Godigo Nogi Ugwaba Sabo Tęąbi Po Wabo Buku Dabe 78:25 - Godigo dwagi yai po buku

²⁵ Tama tialima, augwa te enselgo nai salio. Godigo te nai hauwa mu augwaliba menama, tama augwali usu mu yai.

Godigo Nogi Ugwaba Sabo Tęąbi Po Wabo Buku Dabe 78:25 Referans Kwoze

Matyu 15:37

Tama tigidali augwaligo te nai tuali usu ela silai. Tama Jisas aga wali pabo bidi dabe augwaligo te me badu elaluali nai tigidali sisinani, tama te naigo te genuai bonou wa a naga olama me si pągąwai.

Matyu 14:20

Tama augwali tigidaligo te nai tulama, tama augwali te naigo tabiai. Tama augwaligo te nai meba munalubaso, tama te Jisas wali pabo bidi dabe augwaligo te munalubo nai sisinama, tama bonou wa 12 pągąwai dao.

Godigo Nogi Ugwaba Sabo Tęąbi Po Wabo Buku Dabe 103:20

Dage tigidali Genuai Bidigo ensel mobo bidi, dagego genuai bomo elalubao. Dagego agai po wali pabo bage, dagego olo agai po wabo digi bugagia mubo dao. Tialima, dagego Genuai Bidi nogi ugwaba sao.

Ma Dobola Sali 16:8

Tama Mosesgo po ma wai, “Genuai Bidi aga digi dage te nai mi pio mabode te dagego tuagameo. Tama agai te nai bret kigamu te dagego homugo somainogo mawaibao. Magi basowe, dagego po hauwa aga dali wabo odai. Tiali goli, da si te olo nai tiwai dao. Dagego wado po te Genuai Bidi dali naga obao.”

Godigo Nogi Ugwaba Sabo Tęąbi Po Wabo Buku Dabe 105:40

Augwaligo agabolo nai po hanaluai, tama agai ba dabe augwalibolo mawai, tama te ba augwali sela tuai. Agai dagalude giguai nai bret augwali mawai, tama augwali te nai tulama, haliga mu pągąwai.