Godigo Nogi Ugwaba Sabo Tęąbi Po Wabo Buku Dabe 78:35 - Godigo dwagi yai po buku

³⁵ Te megi da, augwaligo homugo ma koneama, God te augwa tonalubo bidi dao homu yai. Te Ugwadu Mu Bidibo Godigo agai te augwali tau sabo bidi dao.

Godigo Nogi Ugwaba Sabo Tęąbi Po Wabo Buku Dabe 78:35 Referans Kwoze

Bomai Po 32:4

Dago God te tama tigidali sogo bidibo dao. Aga da, te genuai masigi me tiwai dao, te me hasegelisąwai masigi tiwai dao. Tigidali sogo agai aga po wali pabo dao, tama agai ili po me wabo menio. Tama agai kolesaga da, wiegi yai mu elama, doloba pai mu dao.

Aisaia 41:14

Genuai Bidigo te tama po wali, “Te dage Israel te dwasianu hani da, te dagego bomo meni da wagio, ena dage ma sabo bidi, te eno dage ugwaba sagualu tonalu, tau saibao. Ena dage Israelgo God dao, ena te Wiegi Yai Doloba Pai Kolesaga Mu Ebo God dao, eno te dage ma dobola saibao wali.

Ma Dobola Sali 15:13

“Tama nago da homu dene eyu, tau sabo silisiąbo kolesaga eyu, tama nago da ma selama, tama nage polasa peyu, da odasa pai. Tama nago bomogo digi da pabo dodolama, tama nago da te naga digi bidainogo yali wiegi yai buluba odasa pai.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

Bomai Po 32:15

“Te Genuai Bidigo we bidi augwaligo nai dabe hauwa mu sali. Tiali goli, augwaligo aga dali dwai hagoma sę yali. Augwali nai hauwa sogo mu tulama, tama augwali genuai bidi dabe mu nisali. Godigo augwali nigilali, tama aga bomogo augwali ma oda sali. Tiali goli, augwaligo aga tudiba togolali, tama aga tagalali.

Bomai Po 7:8

Tiali goli, Genuai Bidigo dage godolo mu elama, tama agai dago wąį dali te dąų wali te po wali peyu te ebao. Te page delide tama agai genuai bomogo dage tau sali dao. Tama teyu, dage te Isip tuni bidigo olo sę ebo bidi dabe bidibadi, agai dage te Isip tuni bidigo nogode ma dobola sai dao.

Aisaia 48:17

Genuai Bidi, aga te Israelgo Wiegi Yai Doloba Pai Kolesaga Mu Ebo God, aga te dage tudibadu posolalu, te dage tau sabo bidi, agai te tiwai po wali, “Ena Genuai Bidi, te duga God dao. Sesemane sogo eno te doloba pai kolesaga dagego wali peyu, dage bugagia bidimai hagede ola mabo dao.

Aisaia 44:6

Tigidali Bomo Elalubo Genuai Bidi, aga te Israel king da, te dage tudibadu pogalu, te dage tau sabo bidi, agai te po wai, “Ena Genuai Bidi, ena hasia polasa mu bidali, tama ena nosali te sabi badu mu bidaibao. Te gasa god munu me bidibeo, enaduba deli naga bidibo dao.

Godigo Nogi Ugwaba Sabo Tęąbi Po Wabo Buku Dabe 106:21

Godigo te Isipde bomai sę mu elama, tama te Israel dabe te Isip dabego nogode ma dobola sali. Tiali goli te Israel dabego te tiali sę te homu kone me palubeo.

Godigo Nogi Ugwaba Sabo Tęąbi Po Wabo Buku Dabe 106:13

Tiali goli, polo tama mu, te augwaligo Genuai Bidigo yali sę dabede homu kone ebo tagalalio. Tama augwaligo te Godigo po bolo hasia me sabeo. Augwaligo yali sę dabe te augwa homugo digi nigilama yalio.

Godigo Nogi Ugwaba Sabo Tęąbi Po Wabo Buku Dabe 78:42

Augwaligo te agai genuai bomo teba homu konesiąwai, tama agai augwali te boi bidi dabego nogode ma sali, te sogoba augwaligo homu kone me palobeo.

Godigo Nogi Ugwaba Sabo Tęąbi Po Wabo Buku Dabe 78:11

Augwaligo te agai yali sę dabe te homu kone gegeda pali, tama te bidigo isiąwai bomai sę agai te augwali gedude yai, te me augwaligo gegeda pali.

Godigo Nogi Ugwaba Sabo Tęąbi Po Wabo Buku Dabe 78:7

Te augwa te tiwai eyu da, teda te hani dabego me te Godiba konealubo homu dąų waibao, tama agai te yali sę dabe te augwaligo homu kone gegeda pidali weyu, te tiwai yao. Tama te augwa agai bomai po tigidali wali pomainu yao.

Godigo Nogi Ugwaba Sabo Tęąbi Po Wabo Buku Dabe 74:2

Nago te naga hani bage dabolo te homu kone ma palao. Polobadu mu nago te naga we bidi da sa muai. Nago da ma abelama, tama da naga hani bidimainu yai. Nago te Saion bulu duba homu kone ma paliyu, te polobadu tede nage bidai dao.

Bomai Po 15:15

Dagego te dage me te Isipde olo sę ebo bidi bidali te kone paliąo, tama Genuai Bidi dago God agai dage oda selama, olo ma tagala palai dao. Te tama tiali po pagede eno megi te bomai po dagebolo te mobao,” wali.

Bomai Po 9:26

Tama eno gedu haluasa po weyu, te po wali, ‘God, Genuai Bidi, nago naga we bidi doligio,’ te po wali. ‘Naga digi nago te we bidi augwali nago genuai bomogo Isip bulude oda selama, odasa asai dao.

Ma Dobola Sali 6:6

“Tama tibaso, nago te po Israel hani dali wao, ‘God agai te po wai, “Ena digi ena Genuai Bidi Yawe dao. Eno dage te Isip hanigo nogode selama, tama te augwaligo sęgę dagebolo mabo tede me eno selama, tama dage olo mu bidimainogo yaibao. Tama eno bomogo augwali dene mu somainogo menama, tama dage eno genuai bomogo dobola ma saibao.