Kraisgo Geme Dualali Sę Pedelabo Po Jonbolo Ola Mani 12:5 - Godigo dwagi yai po buku

⁵ Tama wego wai ogwa ame nai. Te waigo nosali te ain dono tulama tigidali we bidi hani tonalueibao. Tiali goli te wai ame nenama digi, tama polo mu augwaligo te wai te God pageba me, te ugwaba sela holali, te aga tuni bidi bidiyu dulalubo nai sia sai teba sela pai.

Kraisgo Geme Dualali Sę Pedelabo Po Jonbolo Ola Mani 12:5 Referans Kwoze

Kraisgo Geme Dualali Sę Pedelabo Po Jonbolo Ola Mani 19:15

Tama te bobage poabi hwą ge me deli te augwa polalubo bidigo pedauwalide munaluai, tama te hwą ge buluba teda soai. Tama te hwą gego agai te tigidali tǫde we bidi hani elaibao. Tama agai te ain wąbi nogogo tulama, tama te we bidi hani augwali te ain dono wąbigo tonalueibao. Tama agai augwali tonaluyu, tama te Tigidali Bomo Elalubo God agai te we bidi dali moni dwai sębę ebaso, te bidi agai augwalibolo dwai dene mu mawaibao, te bomo yai ąį wain nigibo bidigo te wain bono du dabe te masigi halobage tomoba munama, tama agai sągągo agalalubo tiwai yaibao.

Kraisgo Geme Dualali Sę Pedelabo Po Jonbolo Ola Mani 12:2

Tama aga wai haliga elaluali, tama te wai ame nabo dene agaba pedalai. Tama te dwai dene mu eyu, tama agai i bomonama weyu te wai ame nainogo yai.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Kraisgo Geme Dualali Sę Pedelabo Po Jonbolo Ola Mani 11:12

Tama augwali sigo dagaludu po me wabo odali te po weyu, augwali si bomonama i wali, “Dage si eba eda holao,” wali. Tama te bidi si te pǫ me tomodu dagaluba holali, tama te boi bidi dabe augwaligo te bidi si pabo suai.

Matyu 1:25

Tiali goli te wai ame nisiąbadi agai aga te we dali me pibe, tama aga te wego wai ogwa ame nabo te sogo pedelai. Tama agai te wai aga nogi Jisas poai.

Maika 5:3

Tialima, Genuai Bidigo aga we bidi dabe digi te boi bidi dabego nogode bidimainu ilama, te Godigo we me deli sa mubo sogoba usu niyu, te ogwa me deli ame naibao. Tialima, te sogo te bidigo abagi dabe augwali te gasa bulu tǫ kantride kalabus sę igi pali bidi dabe, te augwali ma aselama, te augwa hani dali deliba ma sisinagasaibao.

2 Korin 12:2

Ena te Kraisgo bidi bidiyu, tama kibu be nogo si olama sągągo me si me si polobadu Godigo ena te dagalu sela wali sigi mu teba ugwaba sela holali. Te ena teba pobadi ena tigi dali bidaliwe, ma ena tigi tagalama te eno noma bidi naga teba paliwe, te eno me konebeo. Godigo naga koneanio.

Dwagi Yai Gesi Po Makgo Asęani 16:19

Genuai Bidi Jisas agai po augwaliba pusa silama, tama Godigo aga selasa te dagaluba holai. Tama megi da, aga te Godigo dolo nogo badude dualalu bidibao.

Jeremaia 31:22

Dage te ena wegi wai tiwai, tiali goli, dagego ena tudiba muani. Mena sogo te dagego haliga si ebo tagalama, te enaba ma asaibawe? Ena Genuai Bidi, eno gesi noma kolesaga te tǫde yaibao. Te kolesaga e tama dao. Wego digi te bidi pageabi elama, te agaba hanalu, te aga godolo eba waibao,” wali.

Aisaia 66:7

“Ena, Genuai Bidi, eno te po obao, eno taun te wego wai deli sogo polo tama ame nabo tiwai yaibao. Aga te wai ame nabo tigi dene isąbadi, tama te wai polo pedelali.

Kraisgo Geme Dualali Sę Pedelabo Po Jonbolo Ola Mani 12:13

Te genuai dwai hasamani agai suali, augwaligo aga e tǫba aba aiya sąwani, tama agai te wai ame nani we pobeai.