Godigo Nogi Ugwaba Sabo Tęąbi Po Wabo Buku Dabe 74:16 - Godigo dwagi yai po buku

¹⁶ Nago te be posobo me be hulibo nigali, tama nago te giliga me polua te ugwadu muai elalubao.

Godigo Nogi Ugwaba Sabo Tęąbi Po Wabo Buku Dabe 74:16 Referans Kwoze

Matyu 5:45

Tama tiyu da, dage te duga Aya dagalude bidibo bidigo wai puluba mu bidaibao. Agai te tobage dwagi yai sę naga eyu, tama agai sia nanobo te dwai sę ebo bidi dabeba me te dwagi yai sę ebo bidi dabeba dali si te sia nanobo ula ilibo dao. Tama te tulubage tulubo me te doloba pai bidi dabeba me, te doloba pesiąwai bidi dabeba me te tulubage tuluyu ilibo dao.

Godigo Nogi Ugwaba Sabo Tęąbi Po Wabo Buku Dabe 104:19

Nago polua nigai, tama agai tigidali kibu be koneabo dąį ela pabo dao. Tama giliga aga aiyaba dulabo sogo koneama, dulubo dao.

Godigo Nogi Ugwaba Sabo Tęąbi Po Wabo Buku Dabe 8:3

Te eno nago nogogo nigali dagalu subo sogo, tama eno te poluaba me, te tigidali hǫ te nago ugwade muani tonono ebo sogo,

Godigo Nogi Ugwaba Sabo Tęąbi Po Wabo Buku Dabe 104:20

Nago be huliao wabo dao, tama hulide uni hasa dabe bilibo dao.

Aisaia 45:7

Eno naga eno te po obaso, te be posoyu, be huliyu ebao. Te eno naga te we bidi bugagia bidimainu ebao, te eno augwali te genuai sęgę somainu yaibao. Genuai Bidi eno naga, eno te sę tigidali pedalumainu ebo dao.’”

Jeremaia 33:25

Tialima, ena Genuai Bidi, eno po dolo obao. Eno dąų walali bomo yai po te giligade dali, hulide meeno bomo yai po tigidali te dagalude me tǫde muai dao.