Godigo Nogi Ugwaba Sabo Tęąbi Po Wabo Buku Dabe 94:10 - Godigo dwagi yai po buku

¹⁰ Agai te tigidali tǫde bidibo bidi hani tonalubo dao. Tialima, agai augwali dodolobo meniwe? Tama aga tigidali we bidigo po ola mabo bidi. Agai konebewe?

Godigo Nogi Ugwaba Sabo Tęąbi Po Wabo Buku Dabe 94:10 Referans Kwoze

Jopgo Po Asęani Elalubo Buku 35:11

Agai da ola mabode da homu kolesaga hauwa mu sabo dao. Tama dago homu kolesagago bulu ba hasa dabego kolesaga edelai elalubo dao.’ Te sęgę tolobo bagego te po wabo dao.

Aisaia 28:26

Godigo digi aga te nai wai bulama, sela tubo kolesaga ola mani dao.

Jeremaia 10:25

Te nageba lotu wasiąyu, te gedu haluasa po wasiąbo we bidi hani dabeba dene mao. Te hani dabego te dago we bidi dabe te Jekopgo hani ela muai. Augwaligo da mu silama, te dago tǫ me be mu dolai dao.

Godigo Nogi Ugwaba Sabo Tęąbi Po Wabo Buku Dabe 44:2

Nago digi te Israel hani isąwai bage te augwa tǫde sela sąnama, tama nago te tǫ te da Israel bagego wąį nǫų dabeba mani, tama augwali tede bomo elalu bidali. Nago te gasa hani dabego yali dwai kolesaga wei ponani, tiali goli nago te dena wąį nǫų dabe te bugagia bidimainu elama, tama hauwa umabo we bidi pedalumainu yai dao.

Dwagi Yai Gesi Po Jongo Asęani 6:45

Te Godigo nosali yabo sę po pusa mani profet bidi dabe augwaligo te po asęani, ‘Godigo tigidali we bidi ola mawaibao.’ Mena bidi me Ayago po odolama, tama koneama, te bidi ena pageba asobo dao.

Habakuk 3:12

Nago wado homu ebo genuai mu te tigidali tǫ kantri bulu we bidi dali elaluali, tama nage te tǫ daide ugwadu biliyu, tama tigidali bulu we bidi agawalio.

Habakuk 1:12

God, polobadu mu me, megi tama me, nage Genuai Bidi me te bidibao. Eno Genuai Bidi, nage te tedali wiegi yai doloba pai kolesaga ebo God dao, tama nago da isimainu sula tagalogobeo. God, nage eno Genuai Bidi dao, tama nage te bomai masigi tiwai dao, tama da te tudi badu te tiwąį madide duala sabo tiwai dao. Nago te Babilon dabe magi elama, tama augwali bomo ilama, tama augwaligo da tonalubo sę emainu magi ilai dao, te dago dwai sęgę wei ponoyu tiai dao.

Amos 3:2

Agai te tiwai po obao, “Te haniani we bidi hani hauwa te tigidali tǫde elalubao. Tiali goli, eno dage Israel hani deli naga te ena hani da wainu dąį ilama, dią selama, te eno dage bugagia tonalubao. Tama tialima, eno suali, dagego dwai sę ebo kolesaga te genuai ebaso da, teda eno dagego te dwai sę tigidali wei ponoyu, te dageba dene mabo sę yaibao,” te po obao.

Esekiel 39:21

Genuai Bidigo po bomonama ma weyu, te po wali, “Te eno te we bidi tigidali augwa dwai dwai kolesaga wei ponoyu, augwali dene mawaibao. Eno te tama tibo sogo da, teda augwaligo eno genuai bomo sulama, tama augwaligo enabolo genuai nogi mawaibao.

Aisaia 54:13

“Te ena digi eno nago wai dabe ola mayu, te augwa bidabo pesage bugagia mu elalueibao.

Aisaia 37:36

Tialima, te sogo hulide naga, te Genuai Bidigo ensel mobo bidi me deli te Asiria dabe bidalubo pesageba pelama, te umabo bidi sese hauwa 185,000 ami bidi ela muai. Te kigamu mu Senakerip hodaluama, te ami bidi dabe isai tigi munalua pabo sualio.

Aisaia 10:12

“Te tuni bidigo te po wali. Tiali goli, ena Genuai Bidi eno te po obao. Te Asiria dabe tuni bidigo eno agabolo te bulu du Saion me Jerusalem side yao wali sę ela silibo si da, teda aga tigide eno sę yaibao. Magi baso meni. Agai homugo aga genina mu dao homu elama, tama aga nogi ugwaba mu sabo.

Aisaia 2:3

Te tigidali bulu badu we bidi hanigo te po waibao, “Asiąo. Da bulu du Saionba pinao, Genuai Bidigo bulu duba. Te Israel dabego Godigo beba pinao. Te agai dabolo dago emaina homu ebo te kolesaga ola momainu. Tama da aga digi sa muani sunumidu pogo o.” Augwaligo te tama po waibao. Magi baso meni, Genuai Bidigo bomai po te bulu du Saionde gagalasa, tama tigidali buluba paibao. Awe, Jerusalem te Genuai Bidi agai bulu elaluama, tama agai po we bidibolo ola mabo digi elaluaibao.

Bugagia Bidibo Kolesagade Po Asęai Buku 2:6

Magi baso meni, Genuai Bidide digi agade te wiegi yai homu kolesaga page elalubao. Tama agai te wiegi yai homu konebo kolesaga te dabolo mabo dao.

Godigo Nogi Ugwaba Sabo Tęąbi Po Wabo Buku Dabe 119:66

Nago bomo yai po tigidalide eno homu dąų mu obaso, tama tiyu, nago wiegi yai kolesaga te ola mabo sę ena dali yao.

Godigo Nogi Ugwaba Sabo Tęąbi Po Wabo Buku Dabe 10:16

Te Genuai Bidi te sesemane sogo te king bidada peyu, bidada paibao. Agai te aga po odisąbo Israel hani isąwai bidi dabe te aga tǫde ela gudulama, tama augwali tede mu me bidigobeo.

Godigo Nogi Ugwaba Sabo Tęąbi Po Wabo Buku Dabe 9:5

Nago po odisiąwai bidi hani dabe, te Israel hani isąwai hani dabe, te nago po tų ilali. Nago te dwai sę ebo bidi dolali, tama te bidi mego augwaliba te homu kone munu me ma egobeo, augwa hani nogi mu miyą saibao.

Godigo Nogi Ugwaba Sabo Tęąbi Po Wabo Buku Dabe 149:7

Tama augwa te gasa hani dabe dali hwįnama, tama augwaliba te dwai dene mu mayu, te augwali aiyaba elalumainao.

Jopgo Po Asęani Elalubo Buku 28:28

Tama God da tǫde we bidibolo e tama wai dao, ‘Bidi ena Genuai Bidide wi eyu, ena dologode bidibo bidi, agai te dwagi yai homu kolesaga page konebo gagalai dao. Tama dwai kolesaga tudiba mubo bidi, te bidi da, dwagi yai homu kolesaga elalubo dao,’ Godigo te po wai,” Jopgo te po wali.

Jopgo Po Asęani Elalubo Buku 34:29

Tiali goli, Godigo magi sę me igi menigi sogo da, teda dego mu Godigo dwai page elalubao po wagi dawe? Ma, agai gesabidi dualigi sogo da, teda de aga pageba mu pigi dawe? Tiali goli, agai tigidali we bidi dali, tigidali bulu tǫ kantri dali si tonalubo dao.