Godigo Nogi Ugwaba Sabo Tęąbi Po Wabo Buku Dabe 78:53 - Godigo dwagi yai po buku

⁵³ Agai augwali odasa peyu, tama augwali bugagia bidali, tama tiyu, augwali wi me ebeo. Tiali goli, te tamu ąįgo augwa boi bidi dabe mesega salio.

Godigo Nogi Ugwaba Sabo Tęąbi Po Wabo Buku Dabe 78:53 Referans Kwoze

Ma Dobola Sali 15:10

“Tiali goli nago mobo deli sogo naga ponani, tama tamu ąįgo Isip dabe mesega sai. Tama augwali aiyaba tomoba mu te tamu wę tomoba masigi dulubo tiwai yai.”

Hibru 11:29

Te Israel we bidi dabe augwaligo Godiba konealubo po dąų olama tama agade tią piduali baso, te Isip tǫ taga soali sogo augwali te tamu ąį nogainu, tama Godigo te ąį buga somainu ilama, tama augwali te wa pai tǫ tiwai elalubo tomo tųdu nogai. Te augwali pobeasa asobo Isip dabe augwali me te ąįdu usu selama nogali, tiali goli te ąįgo augwali elama, tama poma pobaso te wę tomode isila pai dao.

Godigo Nogi Ugwaba Sabo Tęąbi Po Wabo Buku Dabe 136:15

Agai te Fero me, aga ami bidi dabe dali, te wę tulama tama isimainu ilalio. Agai sesemane bidada pabo sogo da wei mu edubao.

Ma Dobola Sali 14:15

Tama Genuai Bidigo Mosesbolo te po wai, “Magi baso nago ena i wabo sę ebawe? Te Israel dabe augwalibolo te po weyu, augwali pomainao,” te po wai.

Ma Dobola Sali 14:13

Tama Mosesgo augwalibolo te po wei ponoyu, te po wai, “Wibo tagalao. Bomonama dolaluyu, tama megi Genuai Bidigo dage tau selama, tigidali sę ebo suaibao. Tama megi dagego te Isip dabe subo, tiali goli nosali dagego augwali munu ma sugobeo.

Ma Dobola Sali 18:24

Tialima Mosesgo te wiegi yai po Jetrogo wabo po odolama, tama tiwai.

Godigo Nogi Ugwaba Sabo Tęąbi Po Wabo Buku Dabe 106:11

Tiali goli, te węgo te boi bidi dabe mesega selama, tama augwali isai dao. Tama me deli te bidibo ula me elalubeo.