Tama Genuai Bidigo agabolo te po wali, “Niwai bidigo te we bidibolo po wabo pedauwali te mabo dawe? Niwai bidigo te bidi odo dega weyu, te pedauwali paliyu ebo dawe? Tama dego te gedugo tonono bilimainogo eyu, ma te gedu widao po wabo dawe? Ena, Genuai Bidigo naga, eno tama tiwai kolesaga ebo dao.
Te bomai wę hauwa tubo bidigo te posobo po weyu, te dwai po me weyu, te hwįyu yaibao. Te bomai węgo aga tonalumainu ebo bidi da, teda aga wiegi yai homu me elalubeo.
Tiali goli, agai te dwai sę ebo bidi dabe wei isiąyu, tudi ola mabo dao. Tama agai te augwali ela muyu, tama te we bidigo augwali homu kone ma egobeo.
Genuai Bidigo te dage ma sabo bomo meni da, dagego te homu me igio. Dagego te homu eyu, te aga olo degelama, te dago gedu haluasa po wabo odobeo homu egobeo. Menio.
Te tigi sesede te gedu naga elalugi sogo da, magi ilama te agai po odaibawe? Tama te tigi sese te olo naga elalubaso da, teda magi ilama agai te nai denami ebo odaibawe? Meni, te tiwai usu egobeo.