Godigo Nogi Ugwaba Sabo Tęąbi Po Wabo Buku Dabe 95:6 - Godigo dwagi yai po buku

⁶ Dage asiąo, dago tobolu basi gulama, tama agaba lotu wainao. Genuai Bidigo da nigai. Tialima, da aga pąba pelama, tama kidu sugunao.

Godigo Nogi Ugwaba Sabo Tęąbi Po Wabo Buku Dabe 95:6 Referans Kwoze

Filipai 2:10

Tama tibaso, dagalu bidi me, tǫde bidi me, tǫ dai dologo badu bidibo bidi dabe me, augwali tigidaligo Jisasgo nogi ugwaba somainogo augwali kidu sugunaibao,

Godigo Nogi Ugwaba Sabo Tęąbi Po Wabo Buku Dabe 100:3

Dagego Genuai Bidi homugo konebo tagaligio, aga deli te God mu dao. Aga deligo da nigai, tama da aga we bidi dao. Da agai we bidi, da agai te kibu sipsip tiwai dao.

Daniel 6:10

Tama Danielgo te po dąų walali po odobo sogo, aga te aga beba hogodasa palio. Tama aga te ugwa badu elaluali be habu dai badu holama, tama te windo pąde kidu sugunama, te Jerusalemba tonono yalio. Tama agai te sesemane sogo gedu haluasa po weyu, te nage usu da po te Godiba wabo tiwai yali. Agai te deli deli sogo bubugade te gedu haluasa po sela sogo weyu yai dao.

Godigo Nogi Ugwaba Sabo Tęąbi Po Wabo Buku Dabe 95:1

Dage asiąo. Dago te Genuai Bidi nogi ugwaba sabo balia po wainao. Dago te bomai Godigo da ma sali, te homu koneama, tama dena balia weyu, tama agaba wiegi yai pemene yao.

Efesus 3:14

Te Godigo agai homugo da Juda bidi hani dali te dage Juda hani isiąwai bidi hani dali te si deliba wadolama te hani deli tiwai elama bidimainu yali. Tama te hani si deliba wadolabo homu yali te homu Godigo polobadu osogo dualaluali. Tama polobadu Godigo dualaluali po page megi eno homude konebaso da, teda eno kidu sugunama God Ayabolo hanalobo dao.

Aisaia 54:5

Magi baso meni. Ena, nage nigali God, ena te nago bidi tiwai bidaibao. Eno nogi da, te Tigidali Bomo Elalubo Genuai Bidi dao. Ena, te Israelgo God, ena te Wiegi Yai Doloba Pai Kolesaga Mu Ebo God da, te ena nage tudi badu posolalu tau sabo bidi, eno naga eno te tigidali tǫ habu tonalubo God dao.”

1 Korin 6:20

Menio. Godigo te genuai naigo mu dage ma abelalio. Tama tibaso, penani sę isąyu, te dagego tigigo te dagego Godigo nogi ugwaba sabo kolesaga naga yao.

Dwagi Yai Gesi Po Lukgo Asęani 22:41

Tama Jisasgo augwali taga peyu, aga dwasianu bobenu gana palio. Agai kidu tǫba sugunama, Godibolo po weyu, te po wai,

1 Pita 4:19

Tama tibaso, God agai “Awe” weyu, tama dage dene siyu da, teda dagego dwagi yai sę naga ebogo dagego duga digi God nogoba muao. Te God aga digi agai dage nigali, te agai dage tau siyu ma dobola sabo bomo te munu me siligobeo.

Dwagi Yai Gesi Po Jongo Asęani 1:3

Godigo te Pobolo po weyu, tigidali nai nigao wai. Tama Pogo tigidali nai nigai. Tama gasa nai gasa tųdu me pedalobeo. Menio. Tigidali nai pedalali te Po aga digi nigilama, pedalai.

Esra 9:5

Te ofa ebo sogoba sabalobaso da, teda ena hodaluama, tama ena kidu sugunigulama, tama gedu haluasa po weyu, tama te eno nogo si te Godiba ugwa sali, te eno Genuai Bidi dao. Eno te pisawali ugwa te ena tigide digi gudalualio.

Kraisgo Geme Dualali Sę Pedelabo Po Jonbolo Ola Mani 22:17

Te Godigo Mobo Bidi dali, te Kibu Sipsip Waigo we dali sigo te po obao, “Nage asao.” Tama e po odali we bidi tigidali augwaligo me te po wao, “Nage asao.” Tama te wę nogone ebo bidi, aga asomainao. Wę tuainogo ebo bidi, aga aselama, te bidabo ula mabo wę tuagasao, te Godigo agabolo olo mu mawaibao.

Godigo Sęba Tagala Palai Bidigo Po 21:5

Tiali goli, da tede bidali sogo sia selama, da te bulu tagalama, moni gebaba ma pali. Te Jisasgo po wali pabo we bidi, wai puluba me, augwali da hodobo pelama, tamu ąį sesegeba sabolali. Te kemi tǫde da sisinama, kidu sugunama, Godibolo gedu haluasa po wali.

Aisaia 17:7

Tama te sogo te we bidi dabe homu begelama, tama Israel dabego Godiba lotu po waibao, te aga te augwali nigali God dao. Tama aga da te Israel dabego Dwagi Yai Doloba Pai Kolesaga Naga Ebo God dao.

Godigo Nogi Ugwaba Sabo Tęąbi Po Wabo Buku Dabe 72:9

Te masigi kemi tǫ yai bulude bidalubo hani bage dabe, teda augwali te king dologode bidaibao. Tama aga boi bidi dabe te tǫba dolo pigulaibao.

Te Israel me Juda Hani Sigo Tuni Bidigo Po Elalubo Buku Deli 8:54

Te Solomongo Genuai Bidiba gedu haluasa po wabo sogo, agai kidu te alta pąba sugunugulama, tama agai nogo si te ugwa sali. Tialima, agai te tigidali gedu haluasa po ola silibo si da, te aga hodaluama dolalu,

Ma Dobola Sali 20:5

Nago te tibo godiba, me te noma bidiba kidu sugunama, lotu me wagimio, magi basowe, ena Genuai Bidi Yawe te ena nago God, tama ena te tibo godigo hasegelemainogo ebo usu me egobeo. Mu menio. Tede eno hagela homu mu ebo dao. Tama ena hagela mu homu ebo we bidi dabe, augwaligo te naide magi sę yai elalubaso, te eno augwali dene iliyu, tama augwaligo wai hani sela, me me si me si nosali pedelabo hani, augwalibolo me te mabo dene tiwai ilaibao.

Godigo Sęba Tagala Palai Bidigo Po 7:60

Aga kidu sugunama, agai Godibolo i bomo elama, te po wai, “Genuai Bidi, nago augwaligo te enabolo ebo dwai sę sęgę nago sela sąyao,” te po wai. Te po olama, aga isai. 8:1a Tama te bidi Sol agai augwaligo Stiven ela mubo sulama, Sol agai te sęde usu da wali.

Dwagi Yai Gesi Po Makgo Asęani 14:35

Tama aga dwasianu pelama gana, tama tǫba basi gulama, tama agai gedu haluasa po wai. Te Godigo usu da wida, te dwai denego aga te sogo ela somainu homu yai.

Matyu 4:2

Tama Jisas nai tusiąbadi aga te bidi sese si siade me hulide me bidai. Tama nosali aga nasi yai.

Hosea 8:14

“Te Israel dabego homugo te kingo bomogo augwali tau sabo usu yaiba homu yai, tama tiyu augwaligo te kingo bomai be sę yani. Tiali goli, augwaligo te naide homu kone isąwai, ena God, eno te we bidi nigai dao. Tama te Juda dabego me te dwai sę yai elaluali, magi baso meni, augwa taun dabe bagulabo te bomai obo dabe nigali, tama augwa homugo te augwali bugagia bidaiba homu yai. Tiali goli, tagalao, eno sia te taunba tula palama, te kingo be dabe dali siago dela silimainu yaibao,” Genuai Bidigo enabolo te po wai.

Kolesaga Koneai Bidigo Pusali Po Elalubo Buku 12:1

Godigo da tigidali nigali. Tibaso, dage gesi ogwa bidi bidibadi digi dagego aga homu kone palao. Tiyu, dagego aga homu kone gegeda paligio, tama nosali dage monu dabe pedalubo side te dwai sęgęgo dage gegebaso, te dage deli deligo te tiwai po waibao, “Eno ena bidabo ulade wiegi yai homu pemene ebeo,” po waidali weyu.

Godigo Nogi Ugwaba Sabo Tęąbi Po Wabo Buku Dabe 149:2

Dage Israel dabe, te Godigo dage nigalide te dagego bugai haliga iyąo. Awe, te Saion we bidi dabe, te duga kingba wiegi yai pemene yao.

Jopgo Po Asęani Elalubo Buku 35:10

Tiali goli, bidi mego e tama tiwai i me wabo menio, ‘Te Godigo ena nigai da. Aga menade bidibowe? Agai da dwai sogo pedalobo si agai dago tabi dili ilama, tama da dwagi yai homu iliyu, balia dabe wabo dao.

Kraisgo Geme Dualali Sę Pedelabo Po Jonbolo Ola Mani 22:8

Ena Jon, eno digi te po tigidali odai, tama te nai dabe tigidali eno suai dao. Eno odolama tama eno suai, tama enabolo te nai ola mani ensel mobo bidi sągą pąba eno kidu sugunama, tama agabolo eno lotu po wainogo yai.

Godigo Sęba Tagala Palai Bidigo Po 20:36

Te Pol agai po silibo si, tama agai augwali dali kidu sugunama, Godibolo po wai.

Hosea 6:1

Te Israel we bidi dabe augwaligo te e tama po wai, “Iya, tegoba, da te Genuai Bidiba ma pinao. Agai da dolali, tiali goli, te agai da bugagia wiegi yai ma ilaibao. Agai da elama, te keni pedelali, tiali goli, te keni agai ma pedela somainu yaibao.

Matyu 4:9

Tama agai Jisasbolo te po wali, “Tama nago kidu sugunama tama basi gulama, ena dologoba peyu enabolo lotu po obaso da, teda eno te tigidali nai nagebolo mawaibao,” wali.

Tuni Bidi Dabego Po Elalubo Buku Si 29:28

Tama te we bidi tigidali augwaligo Godiba lotu weyu, me Livai dabego tęąbi po weyu, me te pris dabego biugel bu weyu yali, tialima augwaligo te tama sę ela pidubadi te isigo dela silibo ofa mu siligi paboba usu nigi pali.

Tuni Bidi Dabego Po Elalubo Buku Si 29:29

Te augwaligo te ofa ela silibo si da, teda king Hesekia me te we bidi augwaligo bogoli sugunama Godiba lotu po wali.

Tuni Bidi Dabego Po Elalubo Buku Si 29:30

Tama king me tobolu bidi dabe augwaligo te Livai dabebolo te Devit de profet Asap sigo asęani tęąbi te Godigo nogi ugwaba sabo tęąbi po wao wali. Tialima te Livai dabe augwali wiegi yai homu hauwa mu iyu, te tęąbi po dabe tama wali. Tama nosali augwali bogoli sugunama, Godiba lotu po wali.

Godigo Nogi Ugwaba Sabo Tęąbi Po Wabo Buku Dabe 119:73

Nago digi nago ena nigali, tama nago ena bugagia tonalubao. Nago wiegi yai homu kolesaga enaba mao, te eno nago bomo yai po tigidali bugagia konea sabo sę emainogo yao.

Godigo Nogi Ugwaba Sabo Tęąbi Po Wabo Buku Dabe 139:13

Nago eno tigi pedai tigidali badu nigali. Nago ena tigidali te idago haliga tomode nigai dao.

Aisaia 44:2

Eno dage te deli hani we bidi pedalumainu ilali. Eno dage sisi ilama, dage dąį iliyu, te dage tǫde pedalisiąbadi, te sogo te dage ena hani da olama, dąį ilibo tiwai yali. Te eno dage negeyu, tonalua asali, te megi e sogoba usu nagasobao. Ena digi eno dage dąį ilama, tama dage eno doloba pai sę bidi bidibao. Tama tialima, ena Genuai Bidi, eno te po obao, dage wi me elamu dao.

Aisaia 64:8

Tialima, Genuai Bidi, nage dago aya dao. Nage te sospen sene tǫgo nigibo bidi tiwai, tama da nago te sene nigainu sabo tǫ tiwai elalubao. Te nago nogogo digi da tigidali nigibo dao.