Godigo Nogi Ugwaba Sabo Tęąbi Po Wabo Buku Dabe 89:5 - Godigo dwagi yai po buku5 Genuai Bidi, te ensel dabego te nago ebo wiegi yai sę dabe balia po wabo dao, tama augwaligo te nago nogi ugwaba sabo dao. Me te dagalude konealubo homu dąų wai mobo bidi dabego te nageba balia po weyu, tama nago po wali mu pabo dao. Gade chapit la |
Dagalu, nage wiegi yai pemene elama, i wao, tama te tǫ dologode aiyadu elalubo nai dabe, dagego i waiąo. Dage bulu du dabe me, dage te genuai ni silide elalubo tigidali ni dabe, dagego wiegi yai pemene elama, i wao. Tigidali nai i wao, magi baso meni, Genuai Bidigo bomo me genuai nogi te dage Israel dabe ma sali sogo ola mawai dao.
Augwaligo te po hanalu wali digi, tama God agai augwalibolo waselama, tama augwaligo koneai, augwaligo po pusubo sęgo augwa digi tau sabo sę meni, te dage nosali bidabo we bidi tau sabo sę dao. Tama augwaligo te sę eyu, augwaligo te polobadu sogo mu pusali po dagego tamadi odali. God agai aga Tedali Mobo Bidi aba tagala palama, tama agai gasa bidi dabe tau siyu, augwaligo Godigo dwagi yai po dagebolo pusagasai. Tama te sęde te Godigo dagalude sę ebo ensel bidi dabe augwaligo bomo eyu, te sę page kuna koneaio homu ebo dao.
Tama agai dagego megi te tolobo sęgę sela sąnama, tama dage da dali olo bidiyu, toma tuabo sogo menama bidaibao. Agai tebo sogo Genuai Bidi Jisas aga boma pai ensel mobo bidi dabe dali dagalu tagalama, e tǫba asobo te sogo aga moni sia bogoli dali e tǫba asaibao, we bidigo bulu ulade hania sueibao, te aga asobo sogode.
Tama polobadu agai homude yabo sę dualaluai. Tiali goli megi agai te agai po wali pabo we bidibolo haninama ola mani. Te gasa we bidi me augwaligo te Godigo po wali pabo we bidigo pedauwalidu te po odama tama Krais wali peyu tama aga hani bage pedalomainogo eyu, agai aga po haninama ola mani. Tama tebogo augwaligo te Godigo wiegi yai sę ebo kolesaga te dagalude bidibo ensel mobo bidi tobolu bidi dali, te polalubo bidi dabe augwalibolo te wiegi yai ebo kolesaga page waselemainogo yai. Tama te wiegi yai kolesaga page te ensel mobo bidi dabebolo tama waselama, tama augwaligo Godigo haniani sę ebode wiegi yai homu kolesaga mu elalubo te augwaligo hania koneaibao.
Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.