Godigo Nogi Ugwaba Sabo Tęąbi Po Wabo Buku Dabe 77:3 - Godigo dwagi yai po buku

³ Eno homugo Godiba kone palama, tama eno haligade gela wali. Eno homu konealubode tama eno haliga sęgę elaluai.

Godigo Nogi Ugwaba Sabo Tęąbi Po Wabo Buku Dabe 77:3 Referans Kwoze

Godigo Nogi Ugwaba Sabo Tęąbi Po Wabo Buku Dabe 61:2

Ena te ena bulu pesage digibulu bidibao, tama eno haliga te sęgę mu ebao. Tama tibaso, te eno nageba i weyu, te nago ena tau somainu ebo dao. Nago ena te geme dualabo pesage me deliba odasa pobaso da, teda te boi bidi dabego ena me dologobeo.

Jopgo Po Asęani Elalubo Buku 31:23

Magi baso meni. Eno Godigo moni bomo eno koneama, tama me agai dwai nai dabe tagala palama, bidi dolobo me, eno koneai dao. Tama ena wi genuai mu yai dao. Tama tidali weyu, eno dwagi yai kolesaga naga yai dao,” Jopgo te po wai.

Te We Bidi Dabego Jerusalem Hagede Gela Wali 3:39

Tama tibaso, bidi me bididubadi, te Godigo agai yali dwai sę wei ponoyu, dene mobaso da, teda te bidigo Godibolo wado po olamuo.

Jeremaia 17:17

Nago ena wi dwai mu me iligio. Menio. Te dwai sogo nage te ena geme bugagia dula sabo pesage tiwai ebo dao.

Godigo Nogi Ugwaba Sabo Tęąbi Po Wabo Buku Dabe 43:5

Magi baso ena haliga sęgę sesemane sogo elalubawe? Magi baso eno haliga dwai midigi sobawe? Eno konealubo homu Godiba dąų weyu, tama te agai ena tau sabo tonalueibao. Aga te eno God da, tama ena tau sabo dao. Tama tiyu, eno aga nogi ugwaba ma saibao.

Godigo Nogi Ugwaba Sabo Tęąbi Po Wabo Buku Dabe 42:11

Magi baso ena haliga sęgę sesemane sogo ebawe? Magi baso eno haliga midigi ebawe? Ena te Godiba konealubo homu dąų olama, tama agai ena tau sabo tonalueibao. Aga te eno God da, tama ena tau sabo dao. Tama tiyu, eno aga nogi ugwaba ma saibao.

Godigo Nogi Ugwaba Sabo Tęąbi Po Wabo Buku Dabe 42:5

Magi baso ena sesemane sogo te haliga sęgę ebawe? Magi baso eno haliga midigi ebawe? Eno konealubo homu te Godiba dąų olama, tama agai ena tau sabo tonalueibao. Aga te eno God da, tama ena tau sabo da. Tama tiyu, eno aga nogi ugwaba ma saibao.

Jopgo Po Asęani Elalubo Buku 7:11

“Tama eno te homu ebo sogo, eno pedauwali pani sogobeo. Eno haligade gela genuai mu walama, tama ena sęgę genuai mu tolalio. Tibaso, eno po me waibao.

Jopgo Po Asęani Elalubo Buku 6:4

God tigidali bomo elalubo, te agai ena te enego enani ene te dwai nabi tede elalubo. Tama te dwai nabi eno tigi tomoba pelama, tama eno homu dwali. Godigo haniani nai taga palali ena wi emainu,” wali.

Te We Bidi Dabego Jerusalem Hagede Gela Wali 3:17

Eno homu nagame elama, wiegi yai homu elama me bidibeo. Tama eno bugagia bidibo kolesaga te gegeda palalio.

Tigidali Nai Gagalama Nigali Side 37:35

Te tigidali ogomani, wegi mani me aselama, tama augwaligo te aga homu te wiegi yai ma ilabo po wagasali. Tiali goli, agai te wei mu isiąma, tama te po wai, “Eno aga hagede gela udubadi, te ena aga dali te isali bidi dabego gų pageba bidigi peyu, usu naibao,” wali. Tama aga ogwa Josep hagede te gela naga udu bididualio.

Jopgo Po Asęani Elalubo Buku 15:11

“Jop, Godigo homugo nago dene osola sulama, tama nage homu nagame elama, dua bidimainu yaibao. Tama me ma, dago po doanu olama, tama nagebolo dwagi yai po wai dao. Tiali goli, nago homugo Godigo te yainu ebo sę te olo da, te homu ebawe?

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Solomon 3:1

Tigidali sogo hulide ena godege pibo sogo, eno te godolo ebo abagide na naga ebo dao. Te eno nade aga tigidali habude gegali, tiali goli eno aga me subeo.

Aisaia 26:16

Genuai Bidi, nago naga we bidi dodolomainogo eyu, dene mu mani, tama augwaligo bomo mu sia salio. Tiali goli, augwali moni homu dene dali nage pageba aselama, nageba gedu haluasa po walio.