Godigo Nogi Ugwaba Sabo Tęąbi Po Wabo Buku Dabe 78:71 - Godigo dwagi yai po buku

⁷¹ Tama Godigo aga te Israel king bidi mubaso bidali, tama aga te Godigo we bidi tonalubo bidi bidai dao.

Godigo Nogi Ugwaba Sabo Tęąbi Po Wabo Buku Dabe 78:71 Referans Kwoze

2 Samuel 5:2

Polobadu, Sol te king bidali sogo, tialima naga digi te da Israel ami bidi dabe tonalu, tama augwali te hwįbo madiba odasa peyu yai. Tama Genuai Bidigo nageba weyu, te aga we bidi dabe da tonalubo bidi nage pedelama, tama nage dago king pedelaiba po wai dao,” augwaligo te po wai.

Tuni Bidi Dabego Po Elalubo Buku Deli 11:2

Polobadu Sol king bidali, tiali goli naga digi te da Israelgo ami bidi tonalu, te augwali hwįboba odasa peyu ma odasa asu yali. Tama God, Genuai Bidigo, nageba walobaso, te aga we bidi dabe da tonalubo bidi pedelaibao, tama nage dago king pedelaibao,” wali.

1 Pita 5:2

Tama te homu kęna sabo po e dao: te kibu sipsip tonalubo bidi agai te kibu sipsip bugagia tonalubogia tama dagego te Godigo dagego nogoba muani we bidi bugagia tonaluao. Tama te sęde augwali tonalubo hagela homu eyu tama tonalugio. Woo, te menio. Dwagi yai homu naga eyu, dagego augwali bugagia tonaluao. Tama dagego te masigi naga somainogo te sę egimio. Te menio. Dagego homu mu bomo eyu, te augwali tau somainogo te sę yao.

Aisaia 40:11

Agai te aga we bidi dabe bugagia tonalubao, te sipsip tonalubo bidi dabego te aga sipsip bugagia tonalubo tiwai ebao. Te tonalubo bidigo te sipsip wai dabe te hagawiade pageasa bilaibao. Te aga dua digi pidu, te dwasianu wai dabe elalubo sipsipba te sunumi ola mayu, ela pidubo dao.

Godigo Nogi Ugwaba Sabo Tęąbi Po Wabo Buku Dabe 28:9

Genuai Bidi God, naga we bidi dabe tau siyu, tama naga te sa muani we bidi hani dabe bugagia wiegi yai ilao. Nage te augwali tonalubo bidi bidiyu, tama augwali te bidada peyu, bidada pabo sesemane sogo bugagia tonaluao.

Tigidali Nai Gagalama Nigali Side 33:13

Tiali goli, Jekopgo agabolo te po wai, “Genuai bidi, nago koneani, te wai dabe augwali te bomo elama me pabeo. Tama eno homu hauwa te sipsip me, te bulmakau hani dali, te augwali tamadi holobo wai dabede te homu yai. Te augwali deli sogo bubugade bomonama pobaso da, tiyu te tigidali kibu sibi dabe te isila pidalio.

2 Samuel 7:8

Tama God Genuai Bidigo te po Natanbolo ma weyu, tama po wali, “Te eno sę bidi, Devitbolo, te tiwai po wao,” wali. “‘Ena, Te Tigidali Bomo Elalubo Genuai Bidi, eno nage te sipsip tonalubo sę ebo bidi bidibadi selama, tama eno nage sa muyu, te eno hani bage bidi, te Israel dabego tobolu bidi pedalumainu yai dao.

1 Samuel 10:1

Tialima, Solgo te sę bidi polasa tagala palai, tama Samuelgo te oliv wel botol dwasianu me deli selama, tama te wel habu te Sol toboluba geliyu, te aga king pedalumainu nigiliyu, sa muani. Tama Samuelgo agaba te gesabidi nono neyu, te e tiwai po wai, “Genuai Bidigo te nage aga we bidi, te Israel dabego king bidi nigilali dao. Tama nago augwali tonalu, tama augwali tau siyu, te boi bidi dabego augwali dolomainu me egobeo. Tama megi eno te nageba nosali pedelabo sę po nagebolo wainogo ebao. Tama nago te sę dabe pedalubo subaso da, te nago koneao, Genuai Bidigo te nage sa muyu, te aga we bidi dabe tonalumainu nigilali dao. Te e tama tiwai sę dabe dao.

Matyu 2:6

‘Te Betlehem hanu, te Juda tǫ tomode, te Juda bagego tuni bidi dabego gedude nago nogi te dwasianunu elalugobeo. Te mu menio. Te nagede genuai tuni bidi me deli pedelaibao, tama agai eno hani Israel tonaluabo bidi dao,’ te po asęani,” augwaligo te po Herotbolo wai.

2 Samuel 20:19

Odao. Te dago hanu te Israel bulu tǫ pedaide te polalubo hanu me deli dao. Dago te hwįbo sę dabe me isiąwai. Dago te dena king naga mu wali peyu ebao. Tiali goli, megi nago te hanu dolainu ebao. Magi baso nago te Genuai Bidigo nai te dolainu ebawe?” wali.

2 Samuel 24:17

Devitgo te mobo bidi ensel sulama, tama agai Genuai Bidiba te tama po wai, “Eno naga tama eno te dwai sę yali, tama eno dwai sę genuai yalio. Tiali goli, te we bidi dabe augwali, augwa te mena dwai sę ebaso, tama nago augwaliba te dene maniwe? Nago te ena me, ena we wai, dabolo naga te dene magi sogo da, usu igi tama dao,” wali.