Godigo Nogi Ugwaba Sabo Tęąbi Po Wabo Buku Dabe 72:7 - Godigo dwagi yai po buku

⁷ Tama aga bidibo sogo te bidi dabego te doloba pai kolesaga naga wali pomainu yao. Tama te wiegi yai nai hauwa te tigidali sogo te polua pedelama elalubo sogo te pedalumainu yao.

Godigo Nogi Ugwaba Sabo Tęąbi Po Wabo Buku Dabe 72:7 Referans Kwoze

Aisaia 2:4

Genuai Bidigo tigidali hani we bidigo po tų dodolama, tama augwali bugagia deliba bidaibao. Tama augwali hwįbo bainat te gi tǫ elebo ain tiwai gagawaibao. Tama augwa hwą gagawai sesemone te hamago elama, gi sę yabo hwą tiwai pedalaibao. Tama tigidali we bidi hanigo me hwįgobeo. Tama augwaligo te boi hwįbo kolesaga munu ma konea sagobeo.

Malakai 4:2

“Tiali goli dage eno po wali pabo we bidi, te eno bomogo dage ma saibao. Eno bomo te giliga ulago bomo tiwai elalu, tama dage we bidi te giligago tigi dili ilibo tiwai yaibao. Te dage wiegi yai pemene eyu, te bulmakau wai dabe te banis tomode bidai te buluba dinibo side te sasa mano pabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 92:12

Te doloba pai kolesaga ebo we bidi dabe te wiegi yai pedalu, te nigo wiegi yai du walubo tiwai yaibao, tama te genuai holama, te Lebanonde te wiegi yai ni sida dabe tiwai yaibao.

Dwagi Yai Gesi Po Lukgo Asęani 2:14

“God agai nogi ugwanu mu kegenanao. Tǫde bidibo we bidi homu tegaluama, bidiąo. Augwalibolo Godigo dwagi yai homu ebao,” te ensel dabego te po wali.

Aisaia 60:22

Jerusalem, te nagede bidibo mena bidi aga nogi me elalusiąbaso, te tagalao, aga te genuai hani wai dabego aya mu pedelaibao. Te dwasianu mu yali hani dabe te augwali umabo pedalu, te augwali genuai bomai kantri we bidi tiwai pedelaibao. Ena Genuai Bidigo eno te po obao, te sę dabe te eno bodolu muani sogo polo asesa pedelaibao,” te po wai dao.

Godigo Sęba Tagala Palai Bidigo Po 4:32

Te bidi Jisas konealubo we bidi augwali homu deli, kolesaga deli elama, bugagia bidali. Bidi mego “Te nai ena naga dao” po me wabe. Augwali tigidaligo augwa doado bage dobolama, tigidali we bidi usu yai.

Dwagi Yai Gesi Po Lukgo Asęani 1:33

Te tigidali sogo Jekopgo hanigo genuai bidi bidaibao. Aga te we bidi sesemane sogo tonaluaibao,” te enselgo te po wali.

Daniel 2:44

“Tama te king dabe bidalubadi, te Godigo te we bidi tonalubo bomo te tomo hodolama, tama te tonalubo bomo te sesemane bidada peyu, bidada paibao. Te gasa king dabego te Godigo tonalubo bomo te elalueinu ebaso, usu me egobeo, te gasa bagego te bomo me sogobeo. Tiali digi, te agai da te augwali aiyaba elaluama, tama te gasa king dabe mu dola silama, tama agai tonalubo bomo te sesemane elaluaibao.

Aisaia 60:1

Genuai Bidigo te po wali, “Jerusalem, nage hogodama, te giliga nanobo ula tiwai yao, magi baso meni, megi eno genuai ula me bomo, Genuai Bidigo ula te nage daide ugwadu yaibao.

Te Israel me Juda Hani Sigo Tuni Bidigo Po Elalubo Buku Deli 4:25

Te Solomon king bidali sogo, te Juda me Israel te tigidali badu te tigidali we bidi, augwali te augwa te wain bono dabe me te ni kaya fik gi dabe pąde bugagia dugulalu bidali, tama te dwai nai me deli te augwaliba me pedalubeo.

Te Israel me Juda Hani Sigo Tuni Bidigo Po Elalubo Buku Deli 5:4

Tiali goli, te megi da, te God, eno Genuai Bidigo, te gasa bulu tǫ pedai bage te augwali ena dali bugagia bidimainu ilali. Te hani dabe augwaligo te da dali boi bidi munu ma isiąyu, tama te dwai sę ebo nai dabe daba me pedalubeo.

Sekaraia 9:10

Genuai Bidigo po ma weyu, te po wali, “Eno te boi hwįbo karis dabe me hos kibu dabe sela sąnama, tama augwali te Israel dabe bidibo tomode munu me elalugobeo. Tama augwaligo te hwįbo ene dabe te tigidali eno dolaibao. Te dagego kingo te tigidali tǫ kantride te boi hwįbo kolesaga tagalama, te deli haliga elama bidimainogo ilaibao, tama agai te genuai tǫ pedai badu bidibo we bidi tigidali tonalueibao. Te tǫ te genuai tamu ąį dage badu gagalasa pelama, te digibulu mu elalubo tamu ąįba mu usu nigi paibao. Te me te genuai ąį Yufretisde gagalasa pali, te u badu pedai digibulu mu usu nigi paibao,” Genuai Bidigo te po wali.