Godigo Nogi Ugwaba Sabo Tęąbi Po Wabo Buku Dabe 91:4 - Godigo dwagi yai po buku

⁴ Te agai nage bugagia mesegalu, te kakarukgo aga wai dabe te bogogo mesega sabo tiwai yaibao. Nage te bugagia Genuai Bidigo bogo dologode dualaluaibao, tama agai nage tonalubao. Agai nage tonaluabo po te tibo po me wagobeo. Tama tiyu, nage Genuai Bidi dali bidiyu, te bidi aga te hwįbo sabelede duala sabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 91:4 Referans Kwoze

Godigo Nogi Ugwaba Sabo Tęąbi Po Wabo Buku Dabe 61:4

Eno homugo te godolo mu eyu, ena te nago bede bididubadi, te ena isibo sogoba usu nabo homu ebao. Tama ena nage pąde bugagia bidiyu, te kakaruk wai te aga idago bogo dologode bugagia bidibo tiwai gilama yaibao.

Godigo Nogi Ugwaba Sabo Tęąbi Po Wabo Buku Dabe 57:1

God, nago te homu dene eyu, tau sabo kolesaga enaba yao. Magi baso meni, nago ena tonalumainu eyu, ena nageba asobao. Ena nage dali bidibaso, te ena bugagia bidibao, te ba kakaruk wai dabe te aga idago bogo dologode bugagia geme dualalubo tiwai gilama ebao. Ena te tiwai tama bididu, te ena dolainu yali nai tigidali silibo sogoba usu nigi paibao.

Godigo Nogi Ugwaba Sabo Tęąbi Po Wabo Buku Dabe 17:8

Ena tonaluao, nago naga gedu tonalubo tiwai ena tonaluao. Ena nago bugagia mu dualao, te ba kakaruk aga wai dabe bogogo mesega sabo tiwai ilama yao.

Bomai Po 32:11

Godigo Israel dabe bugagia tau selama, tama te Israel dabe augwali me dolobeo, te ba kemodagego aga wai bola pomainu ola mabo tiwai yali. Tama te ba gǫų tulaluainu ebode, te kimi ba aga dologo badu polo pelama, tama aga bogogo sabua sabo dao, tama te ba gǫų dolobo menio.

Godigo Nogi Ugwaba Sabo Tęąbi Po Wabo Buku Dabe 35:2

Nago te hwįbo doado bage, me te sabele dali selama, tama nago ena tau sagasao.

Tigidali Nai Gagalama Nigali Side 15:1

Nosali Abramgo na tiwai ebaso, tama Yawego agabolo te tiwai po wai, “Abram, nage wi munu me elamuo,” wali. “Eno nage te auwago bugagia mu seselalubo tiwai gilama ebao. Eno nage dali dwagi yai sę eyu, tama nage te genuai nogi elalubo bidi pedalumainu iliyu yaibao,” te po wai.

Matyu 23:37

“Jerusalem, Jerusalem, nago te Godigo tagala palali bidi profet dabe augwali ela munama, tama nago te Godigo nageba tagala palali sę bidi masigi sąnama, augwali me ela muanio. Hauwa sogo mu eno nago we bidi sisinainogo ebadi, te so ba kakarukgo te aga wai dabe augwali te bogo dologoba sisinibo tiwai, tiali goli dagego hagela yai dao.

Rutgo Po Elalubo Buku 2:12

Nage te God, te da Israel hanigo Genuai Bidiba asalio, te agai nage bugagia tonalumainu yaibao. Agai te nago wiegi yai kolesaga tigidali ebo suali, tama eno homugo agai te wiegi yai kolesaga nagebolo wei ponemainu ebao, tama agai te kolesaga me mu nagebolo wei ponono pidubadi gemainu yaibao,” agai te po wai.

Taitus 1:2

Tama te mu po page e dao: God agai tibo po munu me wabo meni, tama polobadu mu agai tigidali nai nigisiąbadi tama agai te sesemane sogo bidada pabo bidibo ula dabolo mawaibao te po agai olama tama dąų wali. Tama tibaso, megi dago te mu po odolama, tama dwagi yai homu eyu, te bidabo ula sabo sogo tonaluyu bidibo dao.

Dwagi Yai Gesi Po Makgo Asęani 13:31

Te dagalu de tǫ dali si da, te mu sia saibao, tiali goli eno po da, te munu me hagayu, te sia siyu me egobeo. Te me elalua paibao,” agai te po wai.

Godigo Nogi Ugwaba Sabo Tęąbi Po Wabo Buku Dabe 138:2

Eno te nago tedali wiegi yai tempel bego gedude kidu sugunama, tama nago nogi ugwaba sobao. Magi baso meni, nago ena sesemane sogo godolo mu elama, tama nago ena bugagia tonalubo dao. Nago dabolo ola manio, nage dali, te nago po dali, te mu polalubo dao.