Biblia Todo Logo
Bib sou entènèt

- Piblisite -




Godigo Nogi Ugwaba Sabo Tęąbi Po Wabo Buku Dabe 72:10 - Godigo dwagi yai po buku

10 Te Spen king, me te tamu ąį tomo bulu ailan king dabego, teda augwaligo agaba te wiegi yai nai presen dabe mawaibao. Tama te Arebia king me, Itiopia kingo me, teda augwaligo agaba takis mawaibao.

Gade chapit la Kopi




Godigo Nogi Ugwaba Sabo Tęąbi Po Wabo Buku Dabe 72:10
19 Referans Kwoze  

Te Israel hani isąwai Midian bage me Efa bage, te augwaligo gesi kamel hauwa mugo te walu dabe nageba sesaibao. Augwali te tǫ kantri Seba teba pelama, te gol me, te wiegi yai hano denami ebo pauda me, te selasa asaibao. Te we bidi dabego Genuai Bidi, eno genuai nogi ugwaba saibao.


Genuai Bidi, aga te Israelgo Wiegi Yai Doloba Pai Kolesaga Tigidali Mu Ebo God dao, aga te Israel tudibadu posolalu, tau sabo bidi elalubao, agai te po aga sę bidiba wali. Aga da te gasa we bidigo godolo homu isiąbo bidi, te gasa bulu tǫ kantri we bidigo te aga dwai nai mu tiwai tonani, te aga te genuai bidi dabego olo sę ebo bidi tiwai bidali. Genuai Bidigo te tiwai po wali, “Te king dabego nage sulama, te augwali dolagaselama, te genuai bidi dabe augwa gesabidi te tǫba basigulama, te nageba genuai nogi mayu tiaibao. Augwaligo tama tebo, magi baso meni, ena Genuai Bidi, te Israelgo God, ena te Wiegi Yai Doloba Pai Kolesaga Mu Ebo God da, nage sa muani, te eno sę emainu yali, te eno dąų wali po te eno me bologobeo,” wali.


Te king dabe nageba te wiegi yai olo maiyabo nai presen dabe seselama, tama nageba menama, te nago moni lotu be tempel te Jerusalemba mawai dao.


Te Seba tǫ pedai kantri polalubo we, te kwin wabo we, te kwingo te tama po odali, te Genuai Bidigo te Solomon bugagia wiegi yai ilama, tama te Solomongo genuai nogi elalubo po odali. Tama tiyu, te kwin we aselama, te Solomonba te gegeda pai hanalubo po meba, te Solomon aga usu sabo hanalubo po meba, te agaba hanalu wagasali.


Te digibulu buludu asobo sip dabe dao. Mu tama, te digibulu bulu we bidi dabego te eno augwali tau sabo tonaluai. Augwaligo te genuai sip dabe tagala palali, te nago ogwa dabe nageba ma sesalio. Te we bidi dabego te hauwa silva me gol te sip dabego sela somainu tolali. Augwa tama tiali, magi baso meni, augwaligo te eno nageba wiegi yai sę bugagia eyu, genuai nogi elalubo sulama yali, te augwaligo Israelgo Genuai Bidi, te ena Godiba genuai nogi mayu yali, ena te Wiegi Yai Doloba Pai Kolesaga Mu Ebo God dao,” te po wai.


Te Tair bulu we bidi augwaligo te nageba wiegi yai homu ilibo nai dabe sesaibao, tama te mone hauwa elalubo bidi dabego me te nageba wiegi yai homu ebo nai dabe mawaibao.


Te king Hiramgo boskru dabego Solomongo genuai sip te kantri Tarsisba sela peyu ebo dao. Te Solomongo te sip dabe tagala palobo sogo da, augwali kibu be sela mu biliyu ebo dao. Tama augwaligo gol dabe, me silva dabe, me elefan kibugo kele dabe, me haniani hasa monki dabe sela asiyu ebo dao. Tama nosali augwali ma biligi peyu ebo dao.


Te Kusgo ogwa dabe da, te augwali e dao, Seba, Havila, Sapta, Rama, me Sapteka. Ramago ogwa si ame nani, me Siba me Dedan.


Tama augwali te be tomoba pelama, tama augwaligo te wai aga ida Maria dali suai. Tama augwali tobolu basi gulama, tama kidu sugunama, te waiba lotu po wai. Tama augwaligo augwa wa dabe dalama, tama augwaligo te waibolo wiegi yai nai meba olo mawai, te kapa nogi gol me, te wiegi yai denami ebo pauda nai me, te tigide wiegi yai denami ilibo nai, te tama nai te wai olo mawai.


Te Israel hani isąwai we bidi dabego nago te ula sulama, te augwali nageba asaibao. Te king dabego me nago te bomai ula sulama, te augwali hogodama asaibao,” wali.


Eno te bidi dabe te not badu, me saut badu bidibo bidi dabebolo olama, te dage ma asomainu ilao waibao. Te eno we bidi dabe te digibulu mu, te tǫ sesege badu bidali me, te augwali eno ma odasa asaibao.


Magi baso meni, ena Genuai Bidi, ena te Israel dabe duga God, te eno dage tau saibao. Ena te Wiegi Yai Doloba Pai Kolesaga Ebo God dao, eno naga eno dage ma dobola sobao. Dage te boi bidi dabego nogode bidibo sogo, eno te Isip dabe, me Sudan dabe, me Seba dabe menama, dobu si eyu, dage Israel bage ma saibao.


Dage tǫde we bidi tigidali, dagego gesi balia po weyu, te Genuai Bidi nogi ugwaba sinao. Dage te sipidu bilibo bidi dabe, me te tamu ąįde bidibo hasa dabe, dagego agai nogi ugwaba siyąo. Dage te digibulu tǫ kantride bidibo we bidi dabe, dagego te gesi balia po waiyąo.


Te aga haliga sęgę me isiąyu, te sęgęgo aga aiyaba elalumainu me iligobeo. Agai sę bomo elama eyu, agai doloba pai kolesaga ebogo te dwai kolesaga ebo kolesaga aiyaba elaluaibao, te tigidali tǫ habu usu nama bomo elalumainu ilaibao. Te digibulu bulu we bidi dabe te aga tonaluaibao, te agai augwali bugagia dugulalu bidabo kolesaga ola momainu yaibao.”


Te tigidali kibu bede te bidi dabe asiyu, tama tigidaligo te Solomonba wiegi yai homu eyu maiabo nai sesali. Augwaligo te bidi dabego te silvago me golgo nigai nai dabe sela asiyu, me augwaligo te wiegi yai ugwa dabe, me te hwįbo nai dabe sesali, tama te tobage pauda me te wiegi yai denami ebo nai, te hos dabe, me te donki dabe, te sela asiyu yai dao.


Tialima, te Seba kwingo te gol hauwa te Solomonba mani, tama te golgo sęgęgo te 4 ton aiyaba elaluali. Tama kwingo te tobage nai pauda dabe te wiegi yai denami ebo nai me, te gasa wiegi yai masigi dabe me mani. Te pauda dabe te hauwa mu tamao. Tama nosali te sogo te tobage denami ebo pauda hauwa te Israel bulu tǫ tomoba me asobeo.


Kwin te Jerusalemba asali, te aga sę bidi hauwa dali, te genuai hani kamel dali me asali. Te kamel dabego te gol hauwa mu me, te tobage pauda me, te wiegi yai denami ebo nai dabe me, te gasa sawi yai masigi dabe, te nai dabe sesali. Te kwin we sabolagaselama da, teda agai te hanaluabo homu yali po tigidali te Solomonba hanalu walio.


Tuni bidi Serksisgo te aga tonalubo tǫ pedai tigidalide bidali we bidibolo te takis mone mao po weyu, te po mu dąų walali. Te nambis provins dabe dali, te agai tonalubo tǫ tomode mu elaluali provins dabe dali, te tigidali tǫ pedai badu tede te takis mone sabo sę yai dao.


Nage te naga tempel bede bidiyu, tama nago te Isipba wado ilao, te uni hasa te wę pude bidibo tiwai ebao. Nago te we bidi hani dabe wado ilama, augwali te omai kibu bulmakau te augwa wai puluba dabe dali bidibo tiwai ebao. Te augwaliba wado iliyu, te augwaligo nageba kidu sugunama, tama augwa silva dabe te nageba momainao. Nago te hwįabo homu ebo we bidi dabe te sela sąyu, ela gudulao, tama augwa wi tedela pomainao.


Swiv nou:

Piblisite


Piblisite