Godigo Nogi Ugwaba Sabo Tęąbi Po Wabo Buku Dabe 92:1 - Godigo dwagi yai po buku

¹ Genuai Bidi, nage Ugwadu Mu Bidibo God da, te eno nageba usu da wabo te wiegi yai da, tama te nago nogi ugwaba sabo tęąbi dabe waibao.

Godigo Nogi Ugwaba Sabo Tęąbi Po Wabo Buku Dabe 92:1 Referans Kwoze

Godigo Nogi Ugwaba Sabo Tęąbi Po Wabo Buku Dabe 147:1

Te Genuai Bidigo nogi ugwaba sao. Te dago balia po weyu, tama te dena God nogi ugwaba sabo te wiegi yai dao. Te agai nogi ugwaba sabo te wiegi yai doloba pai kolesaga dao.

Godigo Nogi Ugwaba Sabo Tęąbi Po Wabo Buku Dabe 107:1

Dago Genuai Bidiba puba hwi po wao. Magi baso meni, agai daba te wiegi yai mu ebao. Sesemane sesemane sogo agai da wei mu ebo dao.

Efesus 5:19

Tama tiyu, dagego duga hasi duga ama dedego noma bidi mobo dąų omainogo, dagego haniani dwagi yai balia po wao. Tama te lotu balia wabo buku nogi Sam, te bukude elalubo Godigo nogi ugwaba sabo po me, te Jisasgo nogi ugwaba sabo tęąbi po me, te po tama duga ama dedebolo wao. Tama tiyu, bomo eyu te dago Genuai Bidibolo me aga nogi ugwaba sabo balia po dali lotu tęąbi po dali wao.

Godigo Nogi Ugwaba Sabo Tęąbi Po Wabo Buku Dabe 135:3

Aga nogi te ugwaba sao, magi baso meni, agai wiegi yai sę daba ebao. Agai te olo tau sabo wiegi yai kolesaga dabolo ebao, tama tiyu, dago te tęąbi dabe weyu, agai nogi ugwaba siąo.

Godigo Nogi Ugwaba Sabo Tęąbi Po Wabo Buku Dabe 33:1

Te doloba pai we bidi dabe, dagego te Genuai Bidigo tigidali sę yalide te wiegi yai homu pemene yao. Dage te Godigo po wali pabo we bidi, dagego te Godigo nogi ugwaba siąo, te dolo naga dao.

Godigo Nogi Ugwaba Sabo Tęąbi Po Wabo Buku Dabe 73:28

Tiali goli, ena, te ena nage pąde bidibaso, tama te wiegi yai mu ebao. God, Genuai Bidi, nago ena mu seselalubo da, tama eno nago yali sę po tigidali hanilama, pusainu ebo dao.

Godigo Nogi Ugwaba Sabo Tęąbi Po Wabo Buku Dabe 107:8

Tialima, augwaligo te Genuai Bidiba usu da mu waiyąo, te sesemane agai augwali homu dene mu elama, tama agai augwali tau sabo sę wiegi yai mu yalio.

Godigo Nogi Ugwaba Sabo Tęąbi Po Wabo Buku Dabe 52:9

God, nago ena tau sali, tama tiyu, eno sesemane sogo nageba usu da weyu, gedu haluasa po wabo dao. Tama te nago we bidi dabego gedude te eno nago nogi ugwaba siyu, tama eno te po waibao, “Godigo te wiegi yai kolesaga enaba ebo da,” po waibao.

Daniel 5:18

“Odao. Te Ugwadu Mu Bidibo Godigo te nago wąį Nebukatnesar te bomai genuai king pedalumainu ilali. Tama agai genuai nogi elalu, te ugwanu egulama, tama ugwadu daide mu elaluai dao.

Aisaia 57:15

“Ena digi ena God, te ena sesemane sogo bidibao. Eno nogide te magi meda mu meni yai elalubao, ena te Wiegi Yai Doloba Pai Kolesaga Mu Ebo God dao. Ena te ena wiegi yai bulude digi ugwadu bidibao. Tiali, ena te augwa digi augwa aiyaba elaluama bidiyu, te augwa yali dwai sęde homu dene ebo we bidi dali bidibao. Te eno augwa haliga dąų waliyu, te augwa bidibo ula te wiegi yai ma pedalumainu ebo dao.

Godigo Nogi Ugwaba Sabo Tęąbi Po Wabo Buku Dabe 107:15

Tialima, augwa te usu da mu te Genuai Bidi wao. Sesemane sogo agai augwali homu dene mu elama, tama agai wiegi yai sę mu eyu, augwali tau salio.

Godigo Nogi Ugwaba Sabo Tęąbi Po Wabo Buku Dabe 54:6

Genuai Bidi, eno te nageba ofa maiyabo homu wei ebao. Nage te wiegi yai mu da, tama tiyu, eno nageba gedu haluasa pode usu da mu obao.

Godigo Nogi Ugwaba Sabo Tęąbi Po Wabo Buku Dabe 92:8

Magi baso meni, Genuai Bidi, naga digi te sesemane king bidada peyu, bidada paibao.

Godigo Nogi Ugwaba Sabo Tęąbi Po Wabo Buku Dabe 50:23

Te enaba usu da weyu, gedu haluasa po weyu, te enaba ofa mabo tiwai ebo bidi, agai te eno nogi ugwaba sobao. Tama eno te po wali pabo bidi dabe te eno ma dobola saibao,” po wai.

Godigo Nogi Ugwaba Sabo Tęąbi Po Wabo Buku Dabe 82:6

Eno te po wali, ‘Dage tigidali deli deli te god dao. Dage te Ugwanu Mu Bidibo Godigo wai dao.’

Hibru 13:15

Tama tibaso, Jisasgo nogide Godibolo wiegi yai homu pemene elama, tama dago te aga nogi ugwaba sabo kolesaga te sesemane sogo agabolo mayu, te ofa tiwai yao. Awe, dago pedauwaligo aga dago Genuai Bidi dao te po wabogo dago Godibolo dena ofa tiwai mabo dao.

Hibru 4:9

Tiali goli dago koneani, te toma nabo sogo te me elalubao. Te Godigo tigidali nai nigila silama, tama aga toma nani sogo, te tiwai tama te toma nabo sogo asobo te Godigo we bidi augwali tonalubo dao.