Godigo Nogi Ugwaba Sabo Tęąbi Po Wabo Buku Dabe 78:3 - Godigo dwagi yai po buku

³ Polobadu te wąį nǫų dabego dabolo te tiali sę dabe po wali, tama dago odolama, tama dago te koneai dao.

Godigo Nogi Ugwaba Sabo Tęąbi Po Wabo Buku Dabe 78:3 Referans Kwoze

Godigo Nogi Ugwaba Sabo Tęąbi Po Wabo Buku Dabe 44:1

God, te dago wąį nǫų dabego te nago polobadu bomai sę yali po te dabolo pusali, te augwali tǫde bidali sogo. Tama dena digi te po wabo odai dao.

Godigo Nogi Ugwaba Sabo Tęąbi Po Wabo Buku Dabe 48:8

Te sę te polobadu Godigo yali po odolama, tama megi dago subo me agai te tiwai ma yai. Da te Genuai Bidigo taunde bidibao. Dago God, te Tigidali Bomo Elalubo God dao, tama agai te sę ebo dago suai. Godigo te aga taun dąų walama, tama te taun sesemane sogo elalua pomainu yai dao.

Ma Dobola Sali 13:8

Tama te genuai side pedalobo si, dagego duga ogwa te wai dabe augwalibolo te po haninama pusao, ‘Dago te kolesaga tigidali ebo, te Genuai Bidi agai da te Isip tǫde bidibadi, da odasa asali sogo koneagasu, te sę ebo dao.’

Ma Dobola Sali 10:2

Tama eno te sę ebaso, te dagego duga wai dabebolo, me te dagego wąįgo wai dabebolo te eno te bomai sę Isip tomode yali po weyu, tama te Isip bage augwalibolo eno te bidigo isiąbo bomai sę eyu, tama augwaligo homu kolesaga aiyaba mu elaluali. Tama dage Israel dabe tigidaligo te sę ebo koneyu, tama ena digi ena te Genuai Bidi Yawe da, te me dagego mu koneaibao,” Genuai Bidigo Mosesbolo te po wai.

Jopgo Po Asęani Elalubo Buku 13:1

Jopgo po ma weyu, te po wali, “Mu tama mu. Tigidali po dagego pusali, te da eno polobadu sulama, odai dao. Te nai dabe tigidali eno polo konea silai dao.

Godigo Nogi Ugwaba Sabo Tęąbi Po Wabo Buku Dabe 145:4

Megi bidalubo we bidi hani augwaligo te gasa nosali pedalubo hanibolo nago ebo sę po pusuyu, tama augwaligo nago nogi ugwaba saibao. Tama augwaligo nago genuai sę yali po miaibao.

Aisaia 38:19

Te bidibo ula elalubo bidi dabe, augwaligo naga nago nogi ugwaba siyu, te megi eno ebo tiwai yaibao. Te aya dabego te augwa wai dabeba te nago wiegi yai sę sesemane sogo ebo po waibao.”