Godigo Nogi Ugwaba Sabo Tęąbi Po Wabo Buku Dabe 81:9 - Godigo dwagi yai po buku

⁹ Dagego te gasa hani dabego tibo god wali me pigio. Tama dagego gasa godiba lotu me wagimio. Dagego ena deliba naga lotu waiyąo.

Godigo Nogi Ugwaba Sabo Tęąbi Po Wabo Buku Dabe 81:9 Referans Kwoze

Aisaia 43:12

Eno naga enade po hanilama weyu, eno dage ma dobola saibao, te eno dage ma saibao po wali gilama yaibao. Te dage eno po odolama, pusubo bage elalubao, tama dagego e po pusaibao, te ena deli naga ena God, Genuai Bidi dao.

Bomai Po 32:12

God deligo tama aga we bidi sunumi ola mabo dao. Tama augwali gasa bulu tǫde tibo godigo augwali me tau sabeo.”

Bomai Po 6:14

Dagego te dage pąde bidalubo te we bidi dabego tibo godiba lotu po me olamuo.

Malakai 2:11

Polobadu te Juda dabe me Israelgo te Godiba po dąų weyu, te augwaligo agai po wali paibao po wali. Tiali goli, augwaligo te dąų wali po bolalio, tama augwa te dwai sę mu me deli yalio. Te bidi dabego te tibo godiba lotu wabo gasa hani we dabe salio. Tama te tiali kolesagade augwaligo te Genuai Bidigo be meda mu ilalio.

Godigo Nogi Ugwaba Sabo Tęąbi Po Wabo Buku Dabe 44:20

Dago God, te dago nageba homu kone me isiąyu, tama dago te tibo godiba gedu haluasa po obaso da, teda nago koneaibao.

Ma Dobola Sali 15:26

Tama Godigo augwalibolo te po wai, “Dagego eno po bugagia odao, te dagego God Genuai Bidi, tama te sę dabe ena digi te dwagi yai sę da homu ebo, tama dagego eno bomo yai po tigidali wali piąo. Dagego tama tibaso da, teda eno dagebolo te haniani dwai gasi te Isip we bidi augwalibolo yali te tiwai dagebolo me magobeo. Ena digi ena te Genuai Bidi dao. Tama eno naga te dagego gasi dabe usu ma ilibo dao,” wali.

Te Israel me Juda Hani Sigo Tuni Bidigo Po Elalubo Buku Deli 22:19

Tialima, Mikaiago po wadolama weyu, te tama po wai, “Tialima, megi da, eno homu nago olo bugagia munama, odao, te eno nagebolo te Genuai Bidigo enabolo ola mani nai dabede po waibao. Eno suali, te dagalude Genuai Bidi te aga dugulalubo sia saide dugulaluali, te tigidali mobo bidi ensel dabe aga pąde dolalubo suai dao.

Godigo Nogi Ugwaba Sabo Tęąbi Po Wabo Buku Dabe 50:7

Godigo te po wali, “Dage te eno we bidi da, odao. Eno po elalubao. Dage Israel dabe, eno dage po tų ilaibao. Ena naga, ena te God mu da, tama ena te dagego God dao.

Aisaia 28:23

Dagego olo saganama, eno po bugagia odiąo.

Hosea 4:1

Genuai Bidigo te kantri tǫde bidibo we bidi dabeba po kisilama wali. Dage Israel, te Genuai Bidigo po odao. Agai te tama po wai, “Te bulu tǫ kantride bidibo we bidi dabego te mu po wabo kolesaga konesiąma, tama augwa abagi dabe digi te godolo homu me ebeo. Augwaligo te ena augwa Genuai Bidi da homu me isąwai.