Godigo Nogi Ugwaba Sabo Tęąbi Po Wabo Buku Dabe 74:13 - Godigo dwagi yai po buku

¹³ Te nago bomode naga, nago te genuai tamu ąį togolama, tama me badu buga siyu, meba buga siyu elama, dolaluali. Tama nago te Isip we bidi dabe dolali. Augwali te tamu ąįde moni sųgų tiwai yalio.

Godigo Nogi Ugwaba Sabo Tęąbi Po Wabo Buku Dabe 74:13 Referans Kwoze

Ma Dobola Sali 14:21

Tama Mosesgo nogo ugwaba selama, tama tamu ąį hulide usu sai, tama Genuai Bidigo bomai wali te sia ge pedalobo badu asiyu pedelali, tama te waligo te tamu ąį te sia ponobo tiwai edubadi, tama be posai. Tama waligo te tamu ąį ma sela sąbode, tama tamu ąį tomode si peda pai.

Godigo Nogi Ugwaba Sabo Tęąbi Po Wabo Buku Dabe 78:13

Godigo te tamu ąį togolama, tama tamu ąį te me badu buga siyu, me badu buga siyu elama, dolaluali, tama agai te Israel dabe tomodu odasa palio.

Esekiel 29:3

Nago te God Genuai Bidi eno po agabolo pusuyu, te po walao, ‘Isip king bidi, ena nago boi bidi pedalobao. Nage te pukpuk me genuai deli te Isip dabego wę dabede pila mubo tiwai dao. Nago te po wabo dao. Nago naga digi naga ma geselai dao olama, tama te ąį Nail te naga ąį dao wabo dao.

Esekiel 32:2

“Tǫde bidi, nago Isip king bidide hobedai gela weyu, e tama balia po wao, ‘King, nago homugo nage te meba kantri tomode te boma pai laion yowi da homu ebo dao. Tiali goli, menio. Nage te moni pukpuk me deli te węde bidiyu, sągą subigila sąyu ebode wę dunugu ilibo pukpuk tiwai dao.

Godigo Nogi Ugwaba Sabo Tęąbi Po Wabo Buku Dabe 66:6

Agai te tamu ąįgo pesage te wa pai pedalumainu ilama, tama dago wąį nǫų dabe tedu pelayu, tama te wę nogegi pai. Tede te augwaligo Godiba wiegi yai homu pemene yai dao.

Nehemia 9:11

Nago po obaso, tama te tamu ąį si badu buga selama, tama tǫ wa pai nigilai, tama te we bidi dabe te tomodu peyu, te u badu pedaiba sabolali. Tama te Isip ami dabego nago we bidi pobeasa asali, tiali goli nago te tamu ąįgo te Isip dabe augwali mesega somainu elama, tama augwali te węba masigi tiwai dulama, te augwali ela silai dao.

Ma Dobola Sali 14:28

Tama te Isip tuni bidigo ami bidi dabe augwali te Israel hani wali peyu, te tamu wę tomoba pali bage, te wę ma asiyu, te Isip ami bidi dabe augwali mesega sai. Tama agai te ami dabe tigidali, me te hos, me karis dabe, augwali dali agai te węgo mesegelali, tama deli me bidibeo. Tigidali isai.