Godigo Nogi Ugwaba Sabo Tęąbi Po Wabo Buku Dabe 78:32 - Godigo dwagi yai po buku

³² Godigo te bidigo isiąwai te tobage bomai sę dabe yali, tiali goli, te we bidi dabego te dwai sę umabo mu idu geyu, tama augwaligo konealubo homu agaba dąų me wabeo.

Godigo Nogi Ugwaba Sabo Tęąbi Po Wabo Buku Dabe 78:32 Referans Kwoze

Dwagi Yai Gesi Po Jongo Asęani 12:37

Agai yali bomai sę hauwa augwaligo suali goli, augwaligo agabolo homu dąų olama mubeo.

Godigo Nogi Ugwaba Sabo Tęąbi Po Wabo Buku Dabe 78:22

Magi baso meni, augwaligo konealubo homu agaba musiąwai. Tama te agai augwali tau selama, te bugagia bidimainu yaibao, tede augwaligo agaba konealubo homu dąų me wabeo.

Dwagi Yai Gesi Po Lukgo Asęani 16:31

Abrahamgo agabolo po wei ponoyu, e po wali, ‘Mosesgo asęani po me, te Godigo po ola mani profet bidi dabego polobadu asęani po me, te po si nago ama dedego odisąbaso da, teda bidi me gų pagedu hodaloyu, augwaliba pedaluyu, tama ebo si, te usu egobeo, homu begelegobeo,’ Abrahamgo te tama po wali,” Jisasgo wali.

Esekiel 20:13

Tiali goli, te masigi tǫ wa pai bulude me, augwaligo eno po sela sąwani. Augwaligo eno po wali pabo hagela homu elama, te augwaligo eno bomo yai po dabe sela sąwani, te bomo yai po dabe augwaligo wali peyu, te augwali bugagia bidimainu yali. Tama te Sabat side bomo yai po mu augwaligo bolalio. Tama tibaso, haliga sębę dwai mu augwaliba elama, te pąde eno augwali te masigi tǫ wa pai bulude dwai dene menama, te augwali tigidali dolainu yai digi dao.

Godigo Nogi Ugwaba Sabo Tęąbi Po Wabo Buku Dabe 78:11

Augwaligo te agai yali sę dabe te homu kone gegeda pali, tama te bidigo isiąwai bomai sę agai te augwali gedude yai, te me augwaligo gegeda pali.