Godigo Nogi Ugwaba Sabo Tęąbi Po Wabo Buku Dabe 86:11 - Godigo dwagi yai po buku

¹¹ Genuai Bidi, eno homugo te nago eno emainu ebo kolesaga te ena bugagia ola mao, tama eno te nago mu po wali sesemane paibao. Te ena bugagia ola mayu, te eno nageba naga konealu, tama eno nago sę sesemane sogo yaibao.

Godigo Nogi Ugwaba Sabo Tęąbi Po Wabo Buku Dabe 86:11 Referans Kwoze

Godigo Nogi Ugwaba Sabo Tęąbi Po Wabo Buku Dabe 5:8

God, te boi bidi hauwago ena dolainu ebao. Tama tiyu, nago eno sągą dodolobaso, teda eno nago doloba pai kolesaga wali paibao. Awe, te nago homugo ena somainu homu ebo sunumi te enaba ola mao.

Godigo Nogi Ugwaba Sabo Tęąbi Po Wabo Buku Dabe 119:33

Genuai Bidi, nago dwagi yai po ena bugagia ola mayu, tama tigidali sogo eno te po wali paio.

Godigo Nogi Ugwaba Sabo Tęąbi Po Wabo Buku Dabe 25:12

Te Genuai Bidigo po wali mu pabo we bidi, te Godigo augwaliba wiegi yai sunumi ola mayu, tama augwali te sunumidu pomainu tebo dao.

Jopgo Po Asęani Elalubo Buku 34:32

‘God, nago eno nago usu niba kadu wasiąbo kolesaga nago enabolo ola mao,’ te po nago agabolo hanalu waliwe? Ma, ‘Eno dwai sę yai baso da, teda eno te kolesaga dabe sese tagalaibao,’ nago te po me waliwe?

Godigo Nogi Ugwaba Sabo Tęąbi Po Wabo Buku Dabe 27:11

Genuai Bidi, te nago enabolo te nago homugo emainu ebo sę ola mao. Nago ena te wiegi yai sunumiba odasa pao. Magi baso meni, eno boi bidi te hauwa elalubao.

Godigo Nogi Ugwaba Sabo Tęąbi Po Wabo Buku Dabe 26:3

Magi baso meni, nago te olo tau sabo wiegi yai kolesaga enaba eyu, tama ena sesemane sogo dodolobo dao, tama nage te ena soabo madi sesemane poligi solama, tama nago ena me tagalubo menio.

2 Jon 1:4

Eno odali, nago wai dabe meba augwaligo Ayago dabolo “Tama tiao” wali po odoyu, tama augwaligo te mu po wali peyu bidibo dao. Tama odolama, eno dwagi yai homu yai.

Godigo Nogi Ugwaba Sabo Tęąbi Po Wabo Buku Dabe 119:73

Nago digi nago ena nigali, tama nago ena bugagia tonalubao. Nago wiegi yai homu kolesaga enaba mao, te eno nago bomo yai po tigidali bugagia konea sabo sę emainogo yao.

Kolosi 3:17

Tama tigidali sogo dagego po obadi ma dagego nogogo sę ebadi, te tigidali ebo kolesaga dagego dago Genuai Bidi Jisasgo nogide yao, tama agai dage dali yali sęde dagego dago Aya Godibolo puba hwi po weyu bidao.

Efesus 4:21

Tama augwaligo dagebolo agade po olama, tama dagego mu odali. Tama dage Jisasde wadolama, tama augwaligo agade mu po dagebolo ola mani dao.

1 Korin 10:21

Dagego te dago Genuai Bidi Kraisgo kap wain wę tuyu, te dwai haubo noma bagede lotu wainogo eyu augwaligo kapde dali si wę tuyu ebo usu me egobeo. Te dagego dena Genuai Bidigo ni nami tebol saide nai tuyu, te dwai haubo noma dabego lotu bede tebol saide nai dali si tuyu ebo te usu me egobeo.

Malakai 2:6

Augwaligo dolo yai kolesaga te we bidi ola mawai. Augwaligo te dwai kolesaga augwali me ola mabeo. Te augwali ena dali bugagia dugulaluali. Augwa te wiegi yai kolesaga wali peyu, te augwaligo gasa we bidi hauwa tau siyu, te augwa dwai kolesaga tudiba muai dao.

1 Korin 6:17

Tiali goli te Genuai Bidi dali kęą sali bidi da, agai homu mobo bidi te aga dali deli elalubo dao.

Godigo Nogi Ugwaba Sabo Tęąbi Po Wabo Buku Dabe 119:30

Eno homugo nage mu wali paibao wai. Sesemane sogo nago dwagi yai po eno homugo konebo dao.

Godigo Sęba Tagala Palai Bidigo Po 2:46

Tama augwali te Moni Lotu Be tempel tede sesemane sogo sisinagasu sisinagasobo da, te deli hani tiwai. Tama augwaligo sesemane sogo wiegi yai homu dali nai tuyu bidali, te augwa be dabede. Tama augwali wiegi yai homu dali nai tubo da.

Sefanaia 1:5

Te eno te we bidi augwali augwa wiegi yai dolaba pai be peduba pelama, tama augwaligo te polua, me giliga, me hǫ dabeba lotu wabo we bidi me dolaibao. Mu tama, we bidi hauwa augwaligo enaba lotu po weyu, e tama po wabo, ‘Mu tamao, dago Genuai Bidi wali pobao,’ po wabo dao. Tiali goli, augwaligo tibo god Molekba lotu wagi peyu, me augwaligo te po ‘Te mu tama,’ po wabo dao, ‘dago god Molek wali pobao,’ po wabo dao. Tialima, eno augwali dolaibao.

Hosea 14:8

Tama te sogo te Israel dabego te tibo godiba lotu munu me wagobeo. Te enaduba deligo naga augwaligo gedu haluasa po wabo odaibao. Te eno augwali bugagia tonalu, tama augwali te ena dologode bidiyu, te bidi te genuai ni wuli dologo tiwąi madi te giliga nanu posolo ebaso bidibo tiwai yaibao. Ena digi ena te tigidali wiegi yai nai augwaligo sabo page bidi dao,” God Genuai Bidigo te po wai.

2 Korin 11:3

Tiali goli ena wi ebao. Dago koneani, te dwai hasamani tiwai bidibo bidi Satan agai tibo po wabo mu koneani homu elama, tama polobadu agai te we Iv dago auwa tibo po ola menama tama aga tulaluali. Te dagego tiwai me dage, te dageba tamadi asali bagego po odolama, te tiwai kolesaga dageba pedalobuo. Tiyu, dagego homu mu eyu Krais dali naga wadolama tama wali pabo wiegi yai kolesaga tagalidali homu eno ebao. Ena tede wi ebo dao.

Hosea 10:2

Augwali te tibo po naga wabo bidi tiwai yali, tialima megi da, te augwa yali dwai sęde te dwai dene saibao. Godigo te augwaligo alta ela besela sąnama, tama agai te augwaligo bulu hǫą bidi noma nigali pos ni te dolaibao.