Godigo Nogi Ugwaba Sabo Tęąbi Po Wabo Buku Dabe 83:13 - Godigo dwagi yai po buku

¹³ Eno God, nago augwali te tǫ hogomu tiwai sela sąyu, tedela palao. Augwali sela sąyao, te waligo te wit bo sela sąyu, tedela palubo tiwai yao.

Godigo Nogi Ugwaba Sabo Tęąbi Po Wabo Buku Dabe 83:13 Referans Kwoze

Godigo Nogi Ugwaba Sabo Tęąbi Po Wabo Buku Dabe 35:5

Genuai Bidi, nago enselgo te dwai bidi dabe sela sąmainu ilao, te waligo te nosa kakali sela sąbo tiwai yao.

Jopgo Po Asęani Elalubo Buku 21:18

Eno suali, Godigo hauwa sogo augwali te bomai waligo sasi nosai sela sąbo ąǫ ebo menio.

Jeremaia 13:24

Jerusalem, te eno nago we bidi dabe sela sąwaibao, te waligo te wa pai pesage taga soyu, te witgo hogomu sela sąyagasobo tiwai yaibao.

Aisaia 40:24

Augwali te plaua dabe te bidigo tamadi tama bulama, te augwa sele aiyaba dulusiąwai tiwai elalubao. Te Genuai Bidigo bomai posolai wali tagala palobo sogo, augwali te deli sogo polo tama sasia pelama, te baguasa pabo waligo augwali te hogomu sela pabo tiwai ebo dao.

Jopgo Po Asęani Elalubo Buku 13:25

Ena da, olo ni yabe dali, olo nosai sasi isila pabo tiwai dao, te waligo subigila sąsąbo tiwai dao. Tama tibaso, nago ena magi baso wi ilama, magi baso dene ilama, tagalobawe?

Matyu 3:12

Te nai dagalobo bidi tiwai agai aga savol te aga nogode tolalubao, tama agai te tubo nai wit ge dagalobo sę emainogo ebao. Tama agai te wit hogomu te tigidali sela sąwaibao. Tama agai te wiegi yai wit ge naga aga wit ge muabo beba sisinaibao. Tiali goli agai te dwai wit hogomu te isisąbo siaba ulaibao,” Jongo te po wai.

Aisaia 41:2

Dego mu te giliga pedalubo badu king hodolama, te aga pabo usu nama, tigidali habu badu te hwįbode aga ugwanu igulumainu yaliwe? Tama dego te bulu tǫ kantri aga nogoba munama, te agai te gasa king dabe aiyaba elalumainu ilaliwe? Te agai bainatgo me enesigi ene sesemonego te augwali mu silama, te augwali tǫ hogomu tiwai pedelali, te pobele bage waligo sela pabo tiwai yai dao.

Godigo Nogi Ugwaba Sabo Tęąbi Po Wabo Buku Dabe 44:4

Nage eno king me eno God dao. Nago po obaso, tama te Jekopgo hanigo te boi hwįbode te boi bidi dabe aiyaba elalubo dao.

Godigo Nogi Ugwaba Sabo Tęąbi Po Wabo Buku Dabe 22:1

Eno God, eno God, magi baso nago ena tagaluwe? Magi baso nago ena tau sisąma ebawe? Magi baso eno gela wabo nago odobewe?

Ma Dobola Sali 15:7

Te nago genuai bomogo digi nago naga boi bidi augwali aiyaba elaluai. Nago sębę te sia tiwai pedaliyu, tama augwali te wa pai nosa tiwai siago ulai.

Esekiel 35:10

“‘Dage Idom dabe, dagego ena God Genuai Bidi eno te kantri si Israel de Judade bidiba homu me yai menio, te augwali eno we bidi dao. Megi da, dagego te po wali dao, dagego augwali hani sigo tǫ saibao po te wali dao.

Esekiel 36:2

Ena God Genuai Bidi, eno e tama po wainu ebao. Te Israel dabe augwaligo boi bidi dabego e tama po wai dao, ‘Wiegi yai mu dao. Megi da, te genuai bulu du dabe dago bulu du dao,’ wai.”