Godigo Nogi Ugwaba Sabo Tęąbi Po Wabo Buku Dabe 92:5 - Godigo dwagi yai po buku

⁵ Genuai Bidi, nago te genuai sę mu ebo dao. Nago homu kolesaga te genuai mu elalubao.

Godigo Nogi Ugwaba Sabo Tęąbi Po Wabo Buku Dabe 92:5 Referans Kwoze

Godigo Nogi Ugwaba Sabo Tęąbi Po Wabo Buku Dabe 40:5

Genuai Bidi, eno God, nago te da tau sabo sę wiegi yai hauwa yali. Te nage tiwai bidi me elalubeo. Nago augwali aiyaba mu elaluali. Eno te bidi dabeba po pusuyu, tama nago sę me homude po weyu da, ya tegobao! Te umabo umabo mu yaibao. Eno nedebaso, usu me egobeo.

Godigo Nogi Ugwaba Sabo Tęąbi Po Wabo Buku Dabe 139:17

God, te eno nago homu kolesaga tigidali koneabo te ena kone tųa pobao. Iya, tegobao. Nago homu kolesaga te dwasianu me menio.

1 Korin 2:10

Tiali goli te polobadu geme dualaluali po te Tedali Mobo Bidigo sęde te Godigo dabolo ola mani. Tedali Mobo Bidigo te tigidali nai osola suyu tama koneani. Tama te Godigo homu kolesagade aga geme dualali nosali sę yabo homu, te me te Mobo Bidigo konebo dao.

Godigo Nogi Ugwaba Sabo Tęąbi Po Wabo Buku Dabe 111:2

Genuai Bidigo te polalubo sę dabe mu ebo dao. Te we bidi dabego te Genuai Bidigo ebo sę te wei mu yali, augwaligo te sę dabe te bugagia koneainu homu yalio.

Kraisgo Geme Dualali Sę Pedelabo Po Jonbolo Ola Mani 15:3

Tama tiyu, augwaligo te Godigo sę yali bidi Mosesgo polobadu wali tęąbi weyu, tama te Kibu Sipsip Waigo tęąbi me wai. Te tęąbi po wali e dao: “Genuai Bidi, nage te God te Tigidali Bomo Elalubo Bidi dao. Tigidali sę nago ebo, te genuai mu eyu, tama dago te sę ebo suyu, tama da noma siyu homu hauwa ebo dao. Nage tigidali hani bidigo tuni bidi, tama nago kolesaga te dolo eyu tama tigidali mu naga ebo dao.

Aisaia 28:29

Te tigidali sę ebo kolesaga Godidu naga asalio. Tigidali Bomo Elalubo Genuai Bidi agaduba deli naga tigidali haniani wiegi yai kolesaga dali, homu kolesaga mu pągąna pai dao.

Godigo Nogi Ugwaba Sabo Tęąbi Po Wabo Buku Dabe 104:24

Genuai Bidi, nago nai hauwa nigai! Nago genuai homu kolesagago koneama, te nai tigidali nigai. Nago nigali nai tigidali tǫde mu pągąwai.

Godigo Nogi Ugwaba Sabo Tęąbi Po Wabo Buku Dabe 66:3

Dago te tama po Godiba wainao, “Te nago ebo sę tigidali te wiegi yai mu ebao. Te nago bomo genuai ugwanu mu igulai elalubao, tama nago boi bidi dabe te wi mu elama, tama augwali te nago gesabidiba pibia sagaselama, te kidu sugunagasobo dao.” Te tobage po wainao.

Jeremaia 23:20

“Genuai Bidigo haliga sębę elaludu, te agai homude yaibao wali tigidali sę ela siliyu, usu naibao. Te bodolu muani sogo asobo side, dage we bidigo te sę dabe page bugagia koneaibao,” wali.

Kolesaga Koneai Bidigo Pusali Po Elalubo Buku 7:24

Te tigidali nai pedalubo page hanilama gegainu ebo sę te genuai mu dao. Dago te digibulu uganu mu elalubo nai, ma te aiyanu mu elalubo nai, te dago sueinu gegebo tiwai ebao. Tialima, dego mu te nai dabe page elalubo gegelama sueibawe?

Godigo Nogi Ugwaba Sabo Tęąbi Po Wabo Buku Dabe 36:6

Te nago doloba pai kolesaga te genui mu elalubao, te bulu du dabe tobage tiwai elalubao. Dago nago te doloba pai po tų ebo page koneainu ebaso, te usu me egobeo. Te aiyanu mu dulali, te tamu ąį aiyanu mu ebo tiwai yai. Genuai Bidi, nago te bidi dabe me te hasa dabe bugagia tonalubaso, te augwali bugagia bidibo dao.

Godigo Nogi Ugwaba Sabo Tęąbi Po Wabo Buku Dabe 64:6

Augwaligo te dwai kolesaga meba yabo po mia selama, tama augwa te po wai. “Dago yabo te dwai kolesaga me deli te homugo koneanio, tama te dago yainu ebo sę te bidi me deli gegeyu, koneainu ebaso, usu egobeo,” te po wai. Dago te bidi dabego haligade elalubo homu kolesaga te koneabo usu egobeo, te geme mu dualalubao.