Godigo Nogi Ugwaba Sabo Tęąbi Po Wabo Buku Dabe 83:4 - Godigo dwagi yai po buku

⁴ Augwa te po wai, “Ae, tegobao. Dago te Israel dabe mu silinao, teda te we bidi dabego te augwaliba homu kone munu me ma egobeo,” wali.

Godigo Nogi Ugwaba Sabo Tęąbi Po Wabo Buku Dabe 83:4 Referans Kwoze

Jeremaia 11:19

Hasia eno te sę yabo konesiąwai. Ena te sipsip wai me deli tiwai te bidi dabego selasa pelama, ena eligi pabo tiwai yaibao. Te bidi dabego te tiwai po mia salio, ‘Tegobao, dago megi tama ela muinao, te bidigo te ni du walobadi togobo tiwai yaibao. Dago aga mu silama, te bidi dabego aga homu kone ma egobeo.’ Augwaligo tama po wali,

Jeremaia 48:2

Te Moapgo genuai nogi elaluali, te tulaluaibao. Te boi bidi dabe te taun Hesbonba sabolama, te augwa Moap dolabo kolesaga yabo po miaibao. Augwa te tiwai po waibao, ‘Te bageo, dago te we bidi hani mu siligi paibao, tama te kantri Moap munu ma elalugobe dao,’ waibao.” “Dage te taun Matmen we bidi tigidali, te boi bidi dabego dage dolama, tama dage tigidali te gų pageba paibao.

Godigo Nogi Ugwaba Sabo Tęąbi Po Wabo Buku Dabe 74:8

Augwaligo te da mu dolabo homu yalio. Tama tialima, augwaligo te Godigo lotu be tigidali dago tǫde elalubo, te siago ulai.

Daniel 7:25

Tama agai te Ugwadu Mu Bidibo Godiba po dwai mu olama, tama aga we bidi dabe aiyaba elalueibao. Tama agai te lotu pode bomai po hasegeliyu, te genuai side wabo te hasegelaibao. Tama agai te Godigo we bidi tonaludubadi, te kibu be sela olama, te kibu be me badu pedaiba usu nigi paibao,” wai.

Ma Dobola Sali 1:10

Tama wąbi hwįbaso da, te augwaligo dago boi bidi dali taluama, da dali hwįyu, tama dago bulu tagalama, augwali wi paibao. Tama dago augwali hani hauwa pedalidali weyu, dąų wabo tų gegegaibao,” te Isip gavman polasa tuni bidi agai te po wai.

Jeremaia 31:36

“Ena Genuai Bidigo, eno po dolo obao, te Israel hani dabe sesemane bidada paibao, te giliga, me polua, me hǫ dabe elalubo tiwai yaibao. Tama te giliga, me polua, me hǫ dabe, te augwaligo eno augwaliba mani sę isąbaso da, teda te sogo naga te Israel hani dabe sia sigi dao.

Bugagia Bidibo Kolesagade Po Asęai Buku 1:12

Te dago te polo tama mu pedalu, te augwali ela muaibao, te isibo te bidi dabeba polo tama pedelama, tama augwali te isali bidi dabego pesageba pabo tiwai ebo dao.

Godigo Sęba Tagala Palai Bidigo Po 4:17

Tiali goli, te po tigidali we bidi dabebolo pususu bilidali weyu, dago te bidi sibolo te po bomai mu wainao, ‘Dage sigo Jisasgo nogi munu ma pususu pigimio, we bidibolo,’ te tiwai po augwalibolo wainao,” augwaligo te po wai.

Josua 9:2

Augwaligo te sę ebo po odama, tama augwali sisinama, te Josua dali me te Israel dabe dali hwįainogo yai.

Nehemia 4:2

te aga hai namu dabego gedude te po weyu, tama te Samaria ami bidi dabe gedude me wai. Agai te tama po wai, “Te bomo isąwai dwai hobedagi yai bidi hani te Judago mena sę yainogo ebawe? Augwaligo homugo te augwaligo te taun bagulabo obo ma geselaiba homu eyu eba, agawe? Te augwaligo homugo te Godiba ofa ebogo te be sę ebo te deli sogo naga silaiba homu eyu eba, agawe? Augwaligo te homu eyu, te augwaligo te tomode kakali tibi holali te siago ulali masigi dabe selama te obo banis nigibaso te wiegi yai yaiba weyu eba, agawe?” te po wali.

Esekiel 38:10

“E po me pusao, ‘Ena God Genuai Bidi eno te po obao. Gok, te nago augwali dali hwįgi pabo sogo da, teda homu hogodama, tama augwaligo nai nai dabe sabo homu mu yaibao.