Godigo Nogi Ugwaba Sabo Tęąbi Po Wabo Buku Dabe 79:2 - Godigo dwagi yai po buku

² Augwaligo te we bidi dabe ela muyu, tama nago sę bidi dabe me ela tagalali, tama te ba dabe dali, te uni hasa dabe daligo te augwaligo tigi tualio.

Godigo Nogi Ugwaba Sabo Tęąbi Po Wabo Buku Dabe 79:2 Referans Kwoze

Jeremaia 7:33

Te tigi hauwa tǫde olo munalua pobadi, te ba sibigo me hasa sibi aselama, mi tuagasaibao. Tama te ba dabe me hasa dabe aselama tubadi, te sela sąyabo bidi meni yaibao.

Jeremaia 34:20

Te augwali eno te boi bidi dabego nogoba munama, te boi bidi dabego augwali ela mueibao, tama te ba dabe me hasa dabego te augwaligo tigi tuagasaibao.

Jeremaia 16:4

“Tigidali te isaibao. Me badu te dwai gasi selama, isaibao. Te boi bidi asama, me badu ela mueibao. Te me badu nai sǫą peyu, isaibao. Tama augwalide hobedai gela olama, te augwali pubulabo bidi me elalugobeo. Menio. Augwaligo tigi dabe te tǫde yowi di munalua pabo tiwai yaibao. Tama te ba dabego me uni hasa dabego augwali tigi tuagasaibao,” wai dao.

Bomai Po 28:26

Dage isaibao, tama te ba dabe me bulu hasa dabe aselama, dagego tigi tuagasaibao. Tama augwali osalabo bidi mu menia saibao.

Jeremaia 19:7

“‘Te Juda dabe me Jerusalemgo te haniani sę te bulu pesagede yabo homu elaluali, tiali goli eno te sunumi paliama, tama augwaligo te sę me egobeo. Te eno boi bidi dabe tagala palama, augwali ela mueibao. Tama eno te ba dabe, me hasa dabe aselama, te augwali tigi tuagasomainogo yaibao wai dao.

Jeremaia 15:3

Ena Genuai Bidigo, te eno nai me si me sigo te we bidi dabe mu silimainogo tagala palaibao. Augwali te boi bidi dabego ela mumainogo sa muaibao. Te eno yowi dabego augwali tigi mi pepedela tumainogo sa mueibao. Me te ba dabe, me uni hasa dabego te tigi mi mu tulama, silimainu sa mueibao wai dao.

Sefanaia 1:17

Genuai Bidigo e tama po wali, “Te tǫde we bidi dabego ena Genuai Bidi dali dwai sę yalio. Tama tibaso, eno haniani dwai dene augwalide pedelemainu ilama, tama augwali te gedu widai bidi dabego sunumi gege bilibo tiwai bilaibao, tiali goli te wi pabo tų menio. Tama augwaligo kaneme te wę tiwai gelama, tama augwali isaibao. Tama augwaligo tigi dabe te tǫde te yowi di danamu pabo tiwai damuaibao,” Genuai Bidigo te po wai.