Godigo Nogi Ugwaba Sabo Tęąbi Po Wabo Buku Dabe 9:20 - Godigo dwagi yai po buku

²⁰ Genuai Bidi, nago augwali dwai wi ilao. Nago te we bidi dabe augwali gę nomainu ilao, augwali te osogo bidibo tiwai konemainu ilao.

Godigo Nogi Ugwaba Sabo Tęąbi Po Wabo Buku Dabe 9:20 Referans Kwoze

Aisaia 31:3

Tiali goli, te Isip dabe, augwali te god menio. Augwali te olo bidi dabe dao. Me augwaligo hos dabe me te hos mu naga dao, te tigi mi dali, dili dali elalubao. Tama te Genuai Bidi agai bomo ola mabo si da, teda te bomai bulu tulaluaibao, tama me te agai tau sali da, te bulu dabe me tulaluaibao. Tama si dali si tama, mu tama dolaibao.

Godigo Nogi Ugwaba Sabo Tęąbi Po Wabo Buku Dabe 62:9

Te we bidi da, augwali e tiwai dao. Te olo we bidi dabe te pedauwalide olo mobo pedalubo tiwai te ebao. Tama te genuai namba elalubo bidi dabe augwali me, te olo nai tiwai naga yai. Te augwali dago dagalobaso da, teda augwali te sęgę mu elalusiąbo te dago me suaibao. Te augwaligo sęgę te pedauwalidu pedalubo mobogo sęgę dali usu egobeo.

Jeremaia 32:40

Te eno gesi noma dąų wabo bomo yai po te augwaliba yaibao. Tama te dąų wali bomo yai po sesemane elalueibao. Eno te augwali wiegi yai bugagia ilibo kolesaga me tagalogobe po dąų walaibao. Te eno wiegi yai homu kolesaga augwaliba menama, te augwali ena dologode bidiyu, te augwaligo ena munu ma tagalogobeo.

Godigo Nogi Ugwaba Sabo Tęąbi Po Wabo Buku Dabe 76:12

Agai te hagoma ebo king dabe te aiyaba elalueibao. Agai te tǫde king dabe te wi mu ilibo dao.

Esekiel 30:13

“Ena Genuai Bidi eno po genina ma weyu, te po wali. Te eno te taun Memfis te Isip bulude te tibo god dabe piksa noma sese tama mu silaibao. Te eno Isip dabego king sela sąnama, tama Isip dabego king meni emainu yaibao. Tama eno te Isip dabe augwali wi dwai mu emainu ilaibao.

Esekiel 28:9

Te augwaligo nage elainogo ebode nago augwalibolo po weyu, ‘Te ena god me da,’ nago te po waiba homu eba, agawe? Mu menio. Te nago koneaibao, nage olo bidi yabo homu yaibao. Tama nage te gasa tǫ kantridu asali bidi dabego nogode elalubadi, nage god menio homu yaibao.

Bomai Po 2:25

Megi tama, eno te tigidali bulu bidi dabe dagede wi emainogo ilaibao. Tialima, augwaligo dagego nogi odobo si da, teda augwali wi elama, didibili yaibao,’ Genuai Bidigo te po wali,” Mosesgo te po wai.

Ma Dobola Sali 23:27

“Tama ena dage pabo digi polasa peyu, tama eno te boi bidi dabe augwaliba wi genuai ilama, tama eno augwali homu didibili ilaibao. Tama eno augwali dagede wi ilama pomainogo yaibao.

Esekiel 28:2

“Tǫde bidi, eno homugo nago Tair kingbolo ena God Genuai Bidigo eno po aga dali pusainogo ebo po pusigi pao. Eno po e dao. Tair king bidi, nago naga nogi ugwaba siyu, te po wali, nage god me deli dao, wali. Tama nago bulu te god dabego bulu yali gilama tamu ąį tomode elalubao. Mu tama, nago te po wali, tiali goli, nage god menio, nage olo bidi dao.

Ma Dobola Sali 15:16

Genuai Bidi, nago genuai bomo augwaligo sulama, tama genuai wigo augwali mesegelama, tama augwaligo magi sę me deli yabo usugobeo. Augwali te ni tigi tiwai, olo naga dolalubadi, tama naga we bidi da ela soala silibo usu yaibao. Genuai Bidi, nago da Isipde ma sela asaligo tama da olo bugagia bidaibao.

Tuni Bidi Dabego Po Elalubo Buku Si 14:10

Augwali polo sabolagasai madi, king Asa aga ami bidi dabe dali hogodama, augwali hwįainu pali. Te Juda dabe augwali te taun Maresa pąba saboligi pali, tama augwaligo te Serago ami bidi dabe augwaligo te odogo malu bulu te augwali nogi Sefata wabo bulude suali. Tama te ami bidi hani si tama dolaluyu boi hwįabo kegaluali.

Godigo Nogi Ugwaba Sabo Tęąbi Po Wabo Buku Dabe 3:8

Genuai Bidi, nago deligo naga te da ma siyu, tama da me dolisiąbo da. Eno homugo nago te naga we bidi dabe wiegi yai bugagia bidimainu ilao.