Godigo Nogi Ugwaba Sabo Tęąbi Po Wabo Buku Dabe 95:4 - Godigo dwagi yai po buku

⁴ Agai te tigidali bulu tǫ pedai tonalubao, te aiyaba odogo gulali bulu tigidali, me te ugwanu igiluali bulu du tigidali, te agai naga tonalubo dao.

Godigo Nogi Ugwaba Sabo Tęąbi Po Wabo Buku Dabe 95:4 Referans Kwoze

Godigo Nogi Ugwaba Sabo Tęąbi Po Wabo Buku Dabe 135:6

Genuai Bidigo mena sę te dagalude me, te tǫde me, te tamu węde me, te tamu wę pagede yabo homu ebaso da, teda agai te sę ebo dao.

Habakuk 3:6

Te aga dolugulubo sogo da, tigidali tǫ midigi eyu, mumunu ebao. Agai te we bidi dabe augwali subo sogo da, augwali te ibaba kila sesa peyu, midigi sabo dao. Te genuai bomai bulu du dabe te alua pelama, tulaluaibao. Te polobadu aga bilali dwasianu bulu du dabe augwali te aiyaba kilasa dulubo dao. Genuai Bidigo ebo kolesaga dabe te sesemane sogo elalua paibao.

Jopgo Po Asęani Elalubo Buku 9:5

Ma, God agai sębę deli sogo eyu da, agai bulu du dabede deli sogo ibaba kidilibo dao. Tama augwali mu dolama, tagalobo dao.

Nahum 1:5

Tigidali bulu du te Genuai Bidigo gesabidide mumunu elama, te olo wę tiwai me pedelali. Te Genuai Bidi sabalubo sogo tǫ te mumunu yai, te tigidali we bidi me mumunu elama gęo page ebo dao, wali.

Maika 1:4

Tama te bulu du dabe te aga sągą dologode ąį tiwai pedelaibao, te ula ebo nai kandel te ula eyu, te aga ili te wę pedalubo tiwai yaibao. Te bulu du dabe te odogo malu tǫ pesageba te gea paliyu, te bulu dudu wę sąbo samanobo tiwai yaibao.

Godigo Nogi Ugwaba Sabo Tęąbi Po Wabo Buku Dabe 97:5

God te tigidali tǫgo Genuai Bidi dao. Aga asobaso, tama te bulu du dabe te wę tiwai pedelaibao.

Godigo Nogi Ugwaba Sabo Tęąbi Po Wabo Buku Dabe 65:6

Te nago bomogo te bulu du dabe pedalumainu elama, tama augwali te augwa pesagede elalubao. Nago bomo te genuai mu dao.

Jopgo Po Asęani Elalubo Buku 11:10

Tama ma, Godigo nage kalabus elama, tama nage po tų eboba odasa pabo si da, tede dego mu aga paliaibawe?

Godigo Nogi Ugwaba Sabo Tęąbi Po Wabo Buku Dabe 21:2

Te agai wei eyu sainu yali nai, nago agaba manio. Awe, agai nageba hanalu wali nai, nago te agaba mani.

Godigo Nogi Ugwaba Sabo Tęąbi Po Wabo Buku Dabe 71:20

Nago te deli tigi poai sęgę enaba tagala palali. Tiali digi, eno koneai, te nago ena ma dąų walainu yai. Te ena gų pageba pidali weyu, te nago ena ma hodolaibao.