Biblia Todo Logo
Bib sou entènèt

- Piblisite -




Godigo Nogi Ugwaba Sabo Tęąbi Po Wabo Buku Dabe 97:6 - Godigo dwagi yai po buku

6 Te ugwadu elalubo dagalugo te agai doloba pai kolesaga po pusuyu, tama tigidali hani we bidigo agai te boma pai ula subo dao.

Gade chapit la Kopi




Godigo Nogi Ugwaba Sabo Tęąbi Po Wabo Buku Dabe 97:6
18 Referans Kwoze  

Te dagalugo digi te tama po obao, “God te doloba pai mu dao. Aga digi te po tų odobo bidi jas bidibao,” wabo.


Dagalugo dabolo ola mabo dao, God agai bomo dali, genuai nogi dali si mu elalubao. Awe, tigidali nai dagalu ugwadu elalubo naigo dabolo te Godigo digi augwali nigai, te hania ola mabo dao.


Genuai Bidigo te po wai, “Eno te we bidi dabe homu kolesaga sulama, tama eno konebao, te megi da, eno te tigidali we bidi dali sisinibo sogo dao, te mena po haniani wabo bage me sisinaibao. Te augwali sisinagasobo sogode, teda augwaligo te eno genuai ula me bomo sueibao.


Eno tama tibaso, te tigidali tǫ habu pedai we bidigo te tiwai konemainu yali, ena deli naga ena Genuai Bidi, te gasa god munu me bidibeo.


Tama genuai ula me te Genuai Bidigo bomo te pebeli diliba hanilama pedelaibao, tama tǫde we bidi tigidaligo sueibao. Te po te Genuai Bidigo pedauwalidu digi asai dao,” wali.


Tama augwa digi augwa hasi ma i weyu, te po wali, “Genuai Bidi aga tedali gasagi yai mu dao. Aga tedali gasagi yai mu dao. Aga tedali gasagi yai mu dao. Genuai Bidi Tigidali Bomo Elalubo Bidi aga tedali gasagi yai mu tama dao. Agai genuai ula de bomo sigo tǫ tigidali mu usu nani,” te po wali.


Tigidali hani we bidi te bugai haliga elama, tama wiegi yai pemene ebo tęąbi emainu yao, magi baso meni, te nago tigidali we bidigo kolesaga te doloba pai po tų ebogo dagalaibao, tama nago te we bidi hani dabe te wiegi yai sunumidu bugagia bilimainu dodolobo dao.


“Genuai Bidi sesemane sogo bidibao! Aga te genuai masigigo ena bobegelalubo tiwai yali, tama dago aga nogi ugwaba sao. Godigo ena tau siyu, tama ena ma sali, tama dago aga genuai nogi ugwaba sao.


Magi baso meni, te po tų ebode God agai te mu po naga wali peyu, doloba pai kolesaga te po tų ebode ebo dao. Te genuai penani we agai te tǫde we bidi agai te penani ebo kolesagago mu dolai dao. Tibaso, Godigo aga dali po tų elama, tama dwai dene wei agabolo ponai dao. Te we agai Godigo sę bidi dabe augwali ela mubaso, tama Godigo agai te dwai sę ebo wei ponoyu, te penani we aga dene mawai dao,” augwaligo te po wai.


Tama dagego gedu haluasa po e tama wao, ‘Dago Aya, nage dagalude bidibo bidi, dago homugo nago nogi wiegi yai tedali mu bideibao.


Tama tigidali we bidigo me, tigidali tǫde nai sibigo me, te Genuai Bidigo genuai nogi dali bomo dali si konemainogo yalio. Te konebo kolesaga te tigidali tǫ pedai habu mu usu nigi paibao, te tamu ąį bo deyu, te dąį eboba usu nugulubo tiwai gilama mu yaibao.


Dagalu, olo saganama, odao. Tǫ, nago me odao. Magi baso meni, Genuai Bidigo te po wai dao, “Te wai dabe eno tonaluama, genuai yali. Eno augwali bugagia negali. Tiali goli, augwali da, augwaligo eno po sela sąbo dao.


Agai te aga dąų walali pode homu konealuai, tama agai te Israel dabe homu dene eyu, tama augwali me tagalubeo. Tigidali bulu te tigidali we bidigo sualio. Te dena Godigo te boi bidigo bomo aiyaba elaluama, tama da ma sai dao.


Genuai Bidi, te ensel dabego te nago ebo wiegi yai sę dabe balia po wabo dao, tama augwaligo te nago nogi ugwaba sabo dao. Me te dagalude konealubo homu dąų wai mobo bidi dabego te nageba balia po weyu, tama nago po wali mu pabo dao.


Eno koneani, nago da sesemane bidada pabo sogo wei homu ebo koneani. Awe, te nago mu po te me hasegeligobeo, te dagalu bomo elalubo tiwai gilama elaluaibao.


Tiali goli, ena tigidali sogo mu bidibo dao, tama eno bomo me ula tigidali tǫde elalubo dao. Tama tialima, megi eno e bomai po wabao.


Swiv nou:

Piblisite


Piblisite