Godigo Nogi Ugwaba Sabo Tęąbi Po Wabo Buku Dabe 74:1 - Godigo dwagi yai po buku

¹ God, magi baso nago da tudiba mubawe? Te nago wado po sesemane te naga we bidi daba ududa, agawe?

Godigo Nogi Ugwaba Sabo Tęąbi Po Wabo Buku Dabe 74:1 Referans Kwoze

Bomai Po 29:20

Godigo te tama bidi dabego sęgę munu me sela sągobeo. Tiali goli, God sębę mu elama, tama isi delama, posolo genuai mu ebo tiwai mu yaibao. Tama te dwai sę dabe te bukude wali te dwai sę dabe te bidi tigide pedalaibao, te sę tama ela ela pidubadi, te Genuai Bidigo aga dolama, silibo siba usu nigi paibao.

Godigo Nogi Ugwaba Sabo Tęąbi Po Wabo Buku Dabe 100:3

Dagego Genuai Bidi homugo konebo tagaligio, aga deli te God mu dao. Aga deligo da nigai, tama da aga we bidi dao. Da agai we bidi, da agai te kibu sipsip tiwai dao.

Godigo Nogi Ugwaba Sabo Tęąbi Po Wabo Buku Dabe 79:13

Nago te tama tibaso da, teda da naga we bidi dabe, da te nago sipsip wai tiwai yaibao, teda dago nageba te usu da weyu, gedu haluasa po sesemane sesemane sogo waibao. Tama te nosali nosali pedalubo wąį nǫų dabego, teda augwaligo me te nago nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 95:7

Aga digi dago God dao. Aga digi da we bidi te sipsip wai tiwai tonalubao, tama agai da nai mobao. Te e sogo megi tama dagego agai pedauwalide po odiąo.

Godigo Nogi Ugwaba Sabo Tęąbi Po Wabo Buku Dabe 44:9

Tiali goli, megi da, magi yaliwe? Nago da tudiba munama, tama nago dago nogi aiyaba muani. Tama nage te dago ami bidi dabe dali te hwįboba me pabeo.

Dwagi Yai Gesi Po Lukgo Asęani 12:32

Jisasgo po ma wadolama, “Te dage ena dali bilibo bidi dabe, dage te dwasianu hani sipsip tiwai dao. Te dage wi egimio. Magi baso meni. Duga Ayago dagebolo po weyu, te aga dagego king bidibao po olama, Godigo dagebolo te we bidi tonalubo sę mawainu, dwagi yai homu elalubao.

Esekiel 34:31

Dage eno we bidi, dage eno sipsip kibu tiwai dao, tama dage ena tǫde bidiyu, tama eno dagebolo nai mabo dao. Tama ena dagego God bidibao, Genuai Bidi eno po polo wali.’ Te po augwalibolo pusao,” God Genuai Bidigo te po wali.

Jeremaia 31:37

Ena Genuai Bidigo, eno te po obao, te bidigo dagalu tigidali badu habu usu sobaso, usu yaibao weyu, te bidi mego te tǫ bulali pageba mu aiya dulama, te tigidali habu badu subaso, usu yaiba obaso da, teda te sogo naga tama eno te Israel we bidi tigidali tudiba mueibao, te augwa yali dwai kolesaga wei ponoyu, tiaibao. Ena Genuai Bidigo, eno te po wai dao,” wali.

Jeremaia 23:1

Genuai Bidigo te tiwai po wali, “Genuai sęgę te eno we bidi dolobo tobolu bidi dabeba pedelaibao. Augwali te dwai tonalubo bidigo te sipsip dabe dolama, te augwali subigila tedela palobo tiwai ebao.

Godigo Nogi Ugwaba Sabo Tęąbi Po Wabo Buku Dabe 79:5

Genuai Bidio, nisu naga sogo nago dade wado po wabo me elalu, elaibawe? Te nago wado po wabo te sesemane elaluabo homu eba, agawe? Te nago wado ebo me elalu, tama te sia bogoli elalubo tiwai eyu, tama me sula sogobe da, agawe?

Godigo Nogi Ugwaba Sabo Tęąbi Po Wabo Buku Dabe 77:7

“Te Genuai Bidigo ena te sesemane sogo tudiba muba homu ebawe? Te agai ena godolo homu mu me isiąbo homu ebo agawe?

Godigo Nogi Ugwaba Sabo Tęąbi Po Wabo Buku Dabe 42:11

Magi baso ena haliga sęgę sesemane sogo ebawe? Magi baso eno haliga midigi ebawe? Ena te Godiba konealubo homu dąų olama, tama agai ena tau sabo tonalueibao. Aga te eno God da, tama ena tau sabo dao. Tama tiyu, eno aga nogi ugwaba ma saibao.

Esekiel 34:8

Ena God Genuai Bidi, eno tigidali sogo bidibo dao, tama eno po mu tama e obao, eno sipsip kibu dabe augwali bugagia tonaluabo bidi menio. Tama tibaso, te bulu hasa dabego te sipsip kibu dabe ela wialama, augwali tuali dao. Tama te eno sipsip kibu tonalumainu sa muani bidi dabe augwaligo te hagawali sipsip dabe gegebeo. Augwaligo augwa naga ma tonalubo sę eyu, tama augwali te sipsip dabe tonalubeo.

Godigo Nogi Ugwaba Sabo Tęąbi Po Wabo Buku Dabe 78:1

Eno hani bage dabe, dagego eno po bugagia odao. Dagego eno wainogo ebo poba olo bugagia muao.

Godigo Nogi Ugwaba Sabo Tęąbi Po Wabo Buku Dabe 60:10

God, te nago da te tudiba muani homu eba, agawe? Nage te dago ami dabe dali pisąma eba, agawe?

Godigo Nogi Ugwaba Sabo Tęąbi Po Wabo Buku Dabe 60:1

God, nago da tagalama, tama da te hwįbode aiyaba elalumainu sula tagalalio. Nago dade wado homu elalu, tama nago te tiwai yali. Tiali goli, megi te nage ma asiyu, te da ma tau sagasao.

Godigo Nogi Ugwaba Sabo Tęąbi Po Wabo Buku Dabe 42:9

God da, te ena seselalubo bidi mu dao, tama eno agaba te tama po obao, “Magi baso nago enaba homu kone ebo tagalubawe? Magi baso nago ena te boi bidi dabego elalumainu eyu, tama ena te haliga sęgę emainu ebawe?”

Godigo Nogi Ugwaba Sabo Tęąbi Po Wabo Buku Dabe 18:8

Te hano aga gunide pedelali. Tama aga pedauwalide dabo siago te doado bage hauwa ulali.

Godigo Nogi Ugwaba Sabo Tęąbi Po Wabo Buku Dabe 10:1

O Genuai Bidi, magi baso nage digibulu dolalubawe? Magi baso te dwai sę daba pedalubo sogo nago dade geme duala sobawe?

Ma Dobola Sali 32:11

Tiali goli, Mosesgo te Genuai Bidigo homu bea sainu, agai bomonama gedu haluasa po aga Genuai Bidi Godibolo e tiwai po wai, “Genuai Bidio, tiyu nago sębęgo naga we bidi augwali dolomainogo sula tagalamuo. Nago te we bidi augwali te Isipde te nago naga genuai bomogo digi te augwali selama, odasa asai dao.

Te Israel me Juda Hani Sigo Tuni Bidigo Po Elalubo Buku Si 21:14

“Tama tialima, te me badu we bidi dabe tede me bidibaso da, teda augwali te eno munu me tau sogobeo. Mu menio. Tama augwali te eno te boi bidi nogoba muaibao. Tama te boi bidi dabe augwaligo te augwali dolama, tama augwaligo doado bage dabe me wi sela pomainao,” wali.

Godigo Nogi Ugwaba Sabo Tęąbi Po Wabo Buku Dabe 50:1

Te Tigidali Bomo Elalubo God, aga te dago Genuai Bidi da, megi da agai po weyu, tama te giliga pedaluboba, me te giliga dega siguluboba usu nama, te tigidali we bidiba i obao. Agai te tigidali bulu tǫ we bidiba i wabo dao.

Godigo Nogi Ugwaba Sabo Tęąbi Po Wabo Buku Dabe 77:8

Agai megi ena homu dene me ebewe? Te aga dąų wali po te tulalumainu eba, agawe?

Godigo Nogi Ugwaba Sabo Tęąbi Po Wabo Buku Dabe 80:5

Nago da te gela mu udumainu elama, tama dena gedu ąį te tubo nai, me te genuai tubo ąį tiwai ebao.

Godigo Nogi Ugwaba Sabo Tęąbi Po Wabo Buku Dabe 85:6

Nago dago bidibo ula ma dąų walao, te nago we bidi dago te wiegi yai pemene elama, tama nago nogi ugwaba saibao.

Aisaia 64:8

Tialima, Genuai Bidi, nage dago aya dao. Nage te sospen sene tǫgo nigibo bidi tiwai, tama da nago te sene nigainu sabo tǫ tiwai elalubao. Te nago nogogo digi da tigidali nigibo dao.