Godigo Nogi Ugwaba Sabo Tęąbi Po Wabo Buku Dabe 80:6 - Godigo dwagi yai po buku

⁶ Nago te gasa hani we bidi dabe te da pąba asomainu ilama, te augwaligo dago tǫ sainu hwįbao. Tama te boi bidi dabego dabolo te posobo po weyu, gisugu mayu, ebo dao.

Godigo Nogi Ugwaba Sabo Tęąbi Po Wabo Buku Dabe 80:6 Referans Kwoze

Godigo Nogi Ugwaba Sabo Tęąbi Po Wabo Buku Dabe 79:4

Te da pąde bidalubo we bidi hani dabe, augwa te posobo po weyu, te gisugu weyu, tama te po dwai dabolo wali.

Kraisgo Geme Dualali Sę Pedelabo Po Jonbolo Ola Mani 11:10

Tama tǫde we bidi augwaligo te bidi si isalide augwali wiegi yai homu yaibao, tama augwali tęąbi eyu, nai tuyu, tama wiegi yai nai dabe dobu si yaibao. Magi baso meni. Te Godigo po pusali bidi sigo te tǫde bidibo we bidi tigidali dwai dene mawai dao.

Esekiel 36:4

Tama tialima, dage Israel dabego bulu du dabe, me malu bulu dabe, dagego ena God Genuai Bidigo po odao. Tama me dage dolali taun dabe, me te meba gasa te kantride bulu dabe, dagego me odao, te dage boi bidi dabego dolali bulu dabe, dagego odao.’ Te po pusao,” wali. “‘Eno koneani, te dage pąde elalubo kantri bidi dabego dage dali dwai sę elama, tama dage dali posobo po wai dao.

Jeremaia 48:27

Moap, polobadu nago posobo po olama, te Israelba dwai gisugu mawai Magi yaliwe? Nago homugo Israel te nai wi sabo hani tiwai me deli bidibaso, te nago agaba posobo po weyu, te nago aga nogi aiyaba elaluai da, agawe?

Jeremaia 15:10

Ena Jeremaia, eno te po wai, hobede mu da, magi baso idago ena ame nenama, te eno wado ebo sę, me po konila te tǫ kantri tigidali bidi odubawe? Eno gasa bidide negeli me elalusiąyu, tama te bidi dabego me enaba negeli mawai me elalubeo. Tialima, tigidaligo te po weyu, te Genuai Bidigo ena dolomainao wabo dao.

Aisaia 37:23

Senakerip, nago posobo po weyu, te po dwai weyu, te naga digi naga nogi ugwaba siyu, hagoma po wali sogo, nago homugo te nago de dali yali da homu yaliwe? Nago ena dali tama yalio, te Israelgo God, ena te Wiegi Yai Doloba Pai Kolesaga Ebo God dao.

Aisaia 36:8

“Te eno kingo gasa po elalubao. Hesekia, eno kingo nageba te 2,000 hos mawaibao wali, nago te hosde dugulama, te hwįabo ami bidi te 2,000 elalubaso da, te tama tiaibao. Tiali goli, eno koneani, nagede digi te tobage bidi tama me elalubeo.

Godigo Nogi Ugwaba Sabo Tęąbi Po Wabo Buku Dabe 42:4

Eno te polobadu wiegi yai homu elaluali sogo homu kone palama, tama eno haliga sęgę mu yali. Polobadu ena te hauwa we bidi dali bilali, tama ena poligi pelama, tama augwali te Godigo beba odasa pai. Da pelayu, tama wiegi yai pemene ebo i me wali, tama Godiba usu da wabo tęąbi po wali. Te sogo da tigidali te olo bidibo side sisinani.