Godigo Nogi Ugwaba Sabo Tęąbi Po Wabo Buku Dabe 9:14 - Godigo dwagi yai po buku

¹⁴ Tama tiyu, eno te nago yali sę po tigidali weyu, tama eno nago nogi ugwaba saibao. Ena te Saion hanu sunumide dolalu, tama te nago ena ma sali po weyu, te wiegi yai homu pemene yaibao.

Godigo Nogi Ugwaba Sabo Tęąbi Po Wabo Buku Dabe 9:14 Referans Kwoze

Godigo Nogi Ugwaba Sabo Tęąbi Po Wabo Buku Dabe 13:5

Tiali goli, ena da, eno te nago ena sesemane godolo ebo kolesagade eno homugo dąų walai dao. Tama eno wiegi yai homu pemene nageba ebao, magi baso meni, te nago ena tau saibao.

Godigo Nogi Ugwaba Sabo Tęąbi Po Wabo Buku Dabe 106:2

Dego te agai genuai sę dabe yali po pusaibawe? Tama dego agai te wiegi yai kolesaga yalide te agai nogi ugwaba saibawe?

Godigo Nogi Ugwaba Sabo Tęąbi Po Wabo Buku Dabe 51:12

Polobadu nago ena ma sobaso, te ena dwagi yai homu yai, nage dali. Tama megi eno te homu yai, nago ena te dwagi yai homu kolesaga enabolo ma mao. Nago eno homu kolesaga hodolama, tama nago po eno wali paibao. Eno tama homu kolesaga emainogo nago ena dąų walagameo.

Godigo Nogi Ugwaba Sabo Tęąbi Po Wabo Buku Dabe 35:9

Genuai Bidigo te tama tibaso, tama te eno wiegi yai homu pemene agaba yaibao. Te agai ena tau sobaso, te eno bugai homu agaba yaibao.

Godigo Nogi Ugwaba Sabo Tęąbi Po Wabo Buku Dabe 20:5

Tama nosali nago te hwįani aiyaba elalubaso da, teda dago nago te yalide wiegi yai homu pemene eyu, bomonama i waibao. Tama dago te homu koneama, tama dili buduama, tama dago dobuali balia po weyu, dena Godigo nogi ugwaba saibao. Dago homugo te Genuai Bidigo nago te gedu haluasa po wabo po tigidali odaibao. Te kingo te po wei ponani po wali.

Aisaia 37:22

Tama tialima, megi da, agai te Senakerip dali po elalubao, te Asiria king dao. Genuai Bidigo te tiwai po wali, ‘Senakerip, te Saion bulu dude bidibo we bidigo nageba gisugu mabo dwai mu eyu, tama te Jerusalem bagego nageba posobo dwai weyu, te nage begela dolobo dao.

Godigo Nogi Ugwaba Sabo Tęąbi Po Wabo Buku Dabe 21:1

Genuai Bidi, nago te kingba bomo mobaso, te agai wiegi yai homu pemene yai. Te nago agai te hwįbode augwali aiyaba elalumainu yali sęde te agai homu pemene wiegi yai mu ebao.

1 Samuel 2:1

Tama Hanago God dali te tiwai po wai, “Genuai Bidi, nago ena wiegi yai homu pemene umabo emainu ilali. Tama nago te genuai nogi enabolo mani, te eno homu wiegi yai pemene mu ebao. Tama eno te ena boi bidi dabede te gisugu dwai mu mobao. God, nago ena tau sali, tama eno haliga bugagia mu ebao.

Dwagi Yai Gesi Po Lukgo Asęani 1:47

Tama eno nomago ena tau sabo Godibolo bugai homu mu ebao. Te ena agai sę ebo we da.

Habakuk 3:18

teda te sęgę tigidali pedalali goli, te tagalao, te eno Genuai Bidide wiegi yai homu pemene elama, bugai haliga yaibao. Magi baso meni, Genuai Bidi aga te God da, tama aga da, te ena ma dobola sabo bidi dao.

Maika 4:13

Genuai Bidigo te po wali, “Dage Jerusalem we bidi dabe, dage pelama, te duga boi bidi dabeba dwai dene magi piąo. Te eno dage te bulmakau me deligo te gąų ain, me sągą bras te bomo elalubo tiwai pedalumainu ilaibao,” wali. “Tialima, dagego te we bidi hani hauwa agamainu yaibao. Te boi bidi dabego te hwįyu sali tigidali nai doado bage, te dagego selama, enaba mawaibao, te tigidali tǫde Genuai Bidi dao,” te po wai.

Aisaia 62:11

Nage Jerusalem, nago te tiwai koneao, Genuai Bidigo te tigidali tǫde we bidiba weyu, nageba te po pusumainogo yali, “Saion, suao. Te nago we bidi dabe ma sabo bidi, aga asobao. Suao. Te agai aga we bidi dabe odasa asu, te aga te boi hwįnama, te wiegi yai nai sali tiwai yali dao,” te po wao.

Aisaia 12:3

Tǫ dedagede wę sia sabo menio. Agai te wę te nai dabebolo mabo dao. Tama augwali bugagia bidibo dao. Genuai Bidi te sia sisąbo wę tiwai dao. Tigidali sogo agai dage tau sabode dage bugagia dąų olama, bidimainu ebo dao. Tama tibaso, dage agaba wiegi yai homu dali pelama, tama Genuai Bidibolo dage tau somainu hanalugi paibao.

Godigo Nogi Ugwaba Sabo Tęąbi Po Wabo Buku Dabe 79:13

Nago te tama tibaso da, teda da naga we bidi dabe, da te nago sipsip wai tiwai yaibao, teda dago nageba te usu da weyu, gedu haluasa po sesemane sesemane sogo waibao. Tama te nosali nosali pedalubo wąį nǫų dabego, teda augwaligo me te nago nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 51:15

Genuai Bidi, nago ena tau siyu, mu po dolo hanilama, enabolo wao, tama eno nago nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 42:4

Eno te polobadu wiegi yai homu elaluali sogo homu kone palama, tama eno haliga sęgę mu yali. Polobadu ena te hauwa we bidi dali bilali, tama ena poligi pelama, tama augwali te Godigo beba odasa pai. Da pelayu, tama wiegi yai pemene ebo i me wali, tama Godiba usu da wabo tęąbi po wali. Te sogo da tigidali te olo bidibo side sisinani.

Godigo Nogi Ugwaba Sabo Tęąbi Po Wabo Buku Dabe 35:18

Te nago tama tibaso da, te eno nageba usu da wabo po te hauwa we bidi sisinibo tomode te po waibao. Mu tama, te eno nago nogi te genuai hani we bidi tomode ugwaba saibao.

Godigo Nogi Ugwaba Sabo Tęąbi Po Wabo Buku Dabe 22:25

Te lotu wainu sisinibo genuai pesagede te eno nago nogi deli naga ugwaba saibao, te nago ebo sę tigidalide te tama tiaibao. Te polobadu eno yaibao po dąų wali ofa, te eno te nagede wi ebo we bidi gedude yaibao wali.

Godigo Nogi Ugwaba Sabo Tęąbi Po Wabo Buku Dabe 22:22

Nago tama tiwai ebaso da, teda eno te ena hani bidi dabebolo nago yali sę po pusaibao. Augwali te lotu weyu, deliba sisinibo side, tama eno nago nogi te augwali tomode ugwaba saibao.

Ma Dobola Sali 3:7

Tama Genuai Bidigo aga dali te po wali, “Eno suali, augwaligo eno we bidi Isip bulude mu dolobao. Tama eno we bidi augwali ena i wabo sę ebao, te augwali dwai tonalubo bidigo nogode ma somainogo yai. Eno te i wabo odoyu, tama eno mu koneani, te augwali dene me te sęgę mu sabo dao.

Ma Dobola Sali 3:9

Mu tama, eno te Israel hani we bidigo gela odolama, eno suali, te Isip dabe augwaligo dwai kolesaga mu augwali dali ebo dao.

Godigo Nogi Ugwaba Sabo Tęąbi Po Wabo Buku Dabe 6:3

Eno haligade genuai sęgę mu elalubao. Tiali goli, God, nago magi ebawe? Nisu naga sogo enade te haliga sęgę elalu bidimainuwe?

Godigo Nogi Ugwaba Sabo Tęąbi Po Wabo Buku Dabe 75:9

Tiali goli, eno te Jekopgo God po te sesemane hanilama pusaibao, tama eno agai nogide te tęąbi umabo mu udubadi geaibao.