Godigo Nogi Ugwaba Sabo Tęąbi Po Wabo Buku Dabe 74:15 - Godigo dwagi yai po buku

¹⁵ Nago te wę dabe te tǫde pedalumainu elama, tama te wę dabe tedu palio. Tama nago te genuai wę dabe tigidali mu sula somainu ilai dao.

Godigo Nogi Ugwaba Sabo Tęąbi Po Wabo Buku Dabe 74:15 Referans Kwoze

Israel Hanigo Namba 20:11

Tama te Mosesgo te masigi dali po wabe. Menio. Agai te dono selama, si sogo te masigi elali. Tama moni ąį te masigide pedalali, tama te we bidi, me augwa kau me sipsip dabego te wę tuali.

Aisaia 48:21

Polobadu, Genuai Bidigo aga we bidi dabe te bulu tǫ wa pai pesageba odasa pali, tiali goli augwali wę nogonego me isibeo. Menio. Agai te masigide ąį pedalumainogo ilali. Agai te masigi dalama, te ąį buluba asobode te augwa tuali.

Godigo Nogi Ugwaba Sabo Tęąbi Po Wabo Buku Dabe 105:41

Agai ąį masigide pedela wai. Tama genuai ąį te masigide pedelama, tama te ąį masigi kemi wa pai digi te ąį pai, te genuai ąį bulude asobo tiwai yai.

Josua 2:10

Magi baso meni, dagego te Isip tǫ taga soali sogo te Genuai Bidigo te Nosai Elaluali Tamu Ąį wai ilali po augwaligo dabolo te po pusai. Tama dago odali, dagego te Amor dabego gavman tuni bidi Sihon de Ok si me, te augwali sigo ami bidi dabe dali, te wę Jordan u badu ela silali po dago odai dao.

Kraisgo Geme Dualali Sę Pedelabo Po Jonbolo Ola Mani 16:12

Te sę silama, tama te a naga olama me badu nogo deli wali te ensel mobo bidi aga pou te genuai ąį nogi Yufretis te ąįba te gelai. Tama te ąį tigidali wa pela tama te giliga pedalobo badu tuni bidi dabe asabo tų sisilama tonaluai dao.

Habakuk 3:9

Nago naga enesigi dodola munama, tama nago te po obaso, tama nago ene dabe te nago enabo dąį ilali bulu dolo palio. Te bulu du dabego nage subo sogo da, augwali midigi yai dao. Nago genuai ąį te tǫba tula palobo sogo, tama agai te genuai ąį gamia nigai dao. Te ąį genuai bomo elama asalio. Te tǫ dologo badu elalubo ąį dabego me kidagalo weyu, te ge bo dabo ugwanu holama, te dagaluba usu nai dao.

Aisaia 44:27

Eno te po wabo sogo, ‘Tamu ąį, nage sula sao,’ obaso da, teda aga te sula sabo dao.

Godigo Nogi Ugwaba Sabo Tęąbi Po Wabo Buku Dabe 78:15

Agai te masigi tǫ bulude te masigiba elama, tama te wę aiyadu pedalumainu elama, te augwaligo tuali.

Te Israel me Juda Hani Sigo Tuni Bidigo Po Elalubo Buku Si 2:8

Tialima, Elaija aga bobobage bulubo ugwa dilama, tama te tomagelama, tama te bulubo ugwago te Jordan ąįba elali. Tama te ąį tomode si bugasa pelama, tama te ąį tomode tǫ dila pai mu elaluali. Tama augwali si tedu pelama, te Jordan ąį uba pedai badu sabolali.

Te Israel me Juda Hani Sigo Tuni Bidigo Po Elalubo Buku Si 2:14

Tama te Elisa agai te Elaijago bobobage holobo ugwa selama, tama agai te Elaijago yali kolesaga tiwai elama, te agai te holobo ugwa selama, te ąįba elali. Tama agai te węba elali sogo agai te po wai, “God, nage Elaijago Genuai Bidio, nage mena bidibawe?” Tama te po obadi yaide, te ąį tomode si buga pali, tama tibo si, te Elisa te ąį tomodu pelama, te ąį u badu pedaiba sabaligi pali.

Godigo Nogi Ugwaba Sabo Tęąbi Po Wabo Buku Dabe 114:3

Te nosa elalubo tamu ąį agai te tonono elama, tama wi palio, tama te wę Jordan dolalu, tama te wę ma soabeo.