Godigo Nogi Ugwaba Sabo Tęąbi Po Wabo Buku Dabe 78:40 - Godigo dwagi yai po buku

⁴⁰ Hauwa sogo augwa hagoma eyu, agai po sela sąyu, te bidi meni yai tǫ wa pai bulude bidiyu tiali. Tama hauwa augwaligo aga haliga sęgę ilali.

Godigo Nogi Ugwaba Sabo Tęąbi Po Wabo Buku Dabe 78:40 Referans Kwoze

Efesus 4:30

Tialima dagego tisiąwani da, dwai meda yai po weyu da, teda dagego te Godigo Mobo Bidi dwai homu dene mu ilaibao. Tama te dwali dao. Te Godigo Mobo Bidi aga wiegi yai tedali mu dao. Tama God agai dage ma dobola sai hagede te dage hagea siyu sa mumainogo eyu agai dagebolo aga Mobo Bidi mawai dao. Tama te Godigo Mobo Bidi dage dali bidibaso, dagego mu konebao, te God agai dage olo mu bidabo bidi nigilabo sogo te nosali mu pedalaibao. Tama tibaso, dwai po weyu aga dwai homu dene mu iligio.

Aisaia 63:10

Tialima, te augwaligo agaba hagoma eyu, te agai homu ogwa wai mobo te haliga sęgę mu ilali. Tama tibaso, aga digi augwaliba boi bidi elama, te augwaliba hwįani.

Aisaia 7:13

Teda Aisaiago po wei ponoyu, te po wali, “Dage tuni bidi Devitgo wąį dabe, dagego bugagia odao. Dagego ebo kolesagade da te bidi dabego dage hagela mu yali. Tama megi ma eno Godigo tonalubo kolesaga te dagego usu sogowe?

Godigo Nogi Ugwaba Sabo Tęąbi Po Wabo Buku Dabe 107:11

Magi baso meni, augwaligo te Tigidali Bomo Elalubo Godigo pode hagoma eyu, tama augwaligo agai po sela sąyu ebaso, te augwali kalabus eyu, sęgę mawai dao.

Godigo Nogi Ugwaba Sabo Tęąbi Po Wabo Buku Dabe 78:17

Tiali goli, augwaligo te Ugwade Mu Bidibo Godiba dwai sę yali, tama augwali te kemi tǫ bulude bidiyu, agaba hagoma yalio.

Israel Hanigo Namba 14:11

Tama Genuai Bidigo Mosesbolo e tama po wali, “Hauwa sogo mu te we bidigo eno po sela sąyu, tama augwaligo eno po mu dao homu ebeo. Eno augwali tomode wiegi yai sę hauwa yali, Tiali goli, augwaligo teba homu dąų wabeo.

Bomai Po 9:7

“Dage te nai meni yai kemi sane bulude bidali te gegeda pelamuo. Te dage tede bidiyu, dagego Genuai Bidi sębę ilali, te gegeda pelamuo. Dagego te Isip taga solama, megi e bulu bidibode dagego Genuai Bidigo po sela sąyu idu geai dao.

Godigo Nogi Ugwaba Sabo Tęąbi Po Wabo Buku Dabe 78:8

Tiyu, augwali te augwa wąį nǫų dabe tobage tiwai pedelabuo. Te wąį nǫų dabego te hagoma eyu, tama Godigo po sela sąnama, tama augwa konealubo homu agaba dąų mu me wasiąwai, tama augwaligo te agai po sesemane wali me pabeo.