Godigo Nogi Ugwaba Sabo Tęąbi Po Wabo Buku Dabe 76:4 - Godigo dwagi yai po buku

⁴ God, nago genuai nogi elalu, tama nage te polalubo king dao. Nage ugwanu mu elalu, tama nago genuai nogigo te genuai bulu du dabego genuai nogi aiyaba mu elaluai. Te bulu du pesagede nago te boi bidi dabe dali hwįnama, tama nago augwali elaluama, tama nage ma begasa asai dao.

Godigo Nogi Ugwaba Sabo Tęąbi Po Wabo Buku Dabe 76:4 Referans Kwoze

Esekiel 19:6

Aga genuai pedelama te aga gasa hasa laion dabe dali uda wali, tama idago agabolo te hasa gegebo kolesaga ola mani, tama nosali aga te bidi ela tubo hasa laion pedelai dao.

Jeremaia 4:7

Te boi bidi dabe augwa bulu tagalama asali, te laiongo aga geme dualaluali pesage taga soabo tiwai yali. Augwali te tǫ kantri hauwa dolobo bidi dabe da, te augwali asiyu, dagego tǫ kantri dolagasaibao. Te dagego taun dabe mu dolaibao, tama te taun dabede te bidi me bidigobeo. Ena Genuai Bidigo eno te po wai dao.”

Godigo Nogi Ugwaba Sabo Tęąbi Po Wabo Buku Dabe 37:15

Tiali goli, te augwa bainatgo te Godigo augwali isilaibao, tama Godigo te augwaligo enesigi togwa paibao.

Esekiel 39:3

Tama eno nago enesigi te pobase nogo badu tuali te nogoba eno elama, tama te enesigi tulalueibao. Tama eno nago dolo nogo badu tuali ene dabeba elebo si, te ene dabe me tulalueibao.