Godigo Nogi Ugwaba Sabo Tęąbi Po Wabo Buku Dabe 74:9 - Godigo dwagi yai po buku

⁹ Te nago dabolo mani te tigidali sa muani nai, te augwaligo sela sąwanio. Tama dago profet megi me bidibeo. Te da me deligo te sęgę te mena sogo silabo, te dago me konebeo.

Godigo Nogi Ugwaba Sabo Tęąbi Po Wabo Buku Dabe 74:9 Referans Kwoze

Amos 8:11

God, Genuai Bidigo, te tiwai po ma wali, “Nosali eno te dagego tǫ kantri pedaiba genuai nasi pedelabo sę ilaibao. Tama te tigidali we bidi nasi mu yaibao, tiali goli augwali te tuabo naide nasi me egobeo. Te augwa dogoni wa paibao, tiali goli augwa wę tuabo homu egobeo. Magi baso meni, te nasi ebo te naide nasi eyu, wę nogone eyu tobage si menio. Augwali te eno po naga odabo homu naga eyu, te nasi ebo tiwai yaibao. Ena God, Genuai Bidi, ena digi eno tama po obao.

Esekiel 7:26

Te dolobo sę haniani augwaliba pedaludu geaibao, tama augwaliba te dwai nai dabe hauwa pedelabo po odu geaibao. Tialima, augwali wi ebaso, augwali te geme nosali pedelabo sę po pusubo bidi profet dabeba pelama, tama augwaliba hanalu te eno homude ebo yabo sę po hanilabo po koneai hagede yaibao, tiali goli te eno po augwaliba me magobeo. Te pris dabego augwali ola mabo po meni yaibao, te tobolu bidi dabe augwaligo te wiegi yai homu kolesaga augwaliba maiabo meni yaibao.

1 Samuel 3:1

Te gesi ogwa bidi Samuelgo te Genuai Bidigo sę ebadi, te Eligo aga tonaluali. Te kibu be hauwa bidai madi, tama Genuai Bidigo te Israel dabebolo po hauwa sogo me wasiąwai. Te deli deli sogo naga te aga augwaliba te nade pedalubo tiwai elama, te augwaliba po magasali.

Maika 3:6

“Dagego eno we bidi dabe tibo po ola mobaso, tialima megi da, dagego te profetgo te nade sabo po tiwai munu me ma sogobeo,” wali, “tama te nosali pedelaibao wabo nai po te dagego me wagobeo. Te dagego bodolu sogo megi silainu ebao. Te giliga iba dega sigulama, te be hulia sabogo dage mesega sabo tiwai gilama ebao,” walio.

Te We Bidi Dabego Jerusalem Hagede Gela Wali 2:9

Tama agai te obogo sunumi dabe hųginama, sąnama tagaliyu, me te sunumi palibo ain dili mimia sąnama, tagaliyu yalio. Tama te dolali nai dabe augwali tǫde munalubadi, te dwai olo masigi hogomu dabego augwali mesegelama elalubao. Te boi bidi dabe augwaligo te king aga tobolu bidi dabe dali selama, tama augwali gasa kantriba kalabus elama, odasa pali. Te pris dabe augwaligo te we bidibolo te Godigo bomai po me ola mabo meni. Me te profet sibigo te nade subo nai tiwai ma susiąyu, tama augwaligo Genuai Bidigo po ma sabo menio.

Ma Dobola Sali 12:13

Tama dagego te be pilali kaneme te dagego dąį tiwai elaluaibao. Tama eno te Isip bage augwali dene ilibo sogo, eno te kaneme sulama, tama eno dage ela soaibao.”

Hibru 2:4

Tama ebadi, God me agai te po te haniani bomai sęgo me tama agai haniani bomo yai idualigo te po mu po dao dabolo hania ola mani. Tama tiyu, agai te Mobo Bidigo olo mabo haniani wiegi yai sę ebo kolesaga te we bidi dabe augwaliba dobayali, te God aga digi homugo tama tiai.

Esekiel 20:12

Tama eno te Sabat side bodolu muani, te eno po dąų walobo dąį tiwai augwali dali yali. Augwali te side toma neyu, tama augwa te tiwai konemainu yali, ena Genuai Bidigo eno augwali ena wiegi yai we bidi dabe pedalubo sę yalio.

Te Israel Tobolu Bidi Dabe 6:17

Tialima, Gideongo te tiwai po wei ponai, “Te ena nago gedude dwagi yai bidi da omainogo da, nago enabolo te eno koneabo dąį me deli ilibaso, teda eno koneama, te nage Genuai Bidigo digi te ena dali po miani, te eno koneaibao.

Maika 3:7

“Tama te mena sę dabe te nosali pedelaibao po pusali profet dabe, te augwali hale elama, te augwali dwai haliga yaibao, magi baso meni, Godigo te augwaligo gedu haluasa po wabo me odisąma, te pedelao wali nai dabe pedalumainu me isąbaso, te tama tiai dao.” Genuai Bidigo te po obao.