Godigo Nogi Ugwaba Sabo Tęąbi Po Wabo Buku Dabe 77:19 - Godigo dwagi yai po buku

¹⁹ Nage wali te tamu wę tomode bilali. Nago sunumi te genuai tamu ąį tomode elaluali. Tiali goli, dago te nago sągą pasalu me susiąbo dao.

Godigo Nogi Ugwaba Sabo Tęąbi Po Wabo Buku Dabe 77:19 Referans Kwoze

Ma Dobola Sali 14:28

Tama te Isip tuni bidigo ami bidi dabe augwali te Israel hani wali peyu, te tamu wę tomoba pali bage, te wę ma asiyu, te Isip ami bidi dabe augwali mesega sai. Tama agai te ami dabe tigidali, me te hos, me karis dabe, augwali dali agai te węgo mesegelali, tama deli me bidibeo. Tigidali isai.

Habakuk 3:15

Nage te naga hos kibu dabe tudide dugulasali, tama augwali te tamu ąį daidu agaga palio. Tama tiali sęgo te tamu ąį dini genuai hogodomainu ilalio.

Godigo Nogi Ugwaba Sabo Tęąbi Po Wabo Buku Dabe 29:10

Genuai Bidi te king bidiyu, tama te tigidali genuai tamu ąį tonalubao. Aga te king sesemane sogo bidibao.

Nehemia 9:11

Nago po obaso, tama te tamu ąį si badu buga selama, tama tǫ wa pai nigilai, tama te we bidi dabe te tomodu peyu, te u badu pedaiba sabolali. Tama te Isip ami dabego nago we bidi pobeasa asali, tiali goli nago te tamu ąįgo te Isip dabe augwali mesega somainu elama, tama augwali te węba masigi tiwai dulama, te augwali ela silai dao.

Polgo Po Pas Rom Dabeba Asęani 11:33

Ei tegoba! Te Godigo wiegi wiegi yai homu kolesagade ena noma sobao. Te agai sę yabo homu kolesaga dali, agai koneani kolesaga dali, te mu pągąna pelama, tama te tamu ąį gebo dabo tiwai gilama aiyaba mu dulai. Da bidigo agai yali homu kolesaga page tigidali konemainogo ebo usu me egobeo. Dago agai da dali ebo sę page me munu me kuna konegobeo, da tede usu me egobeo.

Godigo Nogi Ugwaba Sabo Tęąbi Po Wabo Buku Dabe 97:2

Te pǫ dabe me hulia sabogo aga mesegelebo dao, tama agai te we bidi dabe te doloba pai kolesagade tonalubao.

Ma Dobola Sali 19:18

Tama Genuai Bidi te sia tomode bidilama dulali, tama te Sainai bulu duba bidagasali, tama genuai hanogo te bulu du tigidali mu mesega sai. Tama ugwaba holali hano te genuai sia mu dabo hano holobo tiwai mu yai, tama tǫ mali genuai mu te bulu dude pedelai.

2 Samuel 22:8

“Tialima, Genuai Bidigo te eno boi bidi dabeba wado yali. Tama tiyu, agai te tǫ mali dwai mu ilibaso, tama te bulu du dabe me dagalu te aiyǫge page mu yalio.

Jopgo Po Asęani Elalubo Buku 23:14

Tama tiyu yaide, agai homugo enade magi sę me yabo homu ebaso da, agai ebo dao. Ma, agai haniani homu kolesaga me elalubo.

Jopgo Po Asęani Elalubo Buku 36:29

Da tigidaligo munu me konebe, te pǫ genuai mu elama, tama Godigo ugwa be nigibo konebo menio. Tama dago konebe, mena tama te pǫde kulukulu olama ebowe olama, konebo menio.

Godigo Nogi Ugwaba Sabo Tęąbi Po Wabo Buku Dabe 97:4

Agai te be selego ula pedalumainu ilama, tama te tǫ ula ilibao. Tǫgo sulama, tama noma sabo dao.

Godigo Nogi Ugwaba Sabo Tęąbi Po Wabo Buku Dabe 104:32

Agai tǫba tonalubaso, te tǫ memenege eyu, mali ebo dao. Agai te bulu duba nogo mubaso, te bulu dude sia hano ebo dao.