Godigo Nogi Ugwaba Sabo Tęąbi Po Wabo Buku Dabe 78:18 - Godigo dwagi yai po buku

¹⁸ Augwaligo God usu siyu, te tiwai yai. Augwaligo i bomonama agaba weyu, te augwaligo wei ebo nai agai momainu yai.

Godigo Nogi Ugwaba Sabo Tęąbi Po Wabo Buku Dabe 78:18 Referans Kwoze

Bomai Po 6:16

“Dagego God dago Genuai Bidigo bomo usu sigimio, te dagego te bulu Masade polobadu yali tiwai elamuo.

Israel Hanigo Namba 11:4

Te gasa bulu we bidi Israel dabe dali aselawai bage me elaluali. Augwali bulu hasa hauwa tubo we bidi dao. Tama tibaso, augwali hasa hauwa tuaio po hauwa mu kųą pali. Tama te Israel dabego me te po hauwa tama wali, “Dago te hasa hauwa tuaio. Tiali goli, dago menade sogowe?

1 Korin 10:9

Tama dago me dwai sę eyu te Genuai Bidi usu me selamuo. Te augwali tomode mebago dwai sę eyu aga usu sobaso, tama te dwai hasamani dabego augwali gąų kelama tama augwali isai dao.

1 Korin 10:6

Tama te augwalide pedalali sę tigidali te noma tiwai pedalali, te dago sulama tama dago wąį dabe augwaligo te pesą yali tiwai te dago me te dwai sęde pesą idali weyu dago sumainogo yali.

Godigo Nogi Ugwaba Sabo Tęąbi Po Wabo Buku Dabe 95:9

“Te bulude augwaligo ena usu sali. Augwaligo te eno ebo tigidali bomai sę suali, tiali goli, augwaligo ena usu sai dao.

Ma Dobola Sali 17:2

Tama tibaso, te we bidi augwaligo wado po Moses dali wai. Tama augwaligo te po wai, “Da wę mao. Da tuaibao.” Tama Mosesgo augwaligo po wei ponoyu, te po wai, “Magi baso dagego wado po ena dali obawe? Dagego homugo aga usu siyu, Genuai Bidigo bomo dagebolo ma ola momainogo ebawe?”

Ma Dobola Sali 17:7

Tama te bulu nogi augwaligo Masa wai, te nogi page “Usu sai,” tama me nogi Meriba, te nogi page “Wado po wai.” Magi basowe, Israel augwaligo wado eyu, tama augwaligo te po wai, “Genuai Bidi da dali bidibowe, ma meniwe?” Tama te dwai kolesagade augwaligo te Genuai Bidigo bomogo ebo sę usu sai.