Godigo Nogi Ugwaba Sabo Tęąbi Po Wabo Buku Dabe 77:13 - Godigo dwagi yai po buku

¹³ God, nago kolesaga tigidali te tedali wiegi yai naga dao. Te tibo god me deligo nage dali usu me egobeo. Nago augwali aiyaba mu elaluai dao.

Godigo Nogi Ugwaba Sabo Tęąbi Po Wabo Buku Dabe 77:13 Referans Kwoze

Godigo Nogi Ugwaba Sabo Tęąbi Po Wabo Buku Dabe 73:17

God te eno usu sesa pidubadi, te ena nago be tomoba peyu, usu nigi pai. Ena te nago bede bidiyu, tama eno homu peda pelama, tama te dwai sę ebo bidi dabeba mena nai pedelabo te eno koneai dao.

Ma Dobola Sali 15:11

“Genuai Bidi Yawe, mena gasa god bidibo te nago bomo tiwai dawe? Me deli menio. Nage te polalubo tuni bidi te nage ugwadu tama tigidali wiegi yai tedali mu dao. Tama niwai bidi te nage dali usu tiwai dawe? Me menio. Nago te bidigo isąwai bomai sę eyu, tama genuai sę ebaso, te we bidi augwali nagede wi mu ebo dao.

Aisaia 40:25

“Ena Genuai Bidi, ena te Wiegi Yai Doloba Pai Kolesaga Tigidali Ebo God dao, tama ena tiwai de dawe? Te eno kolesaga ebo tobage kolesaga ebo bidi tiwai me deli elalu, bidibawe?”

Bomai Po 32:31

Te boi bidi dabe augwaligo koneani da, augwaligo tibo god dabego bomo menio homu yali. Tiali goli, Israel dabego Godigo genuai bomo te genuai masigi deli tiwai dao.

Godigo Nogi Ugwaba Sabo Tęąbi Po Wabo Buku Dabe 63:2

Eno nage te naga mena wiegi yai bede mu suabo homu elama, tama eno homugo te nago genuai bomo te enabolo ola momainu homu yali, tama nago genuai nogi yai ula me te ola momainu yai.

Godigo Nogi Ugwaba Sabo Tęąbi Po Wabo Buku Dabe 27:4

Eno te nai me delide naga te Godiba hanalu wali, tama eno homugo agai te tama sę emainu homu yali. Eno agaba te tama po hanalu wali, te ena bidibo ula elalubo sogo ena te agai bede tigidali sogo bidainogo yai. Te agai enaba wiegi yai homu bugagia ebaso, te eno wiegi yai homu pemene agaba yaibao. Tama eno agaba hanalu, te enaba wiegi yai sunumi ola momainu homu ebo dao.

Aisaia 46:5

“De mu ena tiwai dawe? Te dagego eno kolesaga te de dali mu dagalaibawe? Te eno kolesaga tiwai gagawai ebo bidi deli bidiba, agawe?

Aisaia 40:18

Tama tialima, God te de mu tiwai dawe? Te elalubo nai me deli te God tonobo tiwai ebo da, agawe?

Godigo Nogi Ugwaba Sabo Tęąbi Po Wabo Buku Dabe 86:8

Genuai Bidi, te God nage tiwai me deli elalubeo. Te Israel hani isąwai dabego augwa god wabo nai dabe da, augwali te tibo god dabe naga dao. Nago augwali aiyaba elaluai. Tama te bidi me deligo te nago ebo sę tobage tiwai me elalubeo.

Godigo Nogi Ugwaba Sabo Tęąbi Po Wabo Buku Dabe 71:19

God, nago doloba pai kolesagago te tigidali badu usu nani, tama te tigidali we bidigo gedude te pepeli dilide elalubao. Nago genuai sę mu yai. Te tǫde bidi me deli te nage tiwai me elalubeo. Menio. Nago tigidali mu elaluai dao.

Godigo Nogi Ugwaba Sabo Tęąbi Po Wabo Buku Dabe 68:25

Te tęąbi wabo bidi dabe augwali poligi soali, tama te musik elibo bidi dabe augwali nosali asali, tama te dwasianu habidi elibo gesi wegi ogwa we dabe, augwali te tomodu palio.

Godigo Nogi Ugwaba Sabo Tęąbi Po Wabo Buku Dabe 105:2

Dago tęąbi po agabolo weyu, tama aga nogi ugwaba sao. Tama agai dwagi dwagi yai sę yali hania pusao.

Godigo Nogi Ugwaba Sabo Tęąbi Po Wabo Buku Dabe 119:27

Nago ena ola mayu, nago bomo yai po wali pao weyu, tama eno nago tigidali dwagi dwagi yai homugo koneaibao.