Godigo Nogi Ugwaba Sabo Tęąbi Po Wabo Buku Dabe 91:13 - Godigo dwagi yai po buku

¹³ Te nago laion me hasamani agayu, tama te gesi ogwa bidi laion, me genuai hasamani dwai mu me agayu, yaibao.

Godigo Nogi Ugwaba Sabo Tęąbi Po Wabo Buku Dabe 91:13 Referans Kwoze

Dwagi Yai Gesi Po Lukgo Asęani 10:19

Edao. Eno dagebolo bomo mawai dao, dagego te Boi Bidigo bomo mu aiyaba elalumainu. Te hwą dabe me, te bidi gąų kelebo hasamani me, sągągo agabaso da, te dage gąų kelebaso da, dene isąwai, te tiwai dagego te Boi Bidi Satan aiyaba elaluaibao. Agai bomo tigidali tego dage aiyaba elalugobeo. Augwaligo dagebolo magi sę me elama, dene mugobeo.

Daniel 6:22

Godigo te aga mobo bidi ensel tagala palama, tama te laion dabe pedauwali paniama, tama augwaligo ena me dolobeo. Agai koneani, eno magi dwai sę me isiąwai, tama eno dwai kolesaga nageba me ebeo. Tama tibaso, agai ena tonalubo dao,” Danielgo te po wali.

Dwagi Yai Gesi Po Makgo Asęani 16:18

Te augwaligo augwa nogo te bidi gąų kelebo dwai hasamaniba mubaso, ma te konesiąbadi augwaligo te bidi isibo nai tubaso da, teda te hasamanigo me te isibo naigo me augwali dologobeo. Tama augwaligo nogo te gasi sai we bidiba mubo si da, tama te gasi sai bidi dabe usu ma yaibao,” Jisasgo te po wai.

1 Samuel 17:37

Genuai Bidigo ena tau sobaso, tama tiyu te laion me beago te ena me dolobeo. Tama megi me, agai ena tau siyu, tama te Filistia bidigo ena me ela mugobeo,” wali. Tialima, Solgo agabolo te po wai, “Wiegi yai da, nage pagameo. Tama eno homugo Genuai Bidi nage dali bidimainao,” wali.

Polgo Si Wali Pas Timotiba Asęani - 2TI 4:17

Tiali goli Genuai Bidi aga ena dali bidaluyu, tama enabolo bomo mani. Eno te Godigo po sese pusubo te usu mu emainu, tama te agai po odisąwai hani tigidali augwaligo odomainogo eyu, agai bomo enabolo mani. Tama augwali te bidi ela tubo dwai hasa laion tiwai bidiyu, tama augwaligo ena ela muidali weyu Godigo ena tau selama dwagi yai madiba muanio.

Polgo Po Pas Rom Dabeba Asęani 16:20

Tama tiyu da, teda God da, aga te wiegi yai homu nagame ebo page bidi, dwasianu sogo tama silama, tama agai te Satan dagego sągą dologoba munama agawaibao. Te eno homugo te dago Genuai Bidi Jisas Kraisgo da olo mu tau sali wiegi yai kolesaga dage dali bidao.

Aisaia 27:1

Te sogo te Genuai Bidigo agai genuai bomo olamayu, te Leviatan, te tamu węde bulu hwą bidigula mane elaibao. Genuai Bidi agai aga poa pai genuaiboma pai ge hwą selama, tama te bulu hwą bidi gula, tegagela bilibo gula mane toga sąwaibao.

Kraisgo Geme Dualali Sę Pedelabo Po Jonbolo Ola Mani 12:9

Tama Godigo ensel mobo bidi augwaligo te genuai hasamani e tǫba sąwai dao. Te hasamani aga te polobadu digi bidai, tama augwaligo te hasamani aga nogi “Te Bidigo Tigidali Bidi Kisiliyu Po Tų Ela Mabo Dao,” gasa nogi me Satan poai. Agai tigidali tǫde we bidi ili po ola mabo bidi dao. Augwaligo aga e tǫba tula palai, tama augwaligo aga dwai ensel mobo bidi dabe dali hodobo e tǫba tula palai dao.

Godigo Nogi Ugwaba Sabo Tęąbi Po Wabo Buku Dabe 58:4

Te augwaligo wabo po te bidi gąų kelebo hasamanigo kelede elalubo te bidi isibo nabi tiwai dao. Augwa olo pania siyu yali, te hasamanigo ebo tiwai, te aga olo pania selama, te aga po te me odobeo.

Polgo Po Pas Rom Dabeba Asęani 3:13

Te ma dala muai gų pagede polobadu pubulali tigi dwai dwai kugumini ebo tiwai, te bidi dabe augwaligo pedauwaligo wabo po te dwai mu dao. Augwaligo tibo po hauwa wabo dao. Augwaligo te bidi dolobo haniani po hauwa weyu, te dwai hasamanigo te bidi ela mubo tiwai ebo dao.

Jopgo Po Asęani Elalubo Buku 5:23

Te nago gide tǫ elebo si, te gide masigi du me sugobeo. Tama te bulu hasa dabe nage dali bugagia bidaibao.