Kraisgo Geme Dualali Sę Pedelabo Po Jonbolo Ola Mani 12:1 - Godigo dwagi yai po buku1 Te sogo te dabolo Godigo bomo ola mabo genuai sę me deli te dagalude pedalai, te we bidi noma sabo sę. E tiwai. We me deli bidai, tama agai tigigo te giliga te ugwa tiwai elama sesela sai. Tama polua agai sągą dologode elaluali. Tama hǫ nogo si olama sągą badu si te agai madi tiwai tobolude munama elaluai. Gade chapit la |
Te kantri Babilon genuai bidi dabego Godigo te kantri Juda bulude te wiegi yai sę yali po odama, augwaligo te bidi dabego esiąbo bomai sę yali po page odainogo bidi me deli tagala palali, te Hesekiabolo hanalu wainu. Te sogo Godigo Hesekia tagalai madi, magi baso meni, agai Hesekia usu selama, tama agai kolesaga me homu kolesaga osola suainogo.
Te eno suali gasa genuai noma sabo sę te dagalude pedalali, tama eno homu hauwa te sęde yali. Eno suali, ensel mobo bidi a naga olama me badu nogo si bidali, tama augwaligo te bidi dolabo dwai nai mu a naga olama me badu nogo si tolaluai. Tama nosali te dwai nai augwaligo sę ebo silibo si, teda te we bidi dolabo gasa dwai nai ma pedalogobeo. Te nogo a naga olama me badu si te dwai nai, te naide te Godigo sębę ebo mu silaibao.
Te gasa genuai sę me dagalude pedalali, te we bidi noma sabo sę. Te sę yali e tiwai. Genuai hasamani me deli bidai. Te mama yai tama, aga tobolu te a olama me badu nogo si, tama nogo si gąų elaluai. Tama a naga olama me badu nogo si te tuni bidigo madi aga tobolude muani elaluai, te tobolu deli delide elaluai.
Augwaligo po ola silama, tama augwaligo te Godigo dagalude elalubo Moni Lotu Be tempel te be tų dawai. Tama polobadu Godigo te Israel we bidi dali po dąų olama, tama augwaligo te asęani po te halobage me deli tomoba muani. Tama te halobage te Lotu Be tomode munalubo eno hania suali. Tama te sogo tama te be sele eyu, tama moni u wabo me, te be kulu wali me, tama tǫ mali ebadi, te kedau ebo nai talua ge tulubage hauwa te dagaludu tǫba tulaluai.
Te tama tibo side Genuai Bidigo aga we bidi dabe augwali ma dobola saibao, te kibu sipsip tonalubo bidigo te aga sipsip dabe te hasa laiongo elama dolainu ebadi te ma dobola sabo tiwai ebao. Tama augwali dwagi yai mu agai tǫde bidiyu, te gasa sawi yai bugagia ula mu yai masigi te kingo tobolu madide elalubo tiwai yaibao.
Te eno pemene ebo wiegi yai balia Godiba waibao, eno Genuai Bidi dao. Te eno pemene umabo mu yaibao, magi baso meni, agai ena ma sali. Te aga wiegi yai sogo te aga doloba pai kolesagago ena te bobobage wiegi yai ugwago mesega sabo tiwai yali, te ena te we sabo bidigo au ebo tiwai eyu, te we aga bidigo aga kębo sogode au ebo tiwai yai dao.
“Tiali goli dage eno po wali pabo we bidi, te eno bomogo dage ma saibao. Eno bomo te giliga ulago bomo tiwai elalu, tama dage we bidi te giligago tigi dili ilibo tiwai yaibao. Te dage wiegi yai pemene eyu, te bulmakau wai dabe te banis tomode bidai te buluba dinibo side te sasa mano pabo tiwai ebo dao.
Tama augwaligo te sęde augwa nogi ugwaba sabo dao. Tiali goli, ena digi eno te dago Genuai Bidi Jisas Krais agai da tau somainogo aga ni pedaide isali po, te po weyu, tama eno aga nogi naga ugwaba sabo dao. Tama te ni pedaide eno te po obao, eno ena tigigo e tǫde ebo dwai kolesaga ela silai dao, te ni pedaide elali gilama tiwai. Tama ena me, te tobage dwai kolesaga ebode mu isali bidi tiwai dao, te tǫde ebo kolesagago eno homu ma hodologobeo.
Tama nago eno dolo nogode te hǫ a naga olama me badu nogo si elalubo suali. Te lam sole gol a naga badi me si tama te me nago suai. Tama te nai dabe geme dualali page e dao: te hǫ a naga olama me badu nogo si wali, te Godigo po wali pabo bulu a naga olama me badu si te bulude bidibo we bidi tau sabo ensel mobo bidi dabe dao. Tama me te a naga olama me nogo si te lam sole po wali, te a naga olama me badu nogo si Godigo po wali pabo we bidi hani dabede po begelama weyu,” agai te po wai dao.
Te gasa bidi dabe augwaligo te dagego Krais wali pabo kolesaga dolidali weyu, eno augwalide dwai homu ebo dao, te Godigo augwalide dwai homu ebo tiwai gilama. Magi baso meni. Bidigo aga penani sę munu me isąwai wiegi yai bidibo gesi wegi noma te bidi delibolo naga mabo tiwai, te eno dage te bidi deligo naga somainogo eyu sa muanio. Eno dage Kraisbolo maiabo homu ebo dao.
Te bidi doloba pai bidi ilibo kolesaga e dao: te bidigo konealubo po Jisas Kraisde dąų wali bidi, aga Godigo doloba pai nogi poaibao. Tama tigidali haniani we bidigo konealubo po dąų obaso da, Godigo augwali doloba pai we bidi nogi waibao. Magi baso meni, te Juda hani bidi doloba pai bidi ilibo kolesaga, te Juda hani isąwai bidi doloba pai bidi ilibo kolesaga tedali tedali meni.
Ao, tiali goli megi eno te gesi hanu me Jerusalem tede po digi po begelama obao, te hanu aga dagalude megi tonalubo dao. Te gesi hanu Jerusalem te gasa we dao, te we nogi Sara dao. Aga te olo sę ebo we menio. Tama da te Godigo mani gesi kontrak po dologode olo bugagia bidibo, tama te we Sara aga te dago ida tiwai bidibo dao.