Godigo Nogi Ugwaba Sabo Tęąbi Po Wabo Buku Dabe 74:4 - Godigo dwagi yai po buku

⁴ Te nago boi bidi dabego te tempel be selama, tama augwali te nago tedali te wiegi yai pesage elalubo madi tomode dolalu, tama augwaligo win yai da olama, i wali.

Godigo Nogi Ugwaba Sabo Tęąbi Po Wabo Buku Dabe 74:4 Referans Kwoze

Te We Bidi Dabego Jerusalem Hagede Gela Wali 2:7

Genuai Bidigo te aga tempel be, me tede elaluali ofa maiabo altaba tudi mu ola mani. Agai te boi bidi dabego te Jerusalem taun siyu, me agai tempel be hųgiyu emainu sula tagalalio. Tama me te boi bidi dabe augwali te Genuai Bidigo tempel be tomoba pelama, tama augwaligo te be tomode subigila hae me po dabe wali. Polobadu dago tede wiegi yai homu eyu, Godiba lotu po wedu geai goli, megi da, augwaligo hae bomonama wedu geai. Magi baso meni, augwaligo te be sai dao.

Matyu 24:15

Jisasgo te po me wai, “Te polobadu bidali bidi Daniel agai Godigo po pusuyu, te dolobo gasa dwai naide po pusali, polobadu. Tama dagego te dwai nai te magi dwai sę isąwai wiegi yai bulude bidibo sueibao. (Bidigo te po nedebaso da, agai homugo bugagia koneao.)

Tuni Bidi Dabego Po Elalubo Buku Si 36:17

Tialima Genuai Bidigo te Babilon king aga ami bidi dabe dali augwaligo te Juda dabe dolomainu tagala palali. Te Babilon dabe augwaligo te Juda dabego gesi bidi te tigidali Jerusalemde ela siliyu, me te Genuai Bidi aga bede ela siliyu yali. Kingo Juda dabe hobede dwasianu me ebeo. Mu menio. Te Babilon dabe augwaligo te Juda dabe gesi bidi me gesi wegi sese tama, me monu dabe, me te mosi dabe mu yai bage pąde tama te isabo ąǫ yai bage te Genuai Bidigo te Juda dabe sese tama te Babilon kingo nogoba muani.

Israel Hanigo Namba 2:2

“Te Israel dabe augwaligo gesi noma pesage nigigi pabo sogo da, te deli deli bidi aga ugwa be te aga hani mugo plak ugwa walalubo pagede mu sę emainao. Augwaligo name ugwa be eno name ugwa lotu be bagulama sese pomainao. Tiali goli, augwaligo eno name ugwa be pąde mu sę emainu elamuo. Menio. Augwaligo be digibulu ganama sę emainao.”

Kraisgo Geme Dualali Sę Pedelabo Po Jonbolo Ola Mani 13:6

Tama agai pedauwalidu dwai dwai po weyu, God dali posobo po wabo gagalali. Agai Godigo nogide posobo po weyu, tama Godigo bulu dali me te po wali, tama te Godigo hani dagalude bidibo hani augwali dali me te dwai posobo po wai.

Dwagi Yai Gesi Po Lukgo Asęani 21:20

Te Jisasgo te po me wai, “Te nosali dagego te ami bidi dabego Jerusalem be nani bagulibo maga dagego subaso, teda te Jerusalem hanu dolabo sogo pąba yagasali, te dagego koneaibao.

Dwagi Yai Gesi Po Lukgo Asęani 13:1

Te Jisas agai po obadi yaide, hasia asisąwai we bidi me pageba asali. Tama augwaligo Jisasbolo te po wali, “Te Galili tǫ we bidi me badu augwa sipsip kibu ela munama, Godibolo ofa olo mobadi yaide, tama te moni gavman tobolu bidi nogi Pailat agai po olama, gasa bidi dabego te we bidi ela muai. Tama ela munama, agai augwaligo kaneme me, te sipsip kibu kaneme me si taluali, tamadi,” augwaligo te po wali.

Daniel 6:27

Agai te we bidi dabe dolainu ebo sogo te augwali ma sabo dao. Tama agai te tobage te genuai bomai sę te dagalude me tǫde ebao. Te Godigo te Daniel tonalu, tama te laion dabego aga me dolobeo,” te po wai dao.