te dwai mu pedaluaibao.

2 Timoti 2:14

Tama me te Adamgo tibo po homude dąų me wabe. Wego te tibo po homu dąų olama, tama agai Godigo bomai po bolali.

2 Tesalonaika 2:3

Jisas ma asobode augwaligo geda muani po dagego odamuo. Te Jisas ma asobo sogo olo dali tama polo pedalogobeo. Te menio. Te sę pedalainogo hasia bolo bidi hauwa augwaligo dwai sę hauwa elama, tama God nogi gegeda peyu, tudiba mu muaibao. Te bomo yai po sela sąbo dwai sę ebo bidi hasia aga bolo dago gesabidiba pedalaibao. Te bidi Godigo te moni sia bulude nosali mu dola silaibao.

Efesus 4:14

Tama da Godigo hani we bidi mu bugagia pedalama, tama te Godigo pode da te homu subigila pabo wai puluba tiwai ma bidigobeo. Te eno po digi po me megi obao. Te geba, te geba moni sigi ąįdu pobadi, wali asiyu te ąį dini me te bomo yai wali me augwali sigo te geba subigila bega sąyu sela sąbo dao. Tama te tiwai bidi muma sabo tibo po wabo bidi augwaligo ili po weyu, tama bidi hauwa augwaligo homu polo tulalubo dao. Tama tiyu, te bidi muma sabo bidi augwaligo te we bidi te gasa dwai sę ebo tuba kegebo dao. Tiali goli, da Godigo hani we bidi mu bugagia pedalama bidibaso, tama te bidi muma sabo dwai bidi dabe augwaligo wabo tibo pogo da tulalugobeo.

2 Korin 12:7

Te po hauwa Godigo enabolo te dagalude ola mani, te genuai wiegi yai nai mu dao. Tama tede ena digi ena ugwaba sabo te Godigo godolo me ebe, tama agai te dene mabo sesani ena tigiba enebo nai tiwai nai me deli enabolo mani. Te dene mabo nai te Satango sę ebo bidi tiwai dao, te ena elidumainogo ebao. Te ena aiyaba elaluama tama te eno te dagalude suali naide ena digi ena ugwaba me sidali olama tibo dao.

Polgo Po Pas Rom Dabeba Asęani 16:20

Tama tiyu da, teda God da, aga te wiegi yai homu nagame ebo page bidi, dwasianu sogo tama silama, tama agai te Satan dagego sągą dologoba munama agawaibao. Te eno homugo te dago Genuai Bidi Jisas Kraisgo da olo mu tau sali wiegi yai kolesaga dage dali bidao.

Godigo Sęba Tagala Palai Bidigo Po 5:3

Pitago agabolo te po wai, “Ananaias, magi baso Satango dwai kolesaga elama, nago te tǫ abelali masigi bogea siyu tama me badu dualama, te Godigo Dwagi Yai Mobobolo tibo po waliwe?

Dwagi Yai Gesi Po Jongo Asęani 16:11

Te Godigo po tų ebo page me, te Mobo Bidi agai augwali e tama ola mawaibao. Godigo e tǫde dwai we bidigo tuni bidi dali po tųde te bidi aiyaba elaluali po te Mobo Bidigo augwalibolo hanilagasaibao,” Jisasgo te po aga bidi dabe dali wai.

Dwagi Yai Gesi Po Jongo Asęani 14:30

Eno dage dali po hauwa megi wagobeo. Magi basowe? E tǫde tobolu bidi megi tama asobao. Agai ena dali magi sę ebo usu egobeo.

Dwagi Yai Gesi Po Lukgo Asęani 13:16

Me ma, e we da, te polobadu genuai bidi Abrahamgo hani we da. Tama e we te dwai kauwa bidi Satango dąų wali, kibu be hauwa 18 bidali. Eno e we tau salio, e we bugagia sese bidimainu sana palalio. Dwagi yai sę yalio. Eno dwai sę ebeo. Dagego homugo te eno dwai sę yalio, te homu ebawe? Te menio,” Jisasgo te po wali.

Matyu 24:24

Magi baso meni, te bidi meba aselama, tibo po e tiwai waibao, ‘Ena Krais, te sa muani bidi dao,’ ma ‘Ena te Godigo po pusubo profet bidi me deli dao,’ te tobage po waibao. Tama augwaligo bidi noma sabo bomai sę genuai eyu, tama haniani haniani sę yaibao. Augwaligo te we bidi God aga sa muani bage tibo po olama, te dwai sę ebo tomoba kegai hagede tebo dao. Tiali goli, te usu egobeo.

Matyu 13:39

Te boi bidigo dwai noswai ge tedela bilagasali, te bidi da Satan dao. Te nai sabo sogo bodolu wali, te e tǫ silabo sogo dao. Te gi nai sabo bidi dabe augwali da, te Godigo sę ebo ensel mobo bidi dabe naga dao.

Tuni Bidi Dabego Po Elalubo Buku Deli 21:1

Te Satango te Israel dabe sęgę mawai hagede, tama agai Devitba homu kolesaga mobaso te Israel we bidi augwali nedao wai dao.

Kraisgo Geme Dualali Sę Pedelabo Po Jonbolo Ola Mani 18:2

Agai i genuai bomo elama mu weyu, te po wai, “Dolalio, dolalio, te genuai hanu Babilon mu dolalio. Megi te bulu te dwai haubo noma bidi dabego bulu pedalama bidibao. Te dwai meda yai mobo bidi dabe me augwali tede bidibao. Te meda yai ba dabe me, te dwai bulude bidibo ba dabe me, augwali me tede naga kalabus bidibo dao.

Esekiel 28:16

Nago bisnis sę bulu hauwaba yali. Tama nago te we bidi dabe dali hwįnama, tama nago bisnis sę tau somainogo yali, tama nago sęgę sali. Mu tama, nage tonalubo ensel bidi tiwai dao, tiali goli nage eno gedude meda mu yai pedelai dao. Tama eno nage sela sąnama, tama nago eno bulu du taga soali. Tama nage te udula pai masigi tomode ma me bidibeo.

Kraisgo Geme Dualali Sę Pedelabo Po Jonbolo Ola Mani 18:23

Te lam sole ula ebo te ula nagebolo ma iligobeo. Tama te we sainogo ebo bidi me, te bidi dali painogo homu ebo we me, augwali si dwagi yai homu eyu po wabo te nage tomode ma wagobeo. Polobadu nago bisnis bidi dabe augwaligo te masigi sabo sę elama, tama augwali te tǫde genuai nogi yai bidi dabe bidai. Tama nago tigidali bidi hani dali te nago tibo pode haniani pobi po wabo sę elama, tama augwali dwai tųba kegasa pali.”

Godigo Nogi Ugwaba Sabo Tęąbi Po Wabo Buku Dabe 109:6

Te bidi dwai me deli nigilama, te agai eno boi bidigo po te po tųde dagalumainu emainao. Te aga boi bidi me deligo digi aga po tų ela momainao.

Kraisgo Geme Dualali Sę Pedelabo Po Jonbolo Ola Mani 12:8

Tiali goli te hasamanigo bomo elama te wąbi hwįabo bomo usu menio. Tama tibaso, te hasamani dali, aga dwai ensel bidi dabe dali, augwali dagalude ma bidainogo ebo usu egobeo.

Kraisgo Geme Dualali Sę Pedelabo Po Jonbolo Ola Mani 12:12

Tama tibaso, dagalu, nage tama dage tigidali dagalude bidibo bage, dage homu wiegi yai yagameo. Tiali goli tǫ dali, te tamu ąį dali, te side bidibo we bidi tigidali, dage hobedagia bidaibao. Genuai sęgę dageba pedalainogo ebao. Tama Satan dagebolo e tǫba dulai dao, tama agai sębę genuai mu elalubao. Agai koneani, aga bidabo sogo te pęwadage sogo elalubo homu ebo dao,” te po wabo dagaludu asobo eno odali.

Tuni Bidi Dabego Po Elalubo Buku Si 18:21

Tama mobo bidigo Genuai Bidibolo e tama po walali, ‘Ena pelama Ahap aga profet dabe aga ili po ola momainogo igi paibao,’ wali. Tama Genuai Bidigo te mobo bidibolo e tama po wali, ‘Nage pelama, aga ili po ola magi pao, tama agai nago po mu dao homu elama homu dąų waibao,’ Genuai Bidigo te po wabo eno odalio.” Mikaiago te po wai.